тәрбие сағаты, Теңге тәуелсіз Қазақстанның жетістігі 4 сынып

Сынып сағаты

Күні

Сынып жетекші

Сынып: 4 кл

Қатысушылар саны:

Қатыспағандар саны:

Тәрбие сағатының тақырыбы

Теңге тәуелсіз Қазақстанның жетістігі

Тәрбие сағатының мақсаты:

Оқушыларға ұлттық валюта — теңге туралы түсінік беру, оның тарихы мен маңызын ұғындыру;

Балаларды еңбекқорлыққа, үнемшілдікке тәрбиелеу; Табиғаттағы және су қоймаларындағы қауіпсіздік ережелерін түсіндіру;

Әділдік пен жауапкершілік қасиеттерін дамыту

Қауіпсіздік сабағының тақырыбы

«КӨШЕДЕГІ ҚАУІПСІЗ ОЙЫНДАР»

Қауіпсіздік сабағының мақсаты

қауіп төндіретін жағдайлар туралы түсінік қалыптастыру, қауіпті жағдай болатындығын байқай білуге дағдыландыру, көшеде қауіпсіздік шараларын сақтау.

Құндылықтарды дарыту

Әділдік және жауапкершілік айы

Апта дәйексөзі

Жауапкершілік адамды адам етеді

Сабақтың барысы:

Кезең

Мұғалім әрекеті

Оқушы әрекеті

Ресурстар

I. Кіріспе бөлім (10 мин)

1. Сәлемдесу, жылы атмосфера орнату.

– «Біз жауапкершіліктіміз!» ұранымен. 3. «Бір теңгені тап!» (шағын квест) – сыныпта жасырылған қағаз «теңгені» табу.

– Балалар, жауапкершілік деген сөзді қалай түсінесіңдер?(Балалар өз ойларын айтады: «уақытымда келу», «берілген тапсырманы орындау», «үлкендердің сөзін тыңдау» және т.б.)

Мұғалім:– Дұрыс айтасыңдар! Бүгінгі апта құндылығы – Жауапкершілік, ал біздің ұранымыз:

«Біз жауапкершіліктіміз!»

Балалар бірге қайталайды, қолдарын жүрек тұсына қойып, ұранды хормен айтады.

«Біз жауапкершіліктіміз! Біз адалмыз! Біз еңбекқормыз!»

Мұғалім қорытындылайды:

– Міне, біз бүгінгі тақырыптың кілтін таптық! Бүгінгі сабағымыз «Теңге — тәуелсіз Қазақстанның жетістігі» деп аталады.

Балалар шаттанып қол шапалақтайды.Мұғалім теңгенің суретін экраннан немесе тақтадан көрсетеді.

Шеңберге тұрып, жылы лебіз айтады. Іздеу ойынына қатысады.

«Бір теңгені тап!» (шағын квест ойыны)

Мақсаты: Сабақ тақырыбына қызығушылық тудыру, қимыл белсенділігін арттыру.

Мұғалім:– Балалар, бүгін біз ерекше тақырыппен танысамыз. Ол — Теңге, яғни біздің ұлттық ақшамыз!Бірақ алдымен біз «бір теңгені табу» тапсырмасын орындаймыз.

Ойынның шарты:Мұғалім сыныптың әр бұрышына кішкентай қағаз теңгелерді (5–6 дана) алдын ала жасырады.Әр қағаз теңгеде бір әріп немесе сурет бейнеленген (мысалы: «Т», «Е», «Ң», «Г», «Е» — «ТЕҢГЕ» сөзі шығады).

Тапсырма:– Балалар сынып ішінде іздеп, табылған теңгелерді мұғалім үстеліне әкеледі.– Барлық теңгелер жиналған соң, мұғалім балалармен бірге әріптерді құрастырып, жаңа сөз шығарады: «ТЕҢГЕ».

Ұлттық теңге суреттері, қағаздан жасалған «теңге»

II. Негізгі бөлім (20 мин)

Әңгіме: «Теңгенің тарихы»

Мұғалім:– Балалар, сендер білесіңдер ме, біздің елімізде 15 қараша күні ерекше мереке бар. Ол – Ұлттық валюта күні, яғни Теңге күні.– 1993 жылы 15 қарашада өз ақшамыз – Теңге айналымға енді. Бұл – Тәуелсіз Қазақстанның алғашқы жетістіктерінің бірі.