Тәуелсіздік ел тірегі білімді ұрпақ тәрбие сағаты

Тәрбие сағатының тақырыбы: «Тәуелсіздік ел тірегі - білімді ұрпақ!»

Тәрбие сағатының мақсаты:

Оқушыларды еліміздің тәуелсіздік алғалы, жеткен жетістіктерімізбен таныстыру, білімдерін одан әрі толықтыру. Отанды сүюге, болашақта отанымыз Қазақстанды өркендетуге білімді, білікті адамдар керек екенін аңғарту. Еліне деген сүйіспеншілігін арттыру, әдет-ғұрып, салт- дәстүрді сақтап, әрі қарай жалғастыруға тәрбиелеу.

Көрнекілігі: Қазақстан Республикасының әнұраны, рәміздер, қанатты сөздер, суреттер, тапсырмалар,слайд т.б.

Тәрбие сағатының барысы:

І.Ұйымдастыру бөлімі.

Әнұран айтылады.ІІ. Негізгі бөлім. Кіріспе сөз.1-жүргізуші:

Құтты болсын тәуелсіздік мейрамы,

Ол әркімге бейбіт өмір сыйлады.

Аңсаған сан ғасырлық арман болып,

Қол жеткізген шындық жырын жырлады.

Қуаныштан қалай кеуде кермесін,

Бұл күнімді бір ғасырға бермесін.

Ақ түйенің қарны бүгін жарылды,

Тәуелсізбін, егеменмін, дербеспін.

2-жүргізуші:

-Тәуелсіз ел болу дегеніміз – кеудеңді кере дем алып, еңсеңді көтере ұрпақтан ұрпаққа мұра болып келе жатқан салт – дәстүріңді, әдет – ғұрпыңды айқындап көрсетіп, өзіңнің өзгелермен тең екендігіңді сезіну және ана тіліңде емін – еркін сөйлеуің деп білемін. Тәуелсіздік – мағынасы зор, тамыры терең ұғым.

1-жүргізуші:

1986-шы жылы желтоқсан оқиғасы болды. Бұл оқиға Алматы жастарының ереуілі болды. Жастар ел басшысы қазақ ұлтынан болуды талап етті. Жас өмірін тәуелсіздік үшін қиып кеткен аға – апаларымыз да аз емес. Солардың бірі: Ләззат Асанова, Қайрат Рысқұлбеков, Ербол Сыпатаев сынды жүздеген, мыңдаған қыршындардың қанатын қиып түскен озбызбырлық күні, өктемдік үні еді. Арада бес жыл өткенде қыршын өлген жастарға, Алаңнан ескерткіш орнатты. Енді 1991 – ші жылы қазақ елінде тәуелсіздік таңы атты. Қазақ елі егемен ел болды. Бұл күн талай – талай қилы заманды басынан кешіріп келген қазақ халқы үшін, ақ жарылқаған күн еді.

2-жүргізуші:

Желтоқсан – ел тарихы, ерлік тарихы!

Президент жарлығымен 1996 жылы 9 желтоқсанда Қайрат Ноғайбайұлы Рысқұлбековке “Халық Қаһарманы” атағы беріліп, ата – анасына “Алтын жұлдыз” айрықша ерекшелік белгісі тапсырылды.

Сәбира, Ләззат, Ерболдарға “Ақтау жөніндегі анықтама” қағаздары берілді.

Желтоқсан оқиғасына түбегейлі баға беру туралы комиссияның 24 томдық материалдары әзірленді.

Құйынның құрбандарының ерліктеріне арналған “Аллажар” фильмі түсірілді.

Алматы төрінен “Тәуелсіздік ескерткіші” бой көтерді.

1-жүргізуші:

Тәуелсіздік- қасиетті ұғым, сәулелі құбылыс.Сандаған ғасырлар мен замандар бойы бабаларымыздың асыл арманы болған. 1995 жылы 13 шілде күні ҚР президенті Алматы қаласында Тәуелсіздік монументін орнату туралы қаулы қабылдады. Осы монументтің авторлар тобының жетекшісі Шот-Аман Ыдырысұлы Уәлихан.Тәуелсіздік монументі Алматы қаласындағы Республика алаңында орналасқан.( суретін көрсету)

2-жүргізуші:

Біздің алға қойған мақсатымыз, өткенімізді білетін, бүгінді түсінетін, ертеңімізге сеніммен қарайтын азамат болу. Енді ең басты бақытымыз тәуелсіздік шежіресіне ой жіберейік.

1-ші оқушы: Инабат

1991 жылы 16 желтоқсанда Қазақстанның жоғарғы кеңесі Қазақстанды Тәуелсіз Республика деп жариялады.

Далада думан, қалада думан жыр бүгін,

Ғасыр бойы аңсай да күткен бұл күнім.

Жасай бер, жаса асқардан аса әрқашан,

Кеудеме әкеп қалдырған бақыт бұлбұлым.

Тәуелсіз Қазақстаным!

2-ші оқушы: Ролан

1991 жылы 2 – қазанда қазақ ғарышкері, Т.О. Әубәкіров ғарышқа ұшты.

Мөлдір аспан, көк аспан,

Сол аспанға жарасқан.

Самалёттей сұңқармен,

Ұшқыш болғым келеді.

3-ші оқушы: Алима

1991 жылы 1 – желтоқсанда тұңғыш Президентіміз сайланды.

Елбасы елді қорғайды,

Халық қамын ойлайды.

Осындай жақсы адамның,

Жақсылығы тарайды.

4-ші оқушы: Сабина