Тәуелсіздігім туралы эссе сынып жетекшілеріне арналған

Эссе

ТӘУЕЛСІЗДІГІМ – ТУЫММЕН ТҰҒЫРЛЫ, ЕЛТАҢБАММЕН ЕҢСЕЛІ,

ӘНҰРАНЫММЕН АЙБАТТЫ

Құтты болсын егемен елдігің,

Арман қуып, алған азат теңдігің!

Барлық халық бақшасында бақыттың,

Қуанатын, шаттанатын келді күн, -деп Б. Баязитов ақынымыз

жырлағандай, қазақ елі үшін Егемендік таңы атты!

Тарихты ақтарып қарар болсақ, осы аталған Тәуелсіздікке жету

қазақ елі үшін оңай болған жоқ. Тәуелсіздікке жету жолында

қаншама сайдың тасындай азаматтарымыз бен қырмызыдай

жайқалған қаракөз қыздарымыз құрбан болды. Осындай аға –

апаларымыздың арқасында 1991 жылы 16 желтоқсанда еліміз үшін

құт әкелер, қуаныштың таңы атқан болатын. Еліміз Тәуелсіз

Қазақстан Республикасы аталып, өз алдына зайырлы, жеке

мемлекет болды. Тұңғыш Елбасы болып қазақтың ұлы перзенті

Н.Ә.Назарбаев келді. Ата – баба арманы орындалған күні халық

оған үлкен сенім артты. Тұңғыш Елбасымыз 16 желтоқсанды

Тәуелсіздік күні деп жариялады. Содан бері, шүкір қазақ елі жан –

жақты дамып, әлемге сан қилы жағынан танылып отыр. Өткені

қазақ хандығының іргесін құраған Керей мен Жәнібектен бастау

алса, бүгінгісі егеменді елдің іргетасын қалап, бабаларымыз

бастаған көшті жалғастырып, елімізді сақтау атадан тараған әрбір

ұрпақтың парызы деп ойлаймын. Қазақ халқында «Отансыз адам –

ормансыз бұлбұл» деген қасиетті сөз бар емес пе? Яғни, орманы

жоқ құстың ұясы да, қонар бұтағы болмайды демекші, Отаны жоқ

ұлттың өмір сүруі мүмкін емес шығар. Тәуелсіздік қазақ еліне ащы

термен жеткен тәтті жеңіс. Тәуелсіздік төгілген қызыл қан мен

ащы тердің, өлмеген ұлттық жігердің отымен келген Ұлы күн!

Биылғы жылы қазақ елі Тәуелсіздіктің 29 жылдығын тойлайды.

Әрбір өткен жылда тәй – тәй басқан жас баладай өсіп, дамып келе

жатқан елімізді көру, оны мақтан тұту мен үшін үлкен абырой!