Тәуелсіздік – ең қымбат қазынамыз туралы материал

Тәуелсіздік – ең қымбат қазынамыз

Тәуелсіздік – тарихтың мәңгіге берген еншісі емес, халықтардың мамыражай өмір сүруіне берілген кепілдік те емес: аңғал болмағанымыз абзал. Нұрсұлтан Назарбаев

Тәуелсіздік – азап пен төзімнің, күш пен қайраттың, рух пен айбынның, халықтың сан ғасырлар бойы еркіндікті аңсаған шыдамының өтеуі, қажырлы еңбегінің жемісі. 1986 жылғы «Желтоқсан оқиғасы» тәуелсіздіктің, азаттықтың, демократиялық жаңғыртудың бастауы болды. Ол қазақ жастарының ар-намыс пен елдік рухтың жолында теңдікті талап еткен тегеуіріңді күш-қайнарының тоғысқан шағы еді. Ел мен ұлттың тәуелсіздік құқын қорғау үшін бас көтерген желтоқсандықтардың бұл қадамы шын мәнінде ерлік болды. Міне, осы қанды оқиғадан кейін бес жыл өткен соң, Қазақстан тәуелсіздік туын көкке тікті. «Тәуелсіздіктің тар жол, тайғақ кешуінен, беттен қағар желінің есуінен тайсалмауға тиіспіз» - деп Елбасымыз айтқандай, Біз — қазақ, ежелден азаттық аңсаған ел ретінде бірде қайғылы, шерлі, бірде азат, айбынды, рухты тарихымыздағы әрбір оқиға, әрбір қанды шайқас – азаттыққа жасалған бір қадам деп білуіміз қажет. Тәуелсіздік — ұлттық, мемлекеттік, оның тамыры — жасампаздық рух, ұраны — ел мен халық. Олай болса, өміршеңдік пен кемелділік аясында өмір сүріп, бейбітшілік, татулық туын биікке көтерген Қазақстан халқы жаңа әлемнің жаңалықтарына ұмтыла бермек.

Алаштың ардақтысы Ә.Бөкейханов «Біздің жұрт бостандық, теңдік, құрдастық, саясат ісін ұғынбаса, тарих жолында тезек теріп қалады» деп халыққа үндеу тастап, көздерін ашқан. Әрине, қазақтың зиялылары өз елінің болашағына алаңдап, келешегіне үреймен қараған болатын. Сол себептен өз халқының бостандығын аңсап, саясатына көңіл бөліп, алға сүйреген.Қазақстанның жаңа дәуірде қол жеткізген барлық табысының қайнар көзі – Тәуелсіздік. «Құм да ақ алмасты жасыра алмайтыны» секілді көкіректегі ұлттық рухты бүркемелей алмаған тарих ақыры «Қазақ» деген қастерлі ұлттың өз тәуелсіздігін еншілеуіне бұғау бола алмады. Дүниенің бір бұрышында қазақ деген халықтың үлкен істер тындыра алатын өресі мықты, өрісі кең халық екенін әлем білді. Қазақстанның биік табысына қол жеткізген президенттік билік және осы жылдары оның басында үздіксіз болған Елбасы Нұрсұлтан Назарбаевтың жеке факторы екеніне де ешкім күмәндана алмайды. Өшпес жылдар белесінде Қазақстан экономикасы қарыштап дамыды, саясаттағы сындарлы бағыт өз жемісін беруде. Береке-бірліктің арқасында әлем таныған іргелі мемлекетке…