Тәуелсіздік бастауы Желтоқсан тәрбие сағаты, 2 сынып

Тәрбие сағатының мақсаты: 1986 жылғы желтоқсанда орталықтың әміршіл - әкімшіл солақай саясатына қарсы алғаш рет бас көтеріп демократия жолында құрбан болған ұл қыздарымыздың ерліктері жайында түсінік бере отырып, жастардың алаңға не себепті, қандай мақсатпен шыққандығын жете түсіндіру.

Тәрбиелігі: Өз Отанына, туған жеріне деген сүйіспеншілігін арттыра отырып, өз ана тілін, әдет-ғұрпын, салт-дәстүрін сақтай білуге патриоттық сезімге тәрбиелеу. Дамытушылығы: Әрбір жеке тұлғаның еркін сөйлеп, өз пікірін, ойын айта білу қабілетін дамыту. Көрнекіліктері: Қайрат Рысқұлбеков, Сабира Мұхамеджанова, Ербол Сыпатаев, Ләззат Асанова суреттері. «Тәуелсіздік бастауы – желтоқсан» атты плакат. Желтоқсан тақырыбындағы топтардың қабырға газеттері . Қанатты сөздер.

Армысыздар құрметті ұстаздар, қадірлі қонақтар, оқушылар. Бүгін біздің еліміздің сан мың жылдар бойы найзаның ұшымен, еліміздің ерен ісімен, кешегі дүниені дүр сілкіндерген Желтоқсан оқиғасымен келген , «Тәуелсіздік бастауы – желтоқсан» атты тәрбие сағатымызды ұсынамыз.

Халқымыз үшін ең қасиетті де қастерлі тәуелсіздікке 27 жыл толды. Аңсаған күнге қол жетіп, ақ түйенің қарны жарылған аса айтулы қуанышымыз құтты болсын.

Тәуелсіздік жолы оңай жол емес, бұл жолда сан мыңдаған адамның арманы мен тағдыры тәлкекке түсті. Бұл күн - Қазақстан тарихында тәуелсіз Қазақстан Республикасының туған күні деп алтын әріппен жазылды. Сондықтан да желтоқсан бүкіл халықтық мереке.

Желтоқсанда қаза болған құрбандарымызды бір минут үнсіздікпен еске алайық. Рахмет.

Біздің еліміз бүгінгі күнге сондай қиын-қыстау, даңқты жолдардан өтіп келіп отыр. Сондықтан да, тәуелсіздігіміздің мәні өзгеше, бағасы теңдессіз. Қазақстан жоғары Кеңесі 1991ж. 16 желтоқсанда Қазақстанды тәуелсіз Республика деп жариялады. Екі жүз жылдай патшалық Рессейдің отары, жетпіс жылдан астам Кеңес үкіметінің бұғауында болған Қазақстан егемен ел болды.

Сол күндерге біраз көз жүгіртіп өтейікші экранға назар аударайық

(бейне жазба)

Нұрсайлан

Болмасам да сол кезде мен сеземін

Жүректе намыс оты сөнбегенін,

Ызғарына аяздың төзгендерін,

Бұл күннің оңайлықпен келмегенін.

Құтты болсын тәуелсіздік мерекесі,

Мықты болсын елімнің керегесі.

Татту-тәтті боп халқымыз әрқашан,

Кетпесін туған жердің берекесі.

Тәуелсіздік үшін тігіп бастарын

Желтоқсанда шықты алаңға жастарын

Әр ұрпақтың құрбандары жетерлік

Дербестікке кім сұрамақ басқа құн?

Нұрасыл

Желтоқсанның қанды суық ызғары,

Қалың әскер қазағымды қорлады.

Тәуелсіздікті қолдаған жастардың

Отан үшін табандары тозбады.

Жүректе намыс оты лапылдаған,

Күш-жігері жастардың сарқылмаған.

Отан үшін олар шығып алаңға

Қарсы ағып өзендей тасқындаған.

Досжан

Желтоқсан – заман толғағы байтақ даланың, Шарпыған сәті үміт пен күдік қаланың Желтоқсан – Қайрат, Ләззат, СабираҚұрбаны болған жаланың Ал қоғамның адамнан бар ма асылы, Кеткенде жоқ құлақтан зар басылып,Бұғаудағы боздақтары кете бардыБірі атылып, ал бірі дарға асылып

Санжар

Желтоқсанның мұзға жанған алауы,

Қайсар рухты ұл - қыздардың қалауы.

Сағым болып ерліктерге шақырды,

Көз ұшында тәуелсіз ел жалауы.

Күн шыққанда түнерген бұлт астынан,

Қанат қақты қиялға жас қыран.

Шықты алаңға бейбіт шеру жасауға

«Туған жерім, Қазақстан!» боп ұран.

Мұз жастантып, ұрды, соқты, сабады,

«Ұлтшылдар» деп түрмелерге қамады.

Ерліктерін батырлардың Қайраттар,

Ербол, Ләззат, Сәбиралар жалғады

Зейнеп

Төгілмеді жастар қаны тым бекер.

Ерте солған, үзілген гүл - бәйшешек,

Ерліктерін кейінгі ұрпақ жыр етер.

Шындық іздеп шырғалаңда саспаған,

Рухы биік жастарымыз басқадан.

Азаттықтың ең алғашқы сатысы

Баспалдағы Желтоқсаннан басталған.

Бибарыс

Озбырлық күшпен тұншығып,

Үміттің оты өшкен күн.

Жанына таппай бір шындық,

Ер Қайрат қыршын кеткен күн.

Көрініс : Қайраттың тұтқындалуы

Кәусар

Тәуелсіздік ел мұраты,

Жас ұрпақтың болашағы

Ұялатып берік сенім,

Бағымызға жол ашады.

Тәуелсіздік мақтанашым,

Бізге бақыт сыйлаған

Бейбіт күнде мен тынышпын,

Әрбір таңым нұр маған.

Тәуелсіздік таңы атты,

Барлық әлем жаңарып.

Осы тұрған халқыма

Бейбітшілік оралып.

Айша

Тәуелсіздік – жастар қаны мұздағы,

Өрімдей жас ұлдары мен қыздары.