Тәуелсіздік тірегім балабақшаға арналған шығарма

Тәуелсіздік тірегім

Тәуелсіздік ұлы қазақ халқының аңсаған армандарының жемісі. Еліміздің баға жетпес құндылығы. Тәуелсіздік – қасиетті ұғым. Қаншама қандастарымыз осы күнге жете алмастан өмірден озды, ұлы есімдері тек тарих беттерінде қалды. Тәуелсіздігіміздің түп тамыры 1986 жылғы 16 желтоқсан оқиғасымен тікелей байланысты екендігін күллі ел біледі. Сол жылғы ызғарлы желтоқсанда кеуделеріндегі жүрегі елім, жерім, қазағым деп соққан жастарымыз ұрандап алаңға шығып, аппақ қар қызыл қанға боялып, жазықсыз жастарымыз қаза болған еді. Милиция қызметкерлері жастардың ұл-қызына қарамастан аяусыз сабап, машиналарға тиіп, қақаған аязда қала шетіне апарып, өлім аузына тастап кете барғандары жүрегіңді қан жылатады. Алаң камераларына түсіп қалғандарды қамауға алып, ұрып-соғып тергеп, кінәсіз түрмеге жапты. Егеменді еліміздің, келешек ұрпақтың болашағы жолында қыршын кеткен батыр жастарымыз, желтоқсан құрбаны болған Асанова Ләззат Алтынайқызы, Ербол Сыпатаев, Сабира Мұхамеджанова, Қайрат Рысқұлбеков ел жадында мәңгі сақталады. Қазақ елі тәуелсіздіктің қадірін терең түсінуі қажет. Тәуелсіз деген мағынаның астарында терең мағына жатыр. Тәуелсіздік - өз алдына дербес ел болу, өз діні мен тілі бар, ұстанатын өз салт

Он алтыншы желтоқсан,

Тарихта мәңгі қылған күн.

Қалың қазақ жастары,

Алаңға жаппай шыққан күн.

Қазақтың қайсар жастары,

Келмеске мәңгі кеткен күн.

Еркіндіктің көк туын,

Желбіретіп кеткен күн.

Қақаған сары аязда,

Үстеріне су шашып,

Ұрып, жаншып барлығын,

Абақтыға жапқан күн.

Баласы үшін аналар,

Жан айқайы шыққан күн.

Еркіндік үшін жастарым,

Өмірлерін тіккен күн.

Жалын атқан жастарға,

Жазықсыз жала жапқан күн,

Ербол, Ләззат, Сәбира,

Кінәсіз қыршын кеткен күн.

«Сөйлесем, даусым жетпейтін,

Кез болдық мынау заманға» -

деп налыған Қайрат та,

Түрмеде ажал құшқан күн.

Желтоқсанның оқиғасы,

Азаттықты алған күн.

Қазақстан күллі әлемге,

Тәуелсіз деп танылған күн.

Көк байрағым желбірейді,

Кең байтақ қазақ жерімде.

Көк аспанда қыран құсым,

Қанатын еркін сермейді.

Тәуелсіздік алған елім,

Биік болсын тұғырың.

Бірлік пенен ынтымақты,

Халқым әркез биік ұстап,

Ұрпақ үшін сақтасын.