Тәуелсіздік – ел тірегі, білімді ұрпақ, 2-сынып сағаты

Тәрбие сағаты.

Тақырыбы: «Тәуелсіздік ел тірегі - білімді ұрпақ»

2018 ж

Күні: 12.12.2018 ж

Тақырыбы: «Тәуелсіздік ел тірегі - білімді ұрпақ» атты 1-4 сыныптар арасында мектепішілік мәнерлеп оқу сайысы. — Қайырлы күн,қымбатты ұстаздар, құрметті оқушылар! «Тәуелсіздік ел тірегі - білімді ұрпақ» атты мектепішілік мәнерлеп оқу сайысын ашық деп жариялауға рұқсат етіңіздер!!! — «Тәуелсіздік шежіресі» атты видео көрсетіледі.

— 1991 жылы 16-желтоқсанда Қазақстан өз тәуелсіздігін жариялады. Еліміз егемен, тәуелсіз мемлекет мәртебесін алып, қазақ халқының сан ғасырлар бойы аңсаған арманы іске асты. Бұл тәуелсіздік біздің халқымызға оңайшылықпен келген жоқ. Өзгені емес, өзімізді танудан қалып бара жатқан еліміз тәуелділік құрсауынан құтылды. Міне, бүгінде, болашақта Қазақстанның көк туын жеңіс тұғырынан көрсететін ұландарымыз өз елінің тәуелсіздігін мақтанышпен жыр шумақтары арқылы жеткізгелі отыр. Олай болса, сайыскерлерді ортаға шақырамыз

Қатысатын оқушылар ән әуенімен қолдарына жалау ұстап сахнаға шығады.) Әнұран орындалады. Бүгінгі 3-4 сынып оқушыларының мәнерлеп оқу сайысын бағалаушы әділқазылар алқасымен таныстырып өтейін: __________________________________________________________ __________________________________________________________

— Сайыскерлеріміздің мәнерлеп жатқа оқу шеберлігі, таңдаған шығармасының тақырыпқа сәйкестігі, мазмұны мен көлемі ескерілетінін қаперлеріңізге береміз.Мәнерлеп оқу сайысының бүгінгі жеңімпазы қалалық сайысқа жолдама алады. Ал, енді сайысымызды бастаймыз. 2«А» сынып оқушылары Ақылбек Саяжан,Хамидуллиева Аружан, Айтуарқызы Айару, Нұржанұлы Абдулла.

Әділ қазылар алқасы, сіздерден әділ төрелік күтеміз. (Сайыскерлер мәнерлеп өлеңдерін оқиды.) Қатысушыларымыз өз елі, өз жері, өз отаны туралы өлеңдерді оқуда өз шеберліктерін көрсетті деген ойдамыз. Тәуелсіздік күні қарсаңында баршаңызды қазақ жеріндегі бейбітшілік пен тыныштықтың белгісі болып отырған осы айрықша мерекемен, сондай-ақ күні кеше ғана тойланған ҚР тұңғыш президенті күнімен құттықтаймыз. Мәнерлеп оқу сайысының қорытындысымен таныстыру үшін сөз кезегі әділқазы алқасына беріледі. (Сайыс қорытындыланып, қатысқан оқушылар марапатталады.)

— Құрметті оқушылар! Тәуелсіздіктің тірегі, елдің тілегі — сіздерсіздер! Тәуелсіздігімізді құрметтей білейік!

— Осымен бүгінгі кешіміз аяқталды. Қатысушыларға, көрермендерге алғыс айтамыз.