Тәуелсіздік тұғырым тәрбие сағаты 8 сыныпқа

Сценарий тақырыбы: « Тәуелсіздік- тұғырым»

1-жүргізуші:

Армысыздар, қадірменді қонақтар және құрметті ұстаздар, оқушылар! Бүгінгі Тәуелсіздігіміздің 27 жылдығына арналған «Тәуелсіздік-тұғырым» атты мерекелік кешімізге қош келдіңіздер!

2-жүргізуші:

Тәуелсіздігімізге арналған мерекелік кешімізді еліміздің мемлекеттік әнұранымен бастайық.

Әнұран орындалады

1-жүргізуші:

«Тәуелсіздік ең басты құндылығымыз!» тақырып аясында 8 «В» сынып оқушыларының баяндамасына кезек берейік.

1-жүргізуші:

Армандарды жақындатып тым алыс,

Біздің жаққа жеткен екен жылы ағыс.

Егемендік - ел бақыты, ертеңі,

О, халайық! Құтты болсын қуаныш!

2-жүргізуші:

Кең байтақ, көз жетпейтін жерім менің

Таулы орман, жасыл жайлау көлім менің

Бүгінде бар әлемге даңқың жетті

Тәуелсіз Қазақстан – елім менің

Ән «Қазағым» орындайтын 10- сынып оқушысы: Қуат Жандарбек

2-жүргізуші: Нұрай, сен білесің бе Желтоқсан оқиғасының шығу себебі не екенін?

1-жүргізуші: Иә, білемін. 1986 жылғы 16 желтоқсанда таңертеңгі сағат 10.00-да бар-жоғы 18 минутқа созылған Қазақстан Компартиясының пленумында елімізді ширек ғасыр басқарған Дінмұхамет Ахметұлы Қонаев орнынан алынып, шеттен келген Геннадий Колбин сайланды. Бұл, әрине, Қазақ халқының наразылығын туғызып, әйгілі Желтоқсан оқиғасын туғызды.

2-жүргізуші:

Жалынды сөзін тасқындатқан Мұхтар Шаханов, Қалқаман Сарин ой-пікірді өлең шумағына түсірген. Ендігі кезекті алаштың асыл ұлдарының тәуелсіздікке арналған жырларына кезек берейік

(Сәрсенбек Динара, Шайрық Дәурен, Мұса Назерке, Асанов Даниял, )

2-жүргізуші:

Тұрса да биік өр басын,

Қазаққа бақыт орнасын.

Сексен алтыншы жылғыдай,

1-жүргізуші:

Орыны ағалардың бізбен толсын,

Сәбилер ағалардың жолын қусын.

1минут үнсіздікпен еске алайық,

Аруақ ағалардың ырза болсын.

(Осы кезде Қайрат, Ляззат, Сабира, Ерболдардың суреттері әкелінеді)

1 минут үнсіздік

2-жүргізуші:

Күй: «Балбырауын» орындайтын: Кенжебекова Айгерім

1-жүргізуші:

Желтоқсан оқиғасының құрбандары Ләззат Асанова, Сабира Мұхамеджанова, Ербол Спатаевтардың қатарында жас өмірін жалау еткен қазақтың қайсар ұлы-Қайрат Рысқұлбеков халқымыздың ұлттық батырларымыздың бірі ретінде өз есімін ел жадында мәңгілік жазып кетті.

(Осы кезде оқушылардың қатысуымен «Атам десең, атыңдар!» атты қойылым көрсетіледі.)

2-жүргізуші:

Желтоқсан оқиғасының жазықсыз құрбаны, қазақтың қайсар қызы Ләззат Асанова жайында 8«б» сынып оқушысы Ибрагимқызы Нағиманың «Он алты жаста еді...» тақырыбында үзіндіні тыңдаңыздар.

1-жүргізуші:

Бұл далаға жылап келіп қуанған, -деп Қасым Аманжолов ағамыз жырлағандай, кең байтақ жерімізде Қазақ халқының басынан не өтпеді десеңізші.Талай қиындықты бастан кешірсе де, ешқашан мойымай, күресе білді. Азаттық таңы туатынына кәміл сеніп, үміттерін үзбеді.

2-жүргізуші:

Сол күндер ғой жүректің аңсағаны,

Соған шөлдеп, шөліркеп тамсанады,

Өкініш пе, білмеймін қуаныш па

Өз-өзінен жүрегім ән салады.

