Тәуелсіздік тұғырым балабақшаға арналған ертеңгілік

Ақмола облысы ,Целиноград ауданы,Талапкер ауылы

«Әсем-Ай» Экологиялық балабақшасының тәрбиешісі.

І-санатты.

«Балабақша Үздік педагогі»

«Шығармашыл Ұстаз» төсбелгілерінің иегері.

Төреғалиева Айнұр Маратқызы.

Тәуелсіздік күні.

Балалар залға кіреді.

Жүргізуші: ҚР Әнұраны орындалсын.

Тәуелсіздік үшін қаншама азаматтарымыз, ардақты ағаларымыз,ақылды жастарымыз ғұмырларын күреске арнап, тәуелсіздік жолында құрбан болған.

Бостандық, білсең, біздерге

Оңайлықпен жеткен жоқ

Желтоқсанда төгілген,

Қанның орны кепкен жоқ.

1. 16 желтоқсан

Ел мерекесі тасыған.

Қазақ деген халық жұрт

Бәрін кешті басынан.

2. Енді міне біз тәуелсіз ел болдық

Басқалармен терезесі тең болдық

Әрқашан да біз дайынбыз тайсалмай,

Отан үшін болуға да құрбандық.

3.Желтоқсанның ызғары - ай .

Кірпікке қатқан мұздары - ай

«Елім- ай»- деп егілген,

Қаһарман ұл- қыздар ай.

4.16- желтоқсан-Тәуелсіздік алған күн,

Ерекше боп мәңгілік,ел жадында қалған күн.

Қазақ енді көкке жетті,көк туың,

Сен деп атар таң да,сен деп батар күн.

4. Желтоқсан айы естесің

Дауыл боп бұрқап ескенсің,

Азаттың күші қашаннан,

Көкейін елдің тескенсің.

Ән: «Атамекен»

(Музыка ырғағымен Алтын адам кіреді)

Алтын адам: Сәлеметсіздер ме,Балалар!

Жүпргізуші: Сәлеметсіз бе,Алтын адам ! Мерекемізге қош келдіңіз! Балалар қараңдаршы,бізге қонаққа Алтын адам келді.Бұл «Алтын адам» деген атқа ие болған ғажайып ескерткіш.Қане балалар осы Алтын адам туралы кім маған толық мәлімет бере алады.?

1 –бала: Оның салтанатты бас киімі,бешпенті, шалбары мен етігіне дейін 200 ден астам аң-құс сипатты алтын әшекейлерімен безендірілген.

Қару-жарағы ,басқа да бұйымдары алтынмен көмкерілген. Оның «Алтын адам»атануы осыдан. Алтын адам ескерткіші V ғасырда Есік қаласынан табылған.

Алтын адам: Баршаңызды Тәуелсіздік мерекесімен құттықтаймын!

Тәуелсіздік Мәңгілікке сақталсын.

Алдынан барлық үміт ақталсын.

Тату –тәтті тірлік болып қашанда.

Бейбіт өмір бар халықпен жақталсын.

Тәрбиеші: Рахмет сізге, Алтын адам.

Алтын адам: Балалар мен сендердің еліміз,жеріміз, Отанымыз жайлы білімдеріңді,өнерлеріңді тамашалағым келеді.

Тәрбиеші: Төрлетіңіз Алтын адам.Менің балаларым өте өнерлі.

Көрініс: «Баланың түсі.»

( бала ұйықтап жатады,періште қолына шырақ жағып келеді)