Тәуелсіздік тұғыры туралы мақала материалы

Тәуелсіздік тұғыры

Тәуелсіздік – әр ұлттың асқақ арманы. Кез келген елдің ең қымбат құндылығы, ұлттық рухтың айғағы, ұлттың өз тағдырын өзі шешуге мүмкіндік беретін алтын діңгегі - егемендік. Қазақстан үшін Тәуелсіздік – ғасырлар бойы азаттықты аңсаған ата-бабаларымыздың арманы мен мұратының орындалуы. Ол найзаның ұшымен, білектің күшімен, қанмен, термен жеткен жетістігіміз. Бұл – қазақ халқының тарихындағы ең ұлы оқиғалардың бірі.

1991 жылдың 16 желтоқсаны – халқымыздың асқақ рухы ерен еңбегінің нәтижесінде Қазақстанның тәуелсіз мемлекет атағы күллі әлемге танылды. Бұл күн – қазақ ұлтының азаттық жолындағы күресінің жеңісі, халықтың жарқын болашаққа деген сенімінің нышаны. Тәуелсіздік – жай ғана саяси еркіндік емес, ол елдің экономикалық, мәдени және рухани тәуелсіздігін білдіреді.

Бүгінгі таңда Қазақстан әлемдегі көптеген мемлекеттермен тең дәрежеде қарым-қатынас орнатып, өзінің ұлттық мүдделерін қорғауға қабілетті егемен елге айналды. Тәуелсіздіктің тұғырын биік ұстау – әрбір қазақстандықтың қасиетті парызы. Әсіресе, жас ұрпақ елдің болашағы ретінде ұлттық құндылықтарды сақтап, тәуелсіздікті нығайтуға жауапты. Білімге ұмтылу, ұлтжандылықты дәріптеу және еңбекқорлық – жастардың басты міндеттері. Егемендік жылдары елге тарту етілген басты жетістіктердің бірі – тұрақтылық пен бейбітшілік. Қазақстан өз жеріне 130-дан астам ұлтты сыйдырып, көпұлтты мемлекеттің үлгілі бейнесі болып отыр. Бізде әрбір тұрғын үшін тең мүмкіндіктер мен қолайлы өмір сүру жағдайлары жасалған.

Тәуелсіздік тартулары: ең алдымен -әлемдік аренадағы мәртебе. Қазақстан тәуелсіз ел ретінде БҰҰ, ЕҚЫҰ, ИЫҰ сияқты беделді ұйымдардың мүшесі болды және көптеген халықаралық бастамалардың көшбасшысы ретінде танылды. Екіншіден, экономикалық өрлеу. Ел экономикасы жаһандық дағдарыстарға қарамастан, тұрақтылық көрсетті. Мұнай-газ секторы, тау кен өндірісі, ауыл шаруашылығы, шағын және орта бизнес, жекеменшік жұмыстары қарқынды дамып келеді. Үшіншіден, мәдени мұраның жаңғыруы. Тәуелсіздік алғаннан кейін тарихымыз, әдебиетіміз бен өнеріміз қайта түлеп, жаңа биіктерге көтерілді. Қожа Ахмет Йасауи, Арыстан бап, Жошы хан, Айша Бибі, Бабаджа хатун кесенелері сынды тарихи жәдігерлеріміз ЮНЕСКО қатарына алынып, қалпына келтірілді. Саясаттың сүзгісінен өтпей қалған туындылар қайта жарық көрді. Мысалы, Алаш ұранды әдебиет өкілдерінің туындылары өз бағасын алды. Төртіншіден, жаңа…