Ән «Тәуелсіздік туы» орындайтын 8«В»сынып оқушысы: Советова Аяна

1-жүргізуші:

Ту тігілді халқымның бүгін бағына

Жас өрендер желбіретіп нық ұста

Ғасырларға жалғастырып елдікті

Дақ түсірме ата баба рухына

Үлгі бізге аталардың ерлігі

Ұлағаты өнегесі еңбегі

Тәуелсіздік туын ұстап жоғары

Бүгінгі ұрпақ болар елдің ертеңі дей келе бүгінгі тәуелсіздігіміздің 27 жылдығына арналған «Тәуелсіздік-тұғырым» атты мерекелік кешіміз өз мәресіне де келіп жетті.

1-жүргізуші:

Қазақ елім!

Туды жастық дәуірің.

Алғандайсың жұлдызыңның жарығын.

Тәуелсіздік құтты болсын, қымбаттым,

Туған күнің құтты болсын, алыбым!

Тәуелсіздігіміздің тұғыры биік, халқымыздың еңсесі жоғары, егемендігіміз баянды болсын деп тілейік, ағайын.

Келесі кездескенше сау саламатта болыңыздар!

Сценарий тақырыбы: « Тәуелсіздік- тұғырым»

1-жүргізуші:

Армысыздар, қадірменді қонақтар және құрметті ұстаздар, оқушылар! Бүгінгі Тәуелсіздігіміздің 27 жылдығына арналған «Тәуелсіздік-тұғырым» атты мерекелік кешімізге қош келдіңіздер!

2-жүргізуші:

Тәуелсіздігімізге арналған мерекелік кешімізді еліміздің мемлекеттік әнұранымен бастайық.

Әнұран орындалады

1-жүргізуші:

«Тәуелсіздік ең басты құндылығымыз!» тақырып аясында 8 «В» сынып оқушыларының баяндамасына кезек берейік.

Тәуелсіздік ең басты құндылығымыз! Тәуелсіздікке қантөгіссіз, бейбіт түрде қол жеткізгеннен кейін ғана елімізді әлемнің өркениетті мемлекеттерінің қатарына қоса алдық. 27 жыл ішінде тәуелсіз Қазақ елін қалыптастырып, нарықтың қиын өткелектерінен аман өткізіп келеміз. Осы кезеңде Қазақстанды дүние дидарындағы ең мықты мемлекеттер танитындай, сыйлайтындай деңгейге жеткізген тұңғыш Нұрсұлтан Назарбаевтай көреген саясаткердің ерен еңбегін дәл бүгін және әрқашанда айтып өтеміз.

Тәуелсіздік күні еліміздің барлық азаматтары үшін орны ерекше мереке деп білеміз, себебі, осынау жүрекжарды қуанышқа толы күнді ата-бабаларымыз ғасырлар бойы армандап, күтумен өтті.

Алтайдан Алатауға дейін ұлан – ғайыр жерді мекен еткен ата – бабаларымыз тәуелсіздікті арман еткен. Осынау кең даланы көк найзаның ұшымен, сом білектің күшімен қорғаған бабаларымыздың аманатын орындау үшін талай боздақтар жанкештілікке барған. Қаракерей Қабанбай, Қанжығалы Бөгенбай батырлардан бастап, Иса Досан, Шотан батырлар, беріректе Бауыржан, Мәншүк, Әлия сынды батырлар сол ел қорғауды ұран еткен, сол үшін құрбан болып, ел құрметіне бөленген батырлар.

Ресейдің езгісінде болып, тіліміз бен дінімізден безіп, орыстанғалы тұрғанда Қайрат Рысқұлбеков, Ләззат Асанова сияқты қыршын жастардың құрбандыққа баруы арқасында ғана тәуелсіздік алып, егеменді ел болдық.

Қазақ халқы еркіндікке жету үшін қаншама қиын – қыстау кезеңдерді бастан кешірді. Мыңдаған жылдық тарихы бар, Қазақстан өз тәуелсіздігін алды. Ал, 1986 жылғы оқиға халықтың есінде мәңгі сақталады. 16 – желтоқсанда қазақ жастары Орталық алаңға шығып, Қазақстан тәуелсіздігін талап етті. Бұл күн - Қазақстан тарихында тәуелсіз Қазақстан Республикасының туған күні деп алтын әріппен жазылды. Сондықтан да желтоқсан бүкілхалықтық мереке. Қазақстан жоғары Кеңесі 1991ж. 16 желтоқсанда Қазақстанды тәуелсіз Республика деп жариялады. Екі жүз жылдай патшалық Рессейдің отары, жетпіс жылдан астам Кеңес үкіметінің бұғауында болған Қазақстан егемен ел болды. Міне содан бері 27 жыл!