Тәуелсіздік тұғыры биік болсын тәрбие сағаты

«Тәуелсіздік тұғыры биік болсын!» атты әдеби-сазды кеш

Мақсаты:

1986 жылғы желтоқсанда орталықтың әміршіл - әкімшіл солақай саясатына қарсы алғаш рет бас көтеріп демократия жолында құрбан болған ұл-қыздарымыздың ерліктерін еске түсіріп, бүгінгі күнмен байланыстыру;

Өлеңдерді мәнерлеп оқуға, сөйлеу шеберлігін дамытуға, өз ойын еркін жеткізе білуге жаттықтыру.

Өз Отанына, туған жеріне деген сүйіспеншілігін арттыра отырып, өз ана тілін, әдет-ғұрпын, салт-дәстүрін сақтай білуге, патриоттық сезімге тәрбиелеу.

Көрнекіліктері:

Қайрат Рысқұлбеков, Сабира Мұхамеджанова, Ербол Сыпатаев, Ләззат Асанова суреттері. «Ар намысым, қасіретім, мақтанышым – Желтоқсан», «Тәуелсіз ел – Қазақстан!» тақырыбындағы плакаттар. Қанатты сөздер.

Қатысушылар:

«Сөз өнері» үйірмесінің мүшелері.

Кеш жүргізушілері:

Аружан

Данагүл

Кеш бағдарламасы:

(«Тойбастар» күйі ойналып тұрады, күйдің аясында сахнаға жүргізушілер шығады)

1-жүргізуші: Армысыздар, ұстаздар мен кеш қонақтары! "Тәуелсіздік тұғыры биік болсын!" атты әдеби-сазды кешімізге қош келдіңіздер! Бүгінгі Тәуелсіздікке халқымыз оңайлықпен жеткен жок. Бұл күннің жолында қаншама қандастарымыз өз өмірлерін қиды... Әсіресе, Желтоқсан оқиғасының жаңғырығы жүздеген жылдарға кететініне енді ешқандай күмән жоқ! 1991 жылы иісі қазақ Тәуелсіздікке қолы жетіп, шаттыққа бөленді.

2-жүргізуші:Шексіз, шетсіз, қиырсыз, ұлы дала,

Шуақ болып шомылмай жылына ма?

Сүй Отанды, шынымен сүйіп өт те

Гүл боп қадал ойына, қырына да,

- деп, Мұқағали Мақатаев жырлағандай біздің ұл–қыздарымыз осы дәстүрді тоздырмай, жоғалтпай, бүгін Сіздерге өз күштерімен дайындаған әдеби-сазды кешті тарту етпекші...

1-жүргізуші:Кеш жүргізушілері – біз: Данагүл мен ...

2-жүргізуші:Аружан!

1-жүргізуші:Қазақ елім!

Туды жастық дәуірің.

Алғандайсың жұлдызыңның жарығын.

Тәуелсіздік құтты болсын, қымбаттым,

Туған күнің құтты болсын, алыбым!

2-жүргізуші:Үлгі бізге аталардың ерлігі,

Ұлағаты өнегесі, еңбегі.

Тәуелсіздік туын ұстап жоғары

Бүгінгі ұрпақ болар елдің ертеңі!

1-жүргізуші:Қазақпын, еңселі елмін, егеменді,

Кеңейттім кең әлемге керегемді.

Мұхиттың ар жағында жатқан жұрттар

Таныды тепе тең деп тереземді.

2-жүргізуші:Кең байтақ, көз жетпейтін, жерім менің,

Таулы орман, жасыл жайлау, көлім менің.

Бүгінде бар әлемге даңқың жетті

Тәуелсіз Қазақстан – елім менің!

1-жүргізуші:16-желтоқсан. Бұл ерлік пен өрлік, қайғы мен қасірет мидай араласқан әрі жарқын, әрі қаралы, қасіретті күн еді. Бұл қасіретті күн Қайрат, Сәбира, Ербол, Ләззат сынды жүздеген, мыңдаған қыршындардың қанатын қиып түскен озбырлық күні, өктемдік үні еді...

2-жүргізуші:Иә, біздің еліміз тәуелсіздікке оңайлықпен қол жеткізген жоқ. Тәуелсіздік ата - бабаларымыздың талай жылдардан бері аңсап келе жатқан армандарымен, ата - әжелеріміздің көз жасымен, аға - апаларымыздың қанымен келді...

(мұңды музыка ойналып тұрады, музыка әуенінің аясында сахнаға өлең оқитын оқушылар шығады)

1-оқушы:Жас арудың жанарында – Желтоқсан,

АйсұлуҚанды ғасыр табанында – Желтоқсан.

Қаралы өмір қайыстырған халқымның,

Қара тұман қабағында – Желтоқсан.

Жауыздықты жасқаған да – Желтоқсан,

Жаңа ғұмыр бастаған да – Желтоқсан.

Жазықсыздың көз жасына жуынып,

Абақтыға тастаған да – Желтоқсан.

Намысымның шырағы да – Желтоқсан,

Сұрқай өмір сынағы да – Желтоқсан.

Жігіттердің ұраны да - Желтоқсан,

Жаңа күннің шуағы да – Желтоқсан.

2-оқушы:Желтоқсанда шындық жырын шырқаймын деп шарқ ұрдың,

ӘйгерімЖелтоқсанда егеменді ел болсақ деп талпындың.

Кеудеңде әлі сызы жатыр сол кездегі салқынның,

Айналайын, жас қайратым, жас өркені халқымның!

Темір қолдар қуатты еді алқымыңды қаусырған,

Намысыңды жықпай өттің нәубет, дүлей маусымнан.

Жалғыз қалған шақтарымда жігер алдым бойыма

Түрме торын жарып шыққан сенің қайсар даусыңнан.

Өсер елдің қай сәтте де бірлік болмақ қалауы,

Лаула, лаула, желтоқсанның мұзға жаққан алауы.

Өздеріңдей өр намысты жас өркені бар елдің

Ешқашанда еңкеюге тиісті емес жалауы!

1-жүргізуші:Алаңға шығып өз ойларын айтуға тырысқан қазақтың өрімдей қарусыз жастарына солдаттар мен милиция қызметкерлері қарсы қойылды. Олар жігіттер мен қыздарды аяусыз таяққа жықты, түрмеге қамады. «Желтоқсан оқиғасы» Қайрат, Ербол, Ләззат, Сабира сынды жаңа ғана бүршік атып келе жатқан тал шыбықтай жастарымыздың өмірін үзді.