Тәуелсіз Қазақстанның бақытты ұрпағымын 4 сынып

Шығыс Қазақстан облысы

Жарма ауданы

Шығарма

Тақырыбы: Тәуелсіз Қазақстанымның бақытты ұрпағымын

Орындаған : Қапарбек Інжу 4-сынып оқушысы

Жетекшісі:Каирбекова Нургуль Кайыртаевна

Қалбатау ауылы

2019жыл

Мазмұны

1.Кіріспе

Өзім туралы айтайын

2.Анамның әңгімесі

3.Тәуелсіздіктің мағынасын түсіну

Кіріспе

Бұл шығармада оралман болып Қытай жерінен келген ата-анамның ,ата-бабаларымыздың туған жеріне деген сағынышы,Отанын аңсауы туралы айтылады.Менің қазақ халқының тарихы туралы сұрақтарға анамның берген жауаптарын тыңдап өзіме ой түйгенім туралы .

Өзім туралы айтайын

Менің атым Інжу.Балалықтың бал бесігінде тәрбиеленіп өсіп келемін.Ата-анамның әлдиімен,ұстаздарымның қамқорлығымен біртіндеп есейіп келемін.Апам айтқандай өскен сайын білгенім де көбейіп келеді.Сұрақ қоюға жаным әуес.Бірде анама: « Анашым сенің туыстарың неге жоқ ?»- дедім.Сонда анам өзінің екі ағасы,екі апайы бар екенін айтты.Анам мектеп бітірген соң тарихи отанына келген екен,туыстары шекараның арғы бетінде қалыпты.Анам туған жерінен ,туыстарын қиып келгені мені ,яғни ұрпағын ата –бабамыздың жерінде өсіп-өнсін ,алаңсыз ер жетсін деп ойлапты.

Анамның әңгімесі

Анам өзі өскен жері туралы ,ата бабамыз туралы әңгімеледі.Бала кезінде Тянь-Шань тауының ең биік сілемі,ерен қабырғалар етегінде өсіпті.Биік шыңдары аспанмен тілдескен қарағай, самырсынмен көмкерілген табиғаты тамаша жер деді.Заңғар шыңдардан аққан тау суы қандай ,шөлдегенде сарайыңды ашатын,қай жерге барсам да дәл сондай суды ішіп көрмеппін деді анам.Көп жылдар бойы сол су мен анамның шұбатының дәмі таңдайымнан кетпей,шөлім бір басылмады деп, анамның көзінен тамшылап жас ақты.Бұл таудың баурайында қазақ, монғол сан ғасырлар бойы тұрады екен.Сол жерде ғұндардың ат тұяғының дүбірі сіңіп , кейін келе Ер Жәнібек бастаған қазақтар көшіп –қонып өмір сүрген.Бірақ Шығыстағы Қытай империясының күшейуімен ,1626 жылы шекара қайта сызылғанда ,Тарбығатайдың арғы беті мәңгілікке қытай үкіметіне қарасты болды.Сол кезде қазақ хандығы мықты бір мемлекет болса қазағымыз шекараның екі жағында қалмас па еді,қан жұтып бауырларын сағынысқан ащы зар болмас па еді?-деді анам.Оның бәрі тарих еншісінде ақ,қарасы өзіне мәлім. Сол қазақтың еншісі болып ата жұртқа анам келген екен.

Егемен ел Қазақстан болып сырттағы қазақтарға құшағын ашқанын естіп ата жұртына ынтызар болып анам да елге қайтуға белін буыпты.Барлық құжаттарын жиып кетуге қамданады.…