Тәуелсіздік тұғырым тақырыбындағы ертеңгілік сценарийі

Тәуелсіздік –тұғырым»

Мақсаты: Балаларға Тәуелсіздік туралы түсінік беру, Қазақстанның мемлекеттік рәміздері, еліміз, жеріміз тіліміз туралы өлең-тақпақ үйрету арқылы тілдерін жаттықтыру. Ойлау қабілетін, сөздік қорларын дамыту. Елін, жерін сүюге, халқын, тілін құрметтеуге тәрбиелеу. Патриоттық сезімдерін қалыптастыру.

Жүргізуші: Құрметті балалар, ата-аналар, балабақша ұжымы! Еліміз егемендік алып, тәуелсіз мемлекет болдық. Бүлдіршіндеріміз тәуелсіз мемлекет болып өмір сүріп жатыр. Өмірлерің мәнді де, сәнді болсын, аспанымызды бұлт шалмасын деген игі тілекпен Тәуелсіздік күні мерекесіне арналған «Тәуелсіздік –тұғырым» атты ертеңгілігімізді бастаймыз. Біз Тәуелсіз елміз! Бұл Тәуелсіздік ата-баба арманы еді.

Міне оған қол жеткізгенімізге биыл- 27 жыл!

Әнұраным жан ұраным,

Айтар әнім, сөйлер сөзім.

Туған жерім сағынарым,

Мәңгі бақи шырқалады.

Республика Әнұраны.

Қазақстан Республикасының Әнұраны орындалады.

Жүргізуші: Қазақ халқын дүниежүзіне танытқан бұл оқиғаның алғашқы құрбандары Қайрат Рысқұлбеков, Лаззат Асанова, Сабира Мұхамеджанқызы, Ербол Спатаевтарды еске алып, олардың рухына тағзым ету парызымыз. Аға-апаларымыздың есімдері ешқашан ұмытылмайды.1986 жылдың желтоқсан құрбандарына тағзм етіп, 1 минут үнсіздікпен еске алайық.

Жүргізуші:

Қазақстан-туған елім, ұлы өлкем!

Құшағында қаулап өскен гүлі ертең.

Отаным деп мен өзіңді сүйемін,

Абыройыңды асқақтатам мен ертең,-деп ортаға Ақыл, Ринат, Альмина, Альфияны ортаға шақырамыз.Балалардың орындауында өлең шумақтарға кезек берейік.

Айзере:

Рәміздерім –елдігімнің белгісі

Білу керек баладағы ең кіші.

Рәміздерім – Әнұран, Ту, Елтаңба,

Рәміздерді жатқа білген жөн кісі

Аяна:

Анамыздай тілеуі-ақ

Отан бізде біреу-ақ.

Ол біздің-Қазақстан

Аяулым:

Енші ап, егеменді ел болып,

Мойындаттық жаһанды.

Жас жүрегім елжіреп,

Сүйем туған Отанды.

Ән: Балалардың орындауында «Елтаңбасы елімнің»

Би: «Аққу» қыздардың орындауында.

Жүргізуші:

Елім менің, тәуелсіз жерім менің,

Күннен алған шуақты өмір деймін.

Рухы ұлттың өсіпті өлместей боп,

Көк байрағың төбемнен көрінген күн! ,-

Көрініс: «Тәуелсіздік деген не»

Келесі ортаға балаларды шақырамын.

Эмир:

Көк аспандай көкпеңбек,

Қазақстан жалауы.

Көк емес ол тектен-тек,

Елдің ашық қабағы.

Аяла Ж:

Бейбітшілік әніміз,

Бауырласпыз бәріміз.

Қазақстан даласындай,

Жарасады сәніміз.

Жания:

Отанды әркім анасындай,

Қастерлейді аялап.

Өйткені Отан анасындай

Бізді өсірер аялап.

Ойын: «Шеңбер» ойыны

Шалқытып мерекеде ән салайық,