Тәуелсіздік – тұғырым тәрбие сағаты

Астана қаласы

№ 62 «Нұрсәуле» балабақшасы

тәрбиеші: Г.О Жакыпбаева

Тәрбие сағаты «Тәуелсіздік –тұғырым!»

Мақсаты: Балаларды Отан сүйгіштікке баулу, өз еліне, жеріне деген патриоттық сезімін ояту ,тәуелсіздік туралы мәлімет бере отырып тәрбиелеу.

Балалар сөздік қорын молайту, байланыстыра сөйледі қалыптастыра отырып тәуелсіздігімізге арналған тақпақ, мақалдарды жатқа айтқызуға үйрету. Патриоттық,отаншылдық сезімін ояту,елін,жерін,құреттеуге тәрбиелеу.

Балалар шаттық шеңберіне тұрады, барлығы бірге қосылып айтады.

Амандасу үлкенге

Тәрбиенің басы ғой

Ал,кәнекей бәріміз

Сәлем дейік үлкенге,

Сәлеметсіздер ме апайлар!

Біз Қазақтың баласы

Дені сау салауатты

Біз-ұлттың болашағы

Білімді де сауатты

Тәрбиеші: Құрметті ата- аналар, қонақтар! 16-желтоқсан Еліміздің Тәуелсіздік күніне орай тәрбие сағатына қош келдіңіздер. Барлығыңызды мерекемен құттықтаймыз! Бұл мереке салтанатты болғандықтан еліміздің әнұранымен ашуға рұқсат етіңіздер!

Әнұран айту. (Барлығы орындарынан тұрып жүректеріне оң қолдарын қояды)

Тәрбиеші: -Балалар біздің ұлтымыз кім?

Балалар: -Қазақ

Тәрбиеші:-Балалар біздің мемлекетіміз қалай аталады?

-Қазақстан Республикасы.

Тәрбиеші:-Қазақстан қандай мемлекет ?

-Егеменді,тәуелсіз мемлекет.

Тәрбиеші:-Елбасымыз кім?

-Нұрсұлтан Әбішұлы Назарбаев.

Тәрбиеші:-Елордамыз қай қала?

-Астана қаласы.

Тәрбиеші:-Ал, бүгінгі өткізіп жатқан шарамыз қандай мерекеге арналып жатыр?

Қазақстанның тәуелсіздік алған күніне

Тәрбиеші:-Дұрыс, балалар өте жақсы жауаптар бердіңдер. 16 желтоқсан Қазақстанның Тәуелсіздік алған күні. Ол күнді біздер ерекше қуанышпен тойлаймыз. Балалар Тәуелсіздік бізге оңайлықпен келген жоқ. Тәуелсіздік мағынасы зор, тамыры терең ұғым. Оған миллиондаған адамдарын құрбандыққа шала отырып қол жеткізеді.

Қазақстан тәуелсіздікке қалай қол жеткізгенін көру үшін тарихқа көз жүгіртейік.

Слайд –шоу арқылы Желтоқсан оқиғасын көрсету.

27 жыл бұрын Қазақ елі Ресейге бағынышты болды. Елімізде Дінмұхаммет Ахметұлы Қонаев атамыз бірінші секретарь болды. 1986 ж. 16 желтоқсанда Қазақстан компартиясы ОК Пленумы өтті, ОК Бірінші хатшысы Д.А.Қонаев қызметінен босап, орнына партия комитетінің бірінші хатшысы Г.В.Колбин қойылды. Бірақ бұл жолы жергілікті халық оған көнген жоқ. Қарсылықты қазақ жастары бастады,оған Алматыда бір топ жастар қарсы болып, Қазақ елін қазақ басқару керек деген ұранмен алаңға шыққан.

Оқиғаға қатысқандарды саяси тұрғыдан қуғындау басталды. Тәуелсіздік аңсаған жастар ұлттың намыс құдіретін дүние жүзіне танытқан бұл оқиғаның құрбандары болған Қ. Рысқұлбеков, Л.Асанова, С.Мұхаметжанова, Е.Сыпатаевтардың жүректі үні, ел намысын қорғаған ерліктері мәңгі өшпейді.

1 минут үнсіздікпен еске алу.

1991 жылы 16-шы желтоқсанның Қазақстан өз Тәуелсіздігін жариялады. Оның тұңғыш Президенті болып Нұрсұлтан Әбішұлы Назарбаев сайланды.