Тәуелсіздік тақырыбындағы он бірінші сынып эссесі

Түркістан облысы Қазығұрт ауданы «Сәкен Сейфуллин атындағы жалпы орта білім беретін мектеп» КММ «өзін-өзі тану» пәнінің мұғалімі Акжолова Балнур Куандыковна

ТӘУЕЛСІЗДІК!

Жәнібек пен Керей бабам бастап берген көш басын,

Елі үшін, жері үшін қанын төкті қанша ұлың.

Төбесінен қара бұлттың төнгеніне қарамай,

Сол заманда дүркіреген құрылды қазақ хандығың.

Хандығымыз салынып тас қамалдан,

Сол заманнан еркіндік бастау алған.

Еркіндіктің оңайлықпен келмесі анық,

Тағы қанша сынақ күтті қазақ халқын.

Самғап ұшып аспанда болыс қарға,

Бодан болдық жетпіс жыл орыстарға.

Қазағым, тарих осы қабылдай біл,

Бодан болдық, сен оған намыстанба.

У бар ма екен осынау ел ішпеген,

Қазақ бар ма бұл сөзге келіспеген.

Мың тоғыз жүз қырық бір,таңғы төртте,

Соғыс ашты Кеңеске неміс деген.

Соғыс жылы қара мұң жамылғандар,

Отан үшін аянбады жас ұландар.

Ұлы Отан соғысында фашизмге,

Тойтарыс берген Мәншүк, Бауыржандар

Өтті талай бастарынан сан мыңдаған тағдырлар,

Тарих болып,таңба болып қала бермек батырлар .

Сол бір қилы өткелдердің шешуші зар- заманы ,

Желтоқсанның ызғырығы жайпап тұрған түн болар.

Тарихымды осылай тасқа бастым,

Қайғысы жайлы өлең бастамас кім?

Он алтыншы желтоқсан сексен алты,

Студенттер сілкінтті аспан астын.

Болмағанмен ол кезде найза қылыш,

Бүлк еттіде бұзылды қаймағымыз.

Желтоқсанның ызғарын есепке алмай,

Жанын қиды жұрт үшін Қайратымыз.

Гүлдер шықты азапқа көнген түзде,

Содан соң өтті біраз көктем, күзде.

Тәуелсіздік берілген кәде емес,

Ол деген міне осылай келген бізге.

Жас іркіліп жанарға тұрғаныма?

Талай ақын бұл жайлы жырлады ма?

Қайғылы жолмен келген тәуелсіздік,

Симайды үш-төрт қана шумағыма.