Тұғыры биік тәуелсіздік туралы тәрбие сағаты

Топ: БС-11 топ

Тақырыбы: Тұғыры биік Тәуелсіздік!

Сабақтың мақсаттары:

Білімдік мақсаты:

Тәуелсіздік ұғымын түсіндіру арқылы достық,ынтымақ-бірлік,бейбіт өмірдің келуін санасына сіңіру,еліміздің байлығын қорғауға, береке-бірлік, татулық туралы түсініктерін кеңейту, Елбасының ерен еңбегін үлгі тұту, елжандылыққа, отансүйгіштікке, азаматтыққа баулу.

Дамытушылық мақсаты:

Көпшілік ортада еркін сөйлеу, өз ойларын ашық айта алу дағдысын, болашаққа деген оң көзқарасын қалыптастыру.

Тәрбиелік мақсаты:

Ел болашағын ойлайтын, халқы үшін қызмет ететін, ұлттық сана-сезімі жоғары, саяси-құқықтық мәдениеті қалыптасқан тұлға тәрбиелеу.

Көрнекілік: «Ел таныған Елбасы» көрме, слайдтар, интерактивті тақта, Елбасы туралы жазылған кітаптар, бейнероликтер, бейнебаян.Сабақтың түрі: телекөпір. Сабақтың барысы. Мұғалім кіріспе сөзі:

Бүгін баршамыздың бас қосуымызға себеп болып отырған «Тұғыры биік тәуелсіздік» атты ашық тәрбие сабағымызға қош келдіңіздер!

Тәуелсіздік - қасиетті ұғым, сәулелі құбылыс. Сандаған ғасырлар мен замандар бойы бабаларымыздың асыл арманы болған.

Халқымыздың ғасырлар бойы жасап кеткен тарихы- бүгінгі ұрпақ үшін баға жетпес үлкен қазына, мұра. Бүгінгі сабағымыз телекөпір ретінде өткізгелі отырмыз. Тәуелсіздігіміздің толағай табыстарының бірі – озық технологиялардың меңгерілуі. Айшылық алыс жерлерден, жылдам хабар алғызған жаңа технологиялардың көмегімен бүгін «Өткен шақ», «Осы шақ» және «Болашақ» телекөпір өткіземіз. «Өткен шақпен» байланысқанша, «Тәуелсіздік ескерткішімен танысу немесе тарихқа саяхат» жасайық. Оқушылар жатқа өлеңдер оқиды.

Аяулым:

Өткен шақ.Бүгін. Болашақ.

Үңіліп байқап қарасақ:

Ілінер көзге алдымен

Сұр жебе толы қорамсақ.

Содан соң- қақпақ жауырын

Басында құрыш дуылға

Көбік қып аттың сауырын

Жорықтан қайтты жауынгер

Жауладыма жер жүзін.

Семсерін қанға жуды ма?

Жоқ! Қазақ қызықпас,көз салмас,

Біреудің жеріне, малына.

Бұл – елін қорғаған ер сарбаз,

Немесе ақ ару Томирис

Суарған жауларын қанына.

Бұл – ер Еділ білекті, бұрымды

Астамсыған Еуропа,Ұрымды

Дүр сілкініп «алтын күнін» батырды

Ол бастаған өңкей «варвар –жырынды».

Айзат:

Бұл –Тоныкөк , Білге қаған,Күлтегін

Сөйлегенде аузынан от бүркетін.

«Он оқ түрік бұдынынан» ол кезде

Жауларыда жасқанатын, үркетін.

Бұл –Жәнібек, Керей деген хан бабам,

Бола білген ұлысына мұрындық,

Бұл – Асан Қайғы, Жерұйығын таңдаған

Бұл – Қырық батыр, арғы тегі – қырымдық.

Алуа:

Бұл – Қасым хан және дағы ер Есім

«Ескі жолмен» еркін басып келесің,

«Жолдан» шығып жаңылыссаң, ертеңгі

Ұрпағына қандай үлгі бересің.

Бұл – әз Тәуке, Абылай хан айбарлы

Ұлтымыздың ұланына айналды

Дара туған бас қолбасшы Қабанбай

Малайсары, ер Бөгенбай, Саурықтар

Ұрандатып жауға шапқан аянбай

Ақбота:

Бұл – Кенесары аузын білеген аспанға

Ұрансыз қазақ айқасқа өмірі басқан ба?

Ұран салды Кене хан зор даусымен,

«Бостандық үшін ұлтым, қазақ жасқанба!

Сазайын тарттыр жеріңді алған жауыңның»

Дейді емес пе: «Бір тосу – мың асқанға»

Бұл Есет батыр, Исатай мен Махамбет.

Ойламаған ханға қалай жағам деп,

Ойлаған « қалай азат болар далам» деп

Ұрандаған «қолдай көр бізді, бабам» деп.

Бұл – Ахаң мен Жақаң көзәйнекті көзінен,

Көрінген қайрат, қажыр мен шыдам, төзім де.

Бұл Шәкәрім ақ сақалы жедбіреп

ГПУ –дің оғы ойық қалдырған төсінде.

Еркежан:

Бұл- Бауыржан, Талғат, Рақымжан, Мәлік, Төлеген.

Қан майданда жауыңды отқа бөлеп ең,

Бұл – Әлия мен Мәншүк – қос жұлдызы Шығыстың

Жарқырайтын мәңгі – бақи төбеден.

Бұл – Қайрат , Ербол, Ляззат сынды батыр қыз,

Жүректерде желтоқсаннан жатыр сыз.

Екі аяқтының айуандығына шыдамай,

Қошқыл тартып, қарс айырылып жатыр мұз.

Бұл күнде құрыш дулыға киген арыстың

Мінгенін көрдім қасиетті қанатты барысты.

Алысқа қарап, аспанға салып назарын,

Қайрайтындай тот басқан біздің намысты.

Тәңірге сәлем берген бойымен

«Тәуелсіздік ескерткішімен» осылай таныстық.

«Өткен шақпен» байланыс.

1. Еліміздің Тәуелсіздік күні мерекесі халқымыздың сан ғасырлар бойғы азаттық жолындағы күресінің, сол жолдағы көрген азаптары мен қиындықтарының жадымызда жаңғырып, 26жылда жеткен жетістеріміздің айшықты көрінетін мейрамы. Сондықтан да бұл күні Тәуелсіздік жолындағы арпалыстың азапкерлері мен қаһармандары ойға оралатыны сөзсіз. 2. Азаттық қазақ халқының ежелгі арманы еді, ат үстінде өткен кезеңдер көп болды. Азаттық үшін күресте айрықша қылыш сермеді, талай қиыншылықты бастан кешірді. Бірақ, ешқашан да мойымады, күресе білді, азаттық таңы туатынына кәміл сенді. 3. Иә, қазақ халқының басынан небір қилы заман өтті. Тарихта аты шулы «Ақтабан шұбырынды, алқакөл сұлама» деген қаралы атқа ие болған 1723 жылғы Жоңғар шапқыншылығы қазақ жерін ойсыратып кетті. Қазақ халқы оңтүстікке қарай босты. Бірақ, бұдан да басқа жауыздық нәубетінің екі ғасырдан соң қайта келерін білген жоқ. 4. 1925-1933 жылдарда Г.Голощекин Қазақстанда әлі революция болмаған деп «Кіші октябрь» саясатын жүргізді, елді аштық пен қуғын-сүргін жайлады, Қазақстанда тұратын 2 миллион қазақ аштықтан қырылды. 5. 1937 жылғы асыра сілтеудің кесірінен қазақ әдебиетінде жайқалып келе жатқан жас теректердің…