Тәуелсіздік – ел тілегі тәрбие сағаты балабақшаға

Тақырыбы: Тәуелсіздік ел тілегі

Мақсаты: Балалардың Отаны, Рәміздері, Елбасы, Желтоқсан оқиғасы, Тәуелсіздік күні туралы түсініктерін молайту.

Мәнерлеп тақпақ айтуға, ән айтуға, Отанына, еліне деген сүйіспеншіліктерін арттыру. Отанын, елін сүюге тәрбиелеу.

Жүргізуші: Сәлеметсіздер ме, балалар, қонақтар, әріптестер! Бүгінгі 16 желтоқсан Тәуелсіздік күніне арналған балабақшамыздағы мерекелік ертеңгілігімізге қош келдіңіздер!

Жүргізуші: Жеттік міне осы күнге көптен бері аңсаған

Ата-баба ұрпақ үшін көп уақытын жұмсаған

Осы күнге құрбан етті талай қазақ жандарын

Бұл күні үшін неше тұлға аямады қандарын

Ия, ия біз бүгін Тәуелсіздік алған күнімізді мерекелеудеміз, Тәуелсіздік оңайлықпен келген жоқ. Қазақ халқы еркіндікке жету үшін қаншама қиын-қыстау кезеңдерді бастан кешірді. Тамыры тереңде жатқан тарихи оқиғалардың нәтижесінде қол жеткізіп отырмыз. Ата-бабаларымыздың ұрпағым, елім, жерім, Отаным деп кеткен арманына қол жеткіздік.

Осы Тәуелсіздікке жету жолында аға-апаларымыздың өмірден озғанын, талай қиыншылықтарды басынан кешкенін еске алмай кету мүмкін емес, оларды әрдайым құрметтеуге болашақ жастарды тәрбиелеу біздің басты міндетіміз деп білемін.

Қазақстанның тәуелсіз, егеменді ел ретінде танылғанына міне, 27 жыл болып отыр. Желтоқсан оқиғасында ерен ерлігімен қаза тапқан аға-апаларымыздың бірі Ләззат Асанова мен Қайрат Рысқұлбеков. Біз осы аға-апаларымызды мәңгі құрметтеп үлгі тұтамыз, Отанымызды, елімізді сүйеміз. Міне балалар, бүгінгі таңда Қазақстан Тәуелсіз мемлекет.

Жүргізуші: Балалар, біздің Отанымыз қалай аталады?

Балалар: Қазақстан

Жүргізуші: Қазақстан қандай мемлекет?

Балалар: Қазақстан – Тәуелсіз егеменді мемлекет

Жүргізуші: Еліміздің Президенті кім?

Балалар: Н.Ә. Назарбаев

Жүргізуші: Еліміздің елордасы қай қала?

Балалар: Астана

Енді, осы Отанымыз туралы балалардың тақпақтарын тыңдайық

1-бала: Отан - жерім, Отан – суым

Отан –қуат, нәр береді

2-бала: Отан – ұран, Отан – туым

Отан мәңгі гүлденеді

3-бала: Отаным менің Қазақстан

Мәңгілік сенімен мақтанам

Саяңда жүрсем әрдайым,

Күлім деп жүрем бақ табам

Жарайсыңдар, балалар. Біздің еліміз – Тәуелсіз мемлекет. Өзіміздің мемлекеттік Рәміздеріміз, Әнұран, Елтаңба және Туымыз бар.

Рәміздерім – елдігімнің белгісі

Білу керек бала –дағы ең кіші

Рәміздерім –Әнұран, Көк ту, Елтаңба

Рәміздерді жатқа білген жөн кісі