Тәуелсіздіктің ақ таңы тәрбие сағаты, 10 сынып

Тәуелсіздіктің ақ таңы

«Желтоксан жастарының маршы» орындалады.

1-ші жүргізуші: Армысыздар, құрметті ұстаздар, окушылыр! Міне, ежелден еркіндік аңсаған азат халқымыз тәуелсіздігінің 22-жылдығына табалдырық аттады. Бұл - біз үшін ерекше мерейлі күн. Бұл өткенімізді бір шолып алуға, негізгі жолдың әлі алда екенін ол үшін жаңа күш-қуат керек екенін және барынша шапшаң жылжу керек, бағымдап алу үшін берілген мүмкіндік.

2- ші жүргізуші: Тәуелсіз ел екенімізді ең алдымен өзіміз ескеріп, ең алдымен өзіміз мақтан етелік. Біз бүгінгі бейбіт тіршілігіміз үшін, Қазақстан деп аталатын Республиканың жер бетінде барлығы үшін тарихтың әр тұсында осы жерді қорғаған қайсар жандардың аруағының алдында қашан да қарыздармыз.

1-ші жүргізуші: Ежелден ата-бабамыз аңсаған еркіндікке әлі қол жеткізбегендігімізді байқаған жастарымыз Желтоқсан козғалысын бастады. «Ұлтым, жұртым» дегенде оттай маздаған, шоқтай қоздаған жүректерін намыстары күйдіріп, толассыз тартыс пен күрес жүргізіп, қараңғыдан мәңгілік жарыққа көздеген Қайрат, Ләззат Ербол сынды аға апаларымыз ұлты үшін өлімге басын тікті.

Елімнің тарихи беттеріне көз жүгіртейік («Қайғылы желтоқсан» атты бейнеролик көрсетіледі 4 минуттық).

Мұхтар Шаханов. «Желтоксан алаңы» Оқитын 10 «А» сынып оқушысы Еркін Әсет .

2- ші жүргізуші: Қазір бұл күн қазақ халқы үшін ұлы күн, әрі қайғылы, әрі бақытты күн. 1986 жылғы желтоқсан оқиғасы қазақ халқында бұрын болмаған ең ауыр да, әділетсіз көтерілістіңбірі.

1-ші жүргізуші: Иә,талай қиындықты бастан кешірсе де, ешкашан мойымай, күресе білді. Азаттық таңы туатынына кәміл сеніп, үміттерін үзбеді

«Желтоқсан желі» әнін қабыл алыңыздар. Орындайтындар:10 «А» сынып оқушылары Джанабаева Раушан, Еркін Әсет

1-ші окушы (Айгерим)

Тәуелсіздік! Туың биік ұлы елім

Өзіңменен бірге соққан жүрегім

Сенің ғана тағдырыңа алаңдап,

Сенің ғана бақытыңды тіледім,

Тұған елім,тулғаң биік,тым ірі,

Шайқалмаған туған жердің тұнығы.

Бақыт, Бірлік болашаққа бет алып,

Биіктей бер Тәуелсіздік туғыры!

2-ші оқушы:

Желтоқсанда шындық жырын шырқаймын деп шарқ ұрдың,Желтоқсанда егеменді ел болсақ деп талпындың.Кеудеңде әлі сызы жатыр сол кездегі салқынның,Айналайын, айналайын жас қайраты халқымның.Темір қолдар қуатты еді алқымыңды қаусырғанНамысыңды жықпай өттің нәубе, дүлей маусымнан.Жалғыз қалған шақтарымда жігер алдым бойымаТүрме торын жарып шыққан сенің қайсар даусыңнан.Өсер елдің қай сәтте де бірлік болмақ қалауы,Лаула, лаула, желтоқсанның мұзға жаққан алауы.Өздеріндей ер намысты жас өркені бар елдің,Ешқашанда еңкеюге тиісті емес жалауы.

3-ші окушы. (Алтынай)

Жас арудың жанарында – Желтоқсан,Қанды ғасыр табанында – Желтоқсан.Қаралы өмір қайыстырған халқымның,Қара тұман қабағында – Желтоқсан.Жауыздықты жасқаған да – Желтоқсан,Жаңа ғұмыр бастаған да – Желтоқсан.Жазықсыздың көз жасына жуынып,Абақтыға тастаған да – Желтоқсан.Намысымның шырағы да – Желтоқсан,Сұрқай өмір сынағы да – Желтоқсан.Жігіттердің ұраны да – Желтоқсан,Жаңа күннің шуағы да – Желтоқсан

1-ші жүргізуші: Қазақ дейтін менің бар елім,

Жатыр алып жарты дүние әлемін.

Бұл даланы анам жаспен суарған,

Бұл далаға жылап келіп қуанған,

- деп Касым Аманжолов ағамыз жырлағандай, кең байтақ жерімізде қазақ халқының басынан не өтпеді десеңші.

2-ші жүргізуші Сол күндер ғой жүректің аңсағаны,

Соған шөлдеп, шөліркеп тамсанады,

Өкініш пе, білмеймін қуаныш па

Өз-өзінен жүрегім ән салады.

«Еркеназ» вокалдық тобының орындауында «Туған өлкем» әнін қабыл алыңыздар

«Алтын бесік» әні. Орындайтындар 10 «А» сынып окушылары Есбердиева Шамшат? Джанабаева Раушан

1-ші жүргізуші: «Орнында бар оңалар» демекші, ел орнында, жер орнында, жерге жетер байлық жоқ. Жер болса, ел болады, ел болса ер болады. Ерлеріміздің арқасында Қазақстан егеменді ел болып, дүние жүзіне танылды.

2- ші жүргізуші: 120- дан аса ұлт өкілдері тұратын осынау қасиетті мекенде, асқақтаған өлкеде, кеңшілігі керемет дархан дастархандай далада, егіні теңіздей толқыған, төрт түлегі өрбіген, өндірісі өркендеген мекенде өмір сүруші әрбір адам өз Отанын жанындай сүйіп, оның көк байрағын көкке көтеруді мақтаныш тұтады.

1-ші жүргізуші: Сахнада «Қазақ биі» орындайтын: «Балбұлақ би» тобы.