Тәуелсіздік тұтқасы бізге аманат ашық тәрбие сағаты

Күні: 12.12.2019 ж

Бекітемін:

Тәрбие сағатының тақырыбы: Тәуелсіздік тұтқасы бізге аманат

Тәрбие сағатының мақсаты:Еліміздің тарихы туралы түсінік беру. Оқушыларды қазақ халқының тәуелсіздік жолындағы ерлік күресімен, қол жетістіктерімен таныстыру. Желтоқсан оқиғасы жөнінде оқушылардың танымын кеңейту. Елін, жерін, тілін, әдет-ғұрпын құрметтейтін жаны таза, адамгершілігі мол, өз Отанын сүйетін азаматты қалыптастыру. Елжандылық пен ұлтжандылық сезімдерін оятып, саяси саналылыққа баулу. Отанын, туған жерін сүюге, өз елінің патриоты болуға тәрбиелеу.

Тәрбие сағатының түрі:

Тәрбие сағатының көрнекілігі:Қазақстан Республикасының рәміздері, интерактивті тақта,

Құрметті ұстаздар, оқушылар және көрермендер!Біз өзіміздің көк байрағымызды мақтанышпен жоғары көтеріп, өз елтаңбамыз бен әнұранымызды қастерлей отырып, күн сәулелі аспанымызда әрқашан Тәуелсіздікпен ерліктің белгісі дала қыранының қанаты талмай, шарықтай берсін демекпіз.

1.Қазақстан Республикасының тәуелсіздігі мерекесіне арналған «Тәуелсіздік тұтқасы бізге аманат» атты салтанатты жиынды ашық деп жариялаймыз. Тәуелсіздігімізге арналған мерекелік кешімізді еліміздің мемлекеттік әнұранымен бастайық.

(Әнұран айтылады).

2. Құттықтау сөз Зейнолла Серікқалиұлы атындағы мектеп – интернатының директоры Бисенгалиев Қабдрахим Сулейменұлына беріледі.(Құттықтау сөз)

3.Қазақ халқы бұл дүниеде не көрмеді? Сонау “Ақтабан шұбырынды, Алқакөл сұлама“ заманынан бастап, қойша қырылған " репрессия " жылдарына дейінгі аралықта халқымыздың осынау кең жаһан далада өмір сүруі, не жойылып кету қаупі тұрған еді.

Еліміздің егемендігіне ең алғаш қадам жасаған Желтоқсан оқиғасына 28 жыл толыпты. Қазақ халқы азаттық үшін талай қиындықты бастан кешірді. Бірақ ешқашан мойымады, күресе білді. Азаттық таңы туатынына кәміл сенді. Енді осы кейбір тарихи оқиғаларды еске түсіріп өтейік. Экранға назар аударайық (Видеоролик)

4. 1986жылғы «Желтоқсан оқиғасы»тарихта мәңгі қалмақ.1986 жылы 16 желтоқсанда бүкіл елді дүр сілкіндірген ғаламат оқиға болды.Азаттық, Теңдік, Тәуелсіздік. Осы бір үш ұғымның салтанат құруы үшін кімдер бас тікпеді, кімдер құрбан болмады? Бұл оқиғаның алғашқы құрбандары Қайрат Рысқұлбеков, Ләззат Асанова, Сәбира Мұхамеджанқызы, Ербол Сыпатаевтарды еске алып, олардың рухына тағзым ету парызымыз. 1986 жылдың желтоқсаны бүкіл ұлтымыздың жанын жаралап, жүрегіне ызғар шашып кетті, бостандық үшін өрімдей жап - жас қыз жігіттер құрбан болды. Біз әрдайым Қайраттың от жүрек үніне,қыздардың намысын қорғаған ерлігіне, күнәсіз күйіп кеткен келбетіне бас…