Ұстаз туралы эссе жазуға арналған көрнекілік

Ұстаз туралы эссе.

Ұстаз...

Ұстаз деген кім?

Ұстаз- әкең мен шешеңдей қолыңнан ұстап,талабыңды көріп,жақсылыққа теліп,бағыт –бағдар беретін өміріңе жол ашатын жанашыр жан. Әрбір жасөспірімнің қалыптасуында екі үлкен фактор маңызды рөль атқаратыны белгілі.Бірінші –өз үйі,жанұясы,екінші өскен ортасы.Ал отбасынан алған тәрбиені дұрыс өрбіту –мектеп міндеті.Ол міндетті орындаудағы басты тұлға, мектептің жүрегі-мұғалім.Мұғалім –берген білім, үйреткен тәрбиесімен үлгілі.

Әрбір көзі ашық адам сауатын ашу үшін ең бірінші ұстазға жүгінеді. Ал ұстаздың міндеті ештеңеден хабары жоқ шәкірттен тұлға дайындау. Мың ғасыр өтсе де ұстаздың аты және «ұстаз» деген ұғым өлген жоқ. Өйткені қай дәуір болмасын, ол қоғамға ұстаздың еңбегі керек-ақ. Тіпті зәру. Әр таңның атысы мен әр күннің батысы өзінің емес, сіздің қамыңыз үшін қамығып жүретін әрбір ұстаз атаулы жандардың еңбегін ұлы демей не дейсіз. Тарыдай болып кірген күніңізден бастап мектеп қабырғасында сіздің еркелігіңізді көтеретін де, қателіктеріңізді кешіретін де, сабақ бере отырып сүйіспеншілікке баурайтын да, махаббатқа тәрбиелейтін де, өмір сүрудің қыр-сырын үйрететін де ұстаздар қауымы. Таудай болып шыққан күніңізде де талабыңызға тілекші болып отыратын тағы да ұстаз.Менің ойымша, кез келген мұғалім ұстаз бола алмайды. Себебі, ұстаздық өнер — тағылымы терең өнер. Ал өнерлі болу кез- келген адамға қона бермейді. Олай болса, шын ұстаз болу үшін табиғи дарын, ізгілікті ізденіс пен ерен еңбекке ұштастырылуы шарт. «Шәкіртсіз ұстаз тұл» деген тегін айтылмаса керек. Дүниедегі сыйлы адам да ұстаз. Себебі, шәкірт өнер, білім, әдеп тәрбие, кәсіп үйреткен адамының алдында өзін өмір бойы қарыздармын деп санап, ұст

Ұстаз – диқан сияқты. Адамның жанына ақыл, білім дәнін сеуіп, ұстаз көңілі әр оқушы-ның жан дүниесін нұрландырып, жүрегіне шапағат нұрын төгеді. Мұғалімнен үлгі өнеге, білім тәрбие алып, өмір теңізіне құлаш ұрған кезкелген шәкірт ұстазымен мақтанса, әр шәкірті өмірде өз орнын тауып, дүниенің кетігіне кірпіш болып қаланып, ұстазынан озып жатса, төккен тері мен адал еңбегінің ақталғанына ұстаз мақтанады.