Тәуелсіздік елімнің ерлік жолы тәрбие сағаты, 5-сынып

Ы.Алтынсарин атындағы орта мектебі

Тәуелсіздік елімнің ерлік жолы

Сынып сағаты

Сыныбы: 5 «б»

Сынып жетекшісі: Срымова Т.Қ.

2017 – 2018 оқу жылы

1-жүрг: Құрметті ұстаздар, оқушылар! Бүгінгі 5 «б» сыныбының Қазақстан Республикасы Тәуелсіздігі күніне арналған «Тәуелсіздік елімнің ерлік жолы» атты сынып сағатымызды тамашалауға қош келдіңіздер!

Хор: Әнұран

2-жүрг: Бабаларымыз мирас еткен білектің күші, найзаның ұшымен жауынан қорғап, талай тарихи оқиғалар куәгері Қазақстан Республикамыздың тәуелсіздік алғанына, міне 26 жыл. Еліміз тәуелсіздік таңын 26-рет тойлағалы отыр. Зулап өтіп жатқан уақыт ішінде бұл аз уақыт емес. Ең бастысы ата-бабаларымыз аңсаған азаттық көк байрағы астында қазақ халқы, барша қазақстандықтар тәуелсіздік таңымен жасасып келеді. Бүгінгі ұрпақ сол үшін де бақытты, сол үшін де айбарлы.

1-жүрг: Қанша жыл, қанша ғасыр өтсе де ұмытылмайтын оқиғалар

болады. Ұмытылмайтын себебі ол оқиғалардың халық тағдырымен байланыс-тылығында. Соның бірі, дүниені дүр сілкіндірген тәуелсіздік туын ең алғаш көтерген әйгілі – 1986 жылғы Желтоқсан оқиғасы. Халқымыздың Тәуелсіздігі, егемендігі жолында өз өмірлерін қиған құрбандардың рухына құрмет көрсету қазақ азаматтарының игі борышы. 1986 жылғы Желтоқсан көтерілісі – 20 ғасырдағы айтулы оқиға. Ол халық жүрегінде мәңгі сақталады.

1-оқушы: 1986 жылы 16-17 желтоқсанда Алматы қаласы бұрыңғы

Астанамыз, қазіргі бас қаламызда мыңдаған қазақ жастары

наразылық білдіріп, шеруге шықты. Олар: «Тәуелсіздік

Керек!» қазақ елінің өз көсемі сайлансын деген тілектерін

білдірді.

2-оқушы: Тәуелсіз мемлекет болуымызға шырылдап, жанын қиған

Қайрат Рысқұлбеков, Ляззат Асанова, Ербол Сыпатаев,

Сабира Мұхамеджановалар еді. 17-18 желтоқсан оқиғасы

қазақ халқының жүрегіне жара салған, қайғылы жағдайға

душар еткен оқиға болды.

3-оқушы: Қақаған күннің ызғары

Сүйектен өтіп кеткен күн

Қаракөз қазақ қыздарын

Әскерлер бастан тепкен күн

4-оқушы: Қариялар итке таланып,

Ер басын күрек шапқан күн!

Аппақ қар қанға боялып,

Қып-қызыл мұз боп қатқан күн!

5-оқушы: Тар түрмеге қамалып,

Қыздардың бағы ұшқан күн!

Кей пасық қызыл жағалы

Аруды күштеп құшқан күн!

6-оқушы: Жауыздықты жасқаған да – желтоқсан

Жаңа ғұмыр бастаған да – желтоқсан

Жазықсыздың көз жасына малынып,

Абақтыға тастаған да – желтоқсан

7-оқушы: Жас арудың жанарында – желтоқсан

Қанды ғасыр табанында – желтоқсан

Қаралы ғұмыр табанында халқымның

Қара тұман қабағында – желтоқсан!

8-оқушы: Желтоқсанда ақиқатты іздедік

Қорлығына бодандықтың төзбедік

Басшы таппай қазағымның бірінен

Кәне айтшы біз олардан кем бе едік?

9-оқушы: Желтоқсанның мұзда жанды алауы

Қолдарында ұстаған бар жалауы

Ербол, Қайрат, Ләззат пенен Сабира

Тәуелсіздік болған еді қалауы

2-жүрг: Тәуелсіздік – еліміздің өз алдына шаңырақ көтеріп, ешбір елге, ешбір мемлекетке тәуелсіз, дербес Қазақстан Республикасы болып құрылуына байланысты ұғымды білдіреді.

Тәуелсіздік – теңдік, бостандық, еркіндік, бүкіл адамзат баласының қаншама мыңдаған жылдар бойы аңсаған арманы, мақсаты, ұраны болып келе жатқаны белгілі.

«Балбырауын» күйі орындайтын Изимбетов Асқар, Жұмажан Даяна

10-оқушы: Озбырлық күшпен тұншығып

Үміттің оты өшкен күн

Жолына талай бір шындық

Ер Қайрат қыршын кеткен күн!

Қайғы езіп елдің еңсесін

Жаншыды-ау жанын батпан мұң

Енді қайтіп келмесін

Сол бір қарғыс атқан күн!

11-оқушы: Ән мен күйін әуелеткен ұл-қызы

Қазақ елін біледі әлем, жер жүзі

Біз ерекше, біз тәуелсіз болған күн

Желтоқсанның 16-шы жұлдызы

Келдік қаптап бір кісідей алаңға

Еркіндікке бәріміз де үміткер

Желтоқсанның жыры болып қалсын деп,

Еркіндіктің шырқап әнін салайық!

1-жүрг: Еліміздің егемендік алуы, халқымыздың тарихында

жаңа дәуірдің бетін ашты, бүкіл қоғамдық өмірімізге жаңа леп, серпін ала келді. Ол баршамыз бейбіт өмірде еркіндікті аңсаған ақ ниет, ақ тілеумен өзіміз тіккен ортақ шаңырағымыздың…