Тәуелсіздік тірегім тақырыбындағы шығарма, балабақшаға

Тәуелсіздік – тірегім

«Еліңнің ұлы болсаң, еліңе жаның ашыса, азаматтық намысың болса, қазақтың ұлттық жалғыз мемлекетінің нығайып - көркеюі жолында жан теріңді сығып жүріп еңбек ет. Жердің де, елдің де иесі өзің екеніңді ұмытпа!»

Н. Назарбаев.

Тарихының тамыры тереңде жатқан, туған елімнің тәуелсіз ел болып, өркениетін кең жайып, нық табан тіреп еңселі мемлекет болып дамуы – аға ұрпақтың мойнына артылған жүк болса, келер ұрпақтың ертеңі мен болашағы. Қымыздай сапыра күткен егемендігімізді алу жолында қанша аға-апаларымыз жанын берді. Қиын-қыстау жылдардан аман шығып, белімізді түзеп, миуа ағашындай жайқалып өсіп, кеудемізді кеңге салып, дамыған мемлекеттердің қатарынан бір қадам қалмай, еңселі ел болып, сап түзеп келеміз. Мемлекетіміз Мың тоғыз жүз тоқсан бірінші жылы тәуелсіздік алып, әлемге Қазақстан атымен қадам басқан кезі. Міне, сол әлем есігін ашқан сәттен бастап қазіргі таңға дейін жиырма сегіз жыл өтті. Тәуелсіз мемлекет, ол: өз рәміздері бар, өз Ата Заңы бар, өз тілі бар, өз валютасы бар, өз көшбасшысы бар мемлекет. Тәуелсіздік күні – барша қазақстандықтар үшін қадірлі. Ол бірліктің, ынтымақтың және татулықтың күні. Тәуелсіздіктің алғашқы жылдарында: ел егемендігін нығайту, қауіпсіздікті қамтамасыз ету және әлеуметтік экономиканың қиындықтарды шешу басты назар аударылған бағыттар болатын. Қазіргі сапалы жұмыс - саналы көрегендіктің арқасы. Еліміз жас мемлекет болғанымен көптеген әлем елдерінен көш бойы алда келе

«Ел болам десең, бесігіңді түзе» - деп қазақ халқымыз айтқандай, еліміздің «Қазақ елі, Қазақтың жері» болып қалуына келешек ұрпақтың атқарар ісі өте зор. Өйткені, келешек ұрпақ – тәуелсіздігіміздің тірегі. Тәуелсіздікке қол жеткізудегі жылдар және тәуелсіздік алған жылдардың ара айырмашылығын білу - әр қазақ азаматының парызы. Бұл тарих. Тарихты балаларымызға жеткізу, санасына ізгілік ұялату, қамкөңіл жандарға қамқорлық жасау, бауырмалдыққа тәрбиелеу: отбасында - ата-анаға, бала бақшада – тәрбиешіге, мектеп қабырғасында – мұғалімге, азамат болып, етек-жеңін жинағанда – зиялы аға ұрпаққа міндет.

Еліміздің әлеуметтік –экономикасының белсенді дамуы, ішкі және сыртқы байланыстың қарқындылығында. Халықтың әл-ахуалын жақсарту мақсатында мемлекетімізде әр түрлі мемлекеттік бағдарламалар жүзеге асырылуда. Еліміздің 2050 жылғы дейінгі стратегиялық дамыуының бағдарламасы «Қазақстан - 2050». Бағдарламада басты бағыттар еліміздің жаңа экономикалық даму жолдары, ұлттық экономиканың жетекші күші кәсіпкерлікке қолдау көрсету, әлеуметтік саясаттың жаңа принцептерін дамыту, заманауи білім беру жүйесінде жаңа кадрларды дайындау, қазақстандық демократияны дамыту, аймақтық және жаһандық қауіпсіздікті нығайту, біздің көпұлттық қоғамымыздың негізін дамыту. Міне, осы мақсаттарды іске асыру барысында елімізде көптеген жұмыстар белең алуда. Қазақстан – білімді жастары бар мемлекет. Еліміз жастардың сауатты, білімді болуларына басты назр аударады. Өйткені, еліміздің болашағы білімді жастардың қолында. Жастардың міндеті жан-жақты білім алып, алған тәлім-тәрбиелерін және тәжірибелерін, білімдерін…