Тәуелсіздік тұтқасы бізге аманат тәрбие сағаты 8 сынып

Тәрбие сағатының тақырыбы:Тәуелсіздік тұтқасы бізге аманат

Тәрбие сағатының мақсаты:Еліміздің тарихы туралы түсінік беру. Оқушыларды қазақ халқының тәуелсіздік жолындағы ерлік күресімен, қол жетістіктерімен таныстыру. Желтоқсан оқиғасы жөнінде оқушылардың танымын кеңейту. Елін, жерін, тілін, әдет-ғұрпын құрметтейтін жаны таза, адамгершілігі мол, өз Отанын сүйетін азаматты қалыптастыру. Елжандылық пен ұлтжандылық сезімдерін оятып, саяси саналылыққа баулу. Отанын, туған жерін сүюге, өз елінің патриоты болуға тәрбиелеу.

Тәрбие сағатының түрі:

Тәрбие сағатының көрнекілігі:Қазақстан Республикасының рәміздері, портреттер, интерактивті тақта, мақал-мәтелдер.

Тәрбие сағатының барысы:

1. Желтоқсан – ерлік тарихымыз

2. Сандар сыр шертеді

3. «Тәуелсіз Қазақстаным» атты әдеби-сазды монтаж.

Барысы:

1-бөлім

Қазақстан – туған Отан, алтын бақ,

Ұлы жолға түсті келіп жарқылдап.

Қазақстан – көпті көрген қария,

Қазақстан – мейірім, ана, жер қымбат.

Атады әлі тағы да бір таң күліп,

Жүректерде арман отын жандырып,

Қазақстан бізді туған ұлы Отан,

Жайнай бер сен, жайнай бер сен мәңгілік!

Мұғалім:

Тарихқа көз жүгіртсек, қазақ нағыз батыр халық екенін мойындайсың. Жүгі нарда, қазаны теңде болып, көшіп-қонып өмір сүрген ата-бабаларымыз үш нәрсені бойтұмардай сақтап, қадірлеген. Олар – елі мен жері және ана тілі. Қандай халық болсын, осы үшеуінсіз егемен ел екенін дәлелдей алмайды.

Қанша жыл, қанша ғасыр өтсе де, ұмытылмайтын оқиғалар болады. Ұмытылмайтын себебі, ол оқиғалардың халық тағдырымен байланыстылығында. Қоғам құрсағында жетілген қайшылықтардың салдары ретінде көрінген мұндай құбылыстардың талайы тарихтан белгілі. Соның бірі – дүниені дүр сілкіндіріп, тәуелсіздік туын алғаш көтерген әйгілі 1986 жылғы Желтоқсан оқиғасы. Желтоқсан оқиғасы – ХХ ғасырдың ең ұлы оқиғаларының бірі. Осы оқиғаға қатысты деген желеумен 99 адам сотталды. 264 адам жоғары оқу орындарынан шығарылып, әртүрлі жазалар берілді.

Мұғалім:

1986 жылдың желтоқсанында Алматыдағы алаңға ақ пейілмен шығып, партия мен үкімет басшыларынан саяси сауаттылықты, адамгершілікті талап еткен студент, жұмысшы жастарымыздың қарашылықпен жазалануы, қорлануы.

Желтоқсанда жарқырап, мезгілсіз аққан жұлдыздар ең биікте тұруы тиіс. Халқымыздың тәуелсіздігі, егемендігі жолында, өз өмірін қиған құрбандардың рухына құрмет көрсету – қазақ азаматтарының игі борышы. Тәуелсіздік жолында Қ. Рысқұлбеков, Л. Асанова, Е. Спатаев, с. Мұхамеджанова сияқты қазақ жастары желтоқсан оқиғасы кезінде қайсарлықпен ерлік көрсетіп, құрбан болды.

Мұғалім:

Қазақ халқын дүние жүзіне танытқан жазықсыз құрбандардың ерлігі ешқашан ұмытылмайды. Біз әрдайым жігіттердің жүректі үніне, қыздардың ел намысын қорғаған ерлігіне, күнәсіз күйіп кеткен келбетіне бас иеміз.

1 минут үнсіздік жарияланады.

2-бөлім

Тәуелсіздікті алу үшін қазақ халқы басынан 5 кезеңді өткізді.

Мұғалім:

Сан ғасырлар тарихынан кешегі,

Туған жердің шежіресі өседі.

