Тәуелсіздік тұғырым атты шығарма үлгісі

Тәуелсіздік желтоқсаннан басталады!

Кіріспе

Тәуелсіздік-тәуекел еткеннің ғана тағдырына бұйыратын бақыт.

Жоспар

1.Желтоқсанның рухы қазақ халқының жүрегінде мәңгі өшпек емес.

2.Жалындаған жастардың жаңғырған дауысы.

3.Дүниеде Қазақстан атты тәуелсіз, егемен ел бар.

Қорытынды

Тәуелсіз ұрпақ Желтоқсаннан рух алар.

Басқаға жалтақтайтын күннен кеттік,

Бар байлығымызды өзімізге бұйыратын еттік.

Қоғамның саяси тұрақтылығы мен бірлігіне жеттік

Қысқасы, егемен ел болудың ең ауыр белесінен өттік.

Нұрсұлтан Назарбаев

Біз енді ғана еңсемізді көтеріп, тәуелсіздіктің туын қолымызға алған, кешегі ата-бабамыздың арманы жаңа ғана орындалып, тіректі де тұғырлы болашағынан үміт күттіретін бейбіт елміз. Алайда, осы тәуелсіздікті алу жолында қаншама қиын кезеңдерді басымыздан өткіздік, егемен ел боламыз деп талай рет алға ұмтылдық. Сол ұмтылыстардың ешқайсысы да өз нәтижесін бермеді, тек солардың ең соңғысы – «Желтоқсан көтерілісі» ғана жеңіске жетіп, еліміз Тәуелсіздігін алып, Азаттықтың ақ таңы атты. Яғни, Желтоқсан көтерілісі жарты әлемді уысында ұстаған КСРО-дағы әбден шіріген ескі жүйенің күйреуіне ең бірінші болып соққы берді.

Сол күндерде «Колбин-қазақ басшысы болады»-деп қазақ халқымен санаспай, шектен тыс басынуы талай аға-әпкелерімнің отаншылдық сезімін оятып, олардың көтеріліске шығуына алып келген жоқ па?! Кеше ғана қанаттары қатайып, мектеп қабырғасын арман қуып оқуға келген жастар сол күні тәуелсіздік үшін өздерін өлімге қиюға да даяр еді. Ызғарлы күндерді еске алсақ, Қайрат, Сәбира, Ләззат сынды жастарымыз көз алдымызға елестейді. Қазақ жастары барынша күш жұмсап, Отан үшін, халқы үшін ерліктерін сарп етті. Бейбіт жастарды Орталық «ұлтшыл» деген атақ жапсырып, өздері сүттен ақ, судан таза болып шыққысы келді.Неткен қатыгездік, неткен көз бояушылық десеңізші.

Желтоқсан көтерілісі –Қазақстанды Еуропа мен Америкаға танытты. Тұңғыш рет шет елдерге тарыдай шашылған бауырларымыз өзінің қазақ екендігін кеуделерін кере мақтана білдірумен болды. Егер сол кезде осындай жастарымыз ереуілге шықпаса, Тәуелсіздігімізді алмасақ, Желтоқсан да қазақтың жеңіске жетпеген көп көтерілістерінің бірі болып тарихта қала берер ме еді?! Қазақ жастары-қазақ халқының намысының, қайсарлығының, бірлігінің қандай күшті екендігін, батыр, ержүрек, қайсар халықтың бар екенін көрсете білді. Міне, қазақ елінің жастары қандай жігерлі еді. Қазақтың абыройын асырып, мерейін тасытқан - ел тәуелсіздігі!

Тәуекелі тұрғындардың ғана қолы жетпесе, Тәуелсіздік бола ма? Азаппен, арпалыспен келмесе, Азаттық бола ма? Оңайлықпен келсе,оның қадірі бола ма? Қадірі…