Тәуелсіздік елімнің еркін жолы мектепалды ашық сабағы

Алматы облысы Алакөл ауданы Бескөл бекеті МКҚК «Василек» балабақшасы Жүргекбаева Гүлнар Омарқұлқызы II санатты тәрбиеші Тақырыбы: «Тәуелсіздік елімнің – еркін жолы» Мақсаты: Балалардың Қазақстан Республикасы туралы білімдерін кеңейту. Тәуелсіз елін мақтан тұтып, Отаны, Рәміздері, Елбасы,желтоқсан оқиғасы,Тәуелсіздік күні туралы түсініктерін молайту. Мәнерлеп тақпақ,өлеңдер айту арқылы, еліне,жеріне,отанына деген сүйіспеншіліктерін арттырып,патриоттық сезімге баулу. Залдың іші мерекеге сай безендірілген. (Көк тудың желбірегені әнінің әуенімен балалар залға қолдарына көк туларын желбіретіп кіреді)

Жүргізуші: Құрметті ата-аналар және балабақша ұжымы ,балалар Еліміз егеменді алып, тәуелсіз мемлекет болғанымызға 26 жыл да толды. Балалар сендер Тәуелсіз мемлекетте жарқын өмір сүріп жатқан бақытты бүлдіршінсіңдер. Өмірлерің мәнді де сәнді болсын, аспанымызды бұлт шалмасын деп ертеңгілігімізді бастаймыз. Қуан халқым! Қуанатын күн бүгін, Серпін таста мұңды жүрек түндігін Шарықтайық, шаттанайық,тынбайық Тәуелсіздік күнін бүгін ,халқым бірге тойлайық. Шайқалмасын ешкімнің шаңырағы Бақыт көрсін Отанның сан ұланы Енді ағайын,көгінде қалықтасын Қазағымның қастерлі- Гимні

Қ.Р мемлекеттік гимні орындалады. Жүргізуші: -Балалар біз қай мемлекетте тұрамыз? Балалар: -Қазақстанда Жүргізуші: -Қ.Р Президенті кім? Балалар : -Нұрсұлтан Әбішұлы Назарбаев Жүргізуші: -Қ.Р елордасы қай қала? Балалар: -Астана Жүргізуші: -Біз қай тілде сөйлейміз? Балалар: -қазақ-тілінде Жүргізуші: -Қазақстан қандай мемлекет? Балалар: Қазақстан егеменді, тәуелсіз мемлекет Біз еліміз тәуелсіз болғандықтан өз мемлекеттік рәміздеріміз бар. Қане ,балалар рәміздерді атайықшы. Балалар: Ту, елтаңба, Гимн Ал енді рәміздерімізге арнап жаттаған тақпақтарымызды айтайық. Мейіржан: Рәміздерім елдігімнің белгісі Білу керек баладағы ең кіші Рәміздерім Елтаңба, Ту, Гимн Рәміздерді жатқа білген жөн кісі Жүргізуші: -Балалар туымыздың түсі қандай? Әлиби: Көк аспандай көкпеңбек Қазақстан жалауы Көк емес ол тектен тек Елдің ашық қабағы Аяулым: Көк байрақтың бетінде Қыран бүркіт қанатты Сол қырындай еркіндеп Бала өседі талапты Алихан: Елтаңбасы елімнің Неткен әйбат, әдемі Тұнығындай көңілдің,- Ортада -аспан әлемі Илья: Құт ,береке, шаңырақ Орын алған ол төрден Қанатты қос арғымақ Екі жақтан көмкерген Жүргізуші: - Біз туған еліміз, жерімізді басқаша қалай атаймыз? Барлығы: Отан дейміз от жаққан жерімізді