Менің елім, Қазақстан – Отаным,

Болашағы бізбен бірге өседі.

Мұғалім:

Тәуелсіздік – тәтті ұғым, қандай ғажап!

Халқымның орындалды басты арманы.

Туған тілдің мәртебесін тасқа қашап,

Күмбез көкте желбіреді көк байрағы.

Күй:«Тепен көк». Орындайтын: Курмашов Рауан

1-оқушы.

Тәуелсіздік – сан ғасырлық тарихы бар,

Қазақстан – бүл азат ел, танысыңдар.

Көк байрағы, елтаңба, әнұраны,

Қазақ елі егемен, сан ұлты бар.

2-оқушы.

Қуанышты қалай кеуде кермесін,

Бұл күнімді бір ғасырға бермесін.

Ақ түйенің қарны міне, жарылды,

Тәуелсізбін, егеменмін, дербеспін.

Ән:«Атамекен». Орындайтын: Нахаева Аружан

3-оқушы.

Әлемге атың жайылсын жарқын,

Жасай бер, жаса Қазақстан!

Мерейлі болсын ақпейіл, халқым,

Жасай бер, жаса Қазақстан!

4-оқушы

Тәуелсіздік – өткеніміз,

Асулардан сан асқан.

Тәуелсіздік – ертеңіміз,

Арайлап таңы атқан.

Ән: «Туған ел». Хор

5-оқушы.

Тәуелсіз елдің ұлы – өжет,

Қызы – қайратты,

Халқы – қаһарман,

Тәуелсіздікті анаңдай ардақта!

6-оқушы.

Қазақстан – менің туған анамсың,

Өзгеде жоқ, өзімде бар даламсың.

Кеңдігіңмен, молдығыңмен момақан,

Ақыл, сабыр үлестірген данамсың!

Қорытынды:

Қазіргі уақытта елімізді әлемдегі барлық ел таниды, танып қана қоймай еліміздің жеткен жетістіктеріне қызғанышпен қызыға қарайды. Біз осындай тәуелсіз, бірлік, бейбітшілік орнаған елдің ұрпағы болғанымызға мақтануымыз керек!

Қазақстан дейтін менің бар елім,

Жатыр алып жарты дүние әлемін!

Бұл даланы анам жаспен суарған,

Бұл далада атам қолға ту алған,

Бұл далада жылап келіп, уанғам,

Бұл даланы көріп алғаш қуанғам,

Бұл далада өскен жанда жоқ арман!

Сабақтың тақырыбы: Тәуелсіздік тұтқасы бізге аманат

Сабақтың мақсаты: Жас ұрпақты елінің тәуелсіздігі үшін күрескен қаһармандарын құрметтеуге үйрету, адамгершілік, патриоттық сезімдерді қалыптастыру арқылы Отанын сүюге және қорғауға тәрбиелеу;

Кіріспе.

Мұғалімнің сөзі.

24 жыл толды тәуелсіз ел болғалы,

Желтоқсан 29-ға толғалы.

Қос атауы толықтырып бір-бірін,

Ұлы оқиға екеуі Отандағы.

Өкінгенмен пайда жоқ, өтті күндер,

Қыршын кетті, әттең-ай, көк өрімдер.

Еске алдық, дұға оқып бекзаттарым,

Алладан нұр, жұмақта көгеріңдер

(Желтоқсан құрбандарын 1 минут үнсіздікпен еске түсіру)

1-жүргізуші.

1986 жылы 17 – желтоқсанда Алматы қаласында мыңдаған қазақ жастары наразылығын білдіріп, бейбіт шеруге шықты. Олар «қазақ елінің өз көсемі сайлансын» деген тілек білдірді. 2-жүргізуші:

Сол кездегі үкімет басшыларының бұйрығымен күш көрсетілді. Көптеген жастар түрмеге қамалды. Оларға желтоқсанның ызғарлы күнінде зәбір көрсетілді. Өз елінің тәуелсіздігін талап етіп, шеруге шыққан жастарға, «ұлтшылдар», «нашақорлар» деген кінә тағылды.

1-жүргізуші.

Осыдан 29 жыл бұрынғы Алматы оқу орындарының бірінің жатақханасының алдындағы оқиға.

Көрініс - Қыздар, мен газет әкелдім. - Не жаңалық шығыпты? - КОКП Орталық Комитетінің хатшысы Д.Қонаевты алып, орнына В.Колбинді тағайындапты.…