Тәуелсіз елім Қазақстан тәрбие сағаты 6 сынып

«Тәуелсіз елім – Қазақстан» атты интеллектуалды танымдық ойын

Мақсаты: Оқушыларды ұлтжанды болуға тәрбиелеу, патриоттық сезімдерін қалыптастыру, адамгершілікке, сыйластыққа, мейірімділікке тәрбиелеу.

Тарих өткелдерінен көрініс

Баласы: Әке, сізге көңілімде жүрген сұрағымды қойсам бола ма?

Неге осы атам «Сенің болашағыңды ойлаймын» дейді. Оның өткен өмірі қандай болып еді, айтып беріңізші?

Әкесі: Сұрай ғой, балам!

Е, балам, сенің атаң не көрмеді дейсің?

1723 жылы Жоңғар шапқыншылығы, 1930-32 жылдары аштық, 1937-38 жылдары ағаларымыздың жазықсыз жазаға ұшырауы.

1986 жылы Тәуелсіздік жолында жастарымыз ереуілге шықты.

Міне, атаңның өткен өмірі осы.

Баласы: еее, әке енді түсіндім!

Әкесі: Бұдан да тәубә! Қазір, еліміз өз Тәуелсіздігін алып, егеменді ел болдық.

Егеменді ел болудың белгісі-

Басқа жұртпен тең жұлдызы, тең күші.

Егеменді деген сөзден естілер

Ата жұрттың арғысы мен бергісі.

Жүргізуші:Қуан бүгін, қуан халқым, шынында,Ақтарылсын ағыл – тегіл жырым да.Бір құдайдан бірлік қана тілеймін,Бүгінгі мынау тәуелсіздік таңында.

Жүргізуші:Қазақ жері –ата-баба бесігі,

Орман, дала, аса байлық несібең

Жыр-маржанның, сөз асылын арнаймын

Туған жердің Тәуелсіздіктің күніне.

Жүргізуші:

Қазақстан-біздің Отанымыз, еліміз, туған жеріміз!Мемлекетіміздің өсіп-өніп, шыңға жетіп өркендеуі – біздің жетістігіміз.

Барша қазақстандықтар үшін тәуелсіздіктің мәні де,маңызы да айрықша . Өйткені біз тәуелсіздіктің арқасында тарихымызды түгелдеп, тілімізді, дінімізді қайта оралттық. Мемлекетіміздің ұлттық рәміздері қабылданып, ұлттық салт-дәстүрімізді жандандырдық.

Жүргізуші:

Бүгін мұғалімдер ұжымын, оқушыларды, мерекемізге келіп отырған қонақтарды Тәуелсіздік күнімен құттықтаймыз, зор денсаулық, бақыт, еліміздің гүлдене беруіне тілектеспіз.

Жүргізуші:

Осы отырған барлығымыз да өз еліміздің тарихын, салт-дәстүрін біледі деп ойлаймын. Солай ма, балалар?

Жүргізуші:

Олай болса, біз сендерге Тәуелсіздік күніне арналған «Тәуелсіз елім – Қазақстан» атты интеллектуалды танымдық ойынды ұсынамыз. Бұл туған еліміз туралы білім аукционы.

Ойын шарттарын тыңдап алыңыздар.

Ойын шарттары:

Ойын екі бөлімнен тұрады:

Ойынды әділқазылар алқасы бағалайды.

Ойынның бірінші бөлімінде жүргізуші залға сұрақ қояды, жауабын білетіңдер қол көтеріп ғана жауап береді.

Бірінші бөлімінде жауаптарыды дұрыс бергендер-ойынның екінші бөліміне қатысады.

Бірінші бөлім

І кезең. Викторина

Қазақтар ертеде қалай атанған?

Қазақ отбасында бала туғанда қандай дәстүр жасалады?

Қазақтарда жыл мезгіліне байланысты көшіп-қонулары қалай аталады?

Ресейге Кіші жүз қай жылы қосылды?