Тәуелсіздіктің білімді ұрпақтары сайысы 6-сыныпқа

Тақырыбы Тәуелсіздіктің білімді ұрпақтары

Мақсаты 1. Оқушылардың тіл мәдениетін, сөйлеу мәдениетін жетілдіру; сайыс арқылы білім алушылардың тез ойланып, жауаптарын тиянақты жүйелі айтуға, көпшілік ортада еркін сөйлеуге баулу.Қазақ тілі мен әдебиеттен алған білімдерін саралау.Жас ұрпаққа ана тіліміздің қадір қасиетін дарыту.Оқушылардың алған білімдерін өмірде пайдалана білуге баулу.Елін,жерін,тілін,әдеп-ғұрпын құрметтейтін,өз Отанын сүйетін тұлға қалыптастыру

Түрі:танымдық сайыс.

Әдісі:Сұрақ-жауап.

Көрнекілігі:Туған жер,ел туралы нақыл сөздер,слайд,шарлар

Жүру барысы:

Кіріспе сөз

Тәуелсіз Қазақстан – ұлы Отаным,

Көк туымды қалайша құлатармын.

Тып-тыныш тұрып жатқан жайымыз бар,

Бәріміз баласындай бір атаның.

Елімізде бақ-береке, ырыс болсын,

Қызыл тілім қанжардай қылыш болсын.

Халқымның ахуалы дұрыс болсын.

Еліміз әрқашанда тыныш болсын,-деп

Құрметті қонақтар сіздерді Тәуелсіздік мерекесімен құттықтаймыз.

Мерекеге орай 6а,ә,б,в-сыныптары арасында «Тәуелсіздіктің білімді ұрпақтары» атты сайысымызды бастаймыз.Алдарыңызда сыныптарының намысын қорғауға келіп тұрған үш топқа қошемет білдіріп,сәттілік тілейік.

6 «А»-сыныбы-«» тобы

6 «Ә»-сыныбы-«» тобы

6 «Б»-сыныбы-«» тобы

6 «В»-сыныбы-«» тобы

Әділқазы, аққазыға бір сәлем!

Әділдікке бас иеді бар әлем.

Жүйрік озар сайыстарда неше бір,

Сарапқа сап әділдікпен шеше біл! -

деп сайыскерлеріміздің білімін бағалау үшін әділқазы алқасын сайлап алайық.

1. Кайрханова А.С. - МДӘІЖО

2. Досжанова Б.О.- қазақ тілі мен әдебиет пәні мұғалімі

3. Туреева М.А.- қазақ тілі мен әдебиет пәні мұғалімі

Сайыс бөлімдері

1.Таныстыру

2.Ойлы болсаң,озып көр(әр топқа 10 сұрақтан

3.Мықты болсаң, тауып көр(туған жер туралы мақалға ребус

4.Жүйрік болсаң,шалып көр(әдебиеттен шығарма бойынша көрініс

5.Сөз тапқанға қолқа жоқ(топ басшылар сайысы

І. Таныстыру.

«Әдепті елдің баласы

Алыстан сәлем береді» – дейді данышпан халқымыз.

Жөн сұрасып отырады көрген жерде,

Бабамыздың салты ғой ол бұл күнде.

Сайыскерлерден бейхабар қалмас үшін

Өздерін таныстырсын осы жерде.

2. Ойлы болсаң,озып көр

1-топқа

1.Қазақ тілінде неше дауысты бар?

2.16 желтоқсан күні қалай аталады?

3.Қандай? қай? деген қай сөз табының сұрақтары

4. Оттан не ыстық?(мақал)

5. А.Құнанбаевтың «Ғылым таппай, мақтанба»өлеңіндегі 5асыл іс

6. Қазақ тілінде дұрыс жазуды не дейді?

7.Ел рәміздерінің қайсысында қанатты пырақ бар?

8.Елтаңбаның авторы кім?

2-топқа

1.Дауыссыз дыбыс буын құрай ма?

2. «Желтоқсан оқиғасына» қатысқан жастардан кімдерді білесің

3. А.Құнанбаевтың «Ғылым таппай, мақтанба» өлеңіндегі 5 дұшпан

4.Ұрлықтың түбі бар ма,бар болса не?(мақал)

5.Қазақ даласында алғаш мектеп ашқан кім?

6. Термин сөз дегеніміз не ?

7.Мадан деген хан қай шығарма кейіпкері?

8.Әнұранның авторлары кім?

3-топқа

1.Қазақ тілінде неше буын бар,ата

2. Қол қандай,көз қандай? (мақал)

3.ҚР тәуелсіздікті қай жылы алды?

4.Тәуелсіздік дегенде неше дауысты дыбыс бар

5. Абайдың неше қара сөзі бар?

6.Деректі, дерексіз деп бөлінетін қай сөз табы?

7.Ел рәміздерінің қайсысында қыран құс бейнеленген,не үшін

8.30 тамыз қандай мереке?

4-топқа

1.Мен жазбаймын өлеңді ермек үшін өлең авторы кім?

2.Неологизм дегеніміз не?

3. Қазақ тілінде қанша сөз табы бар?

4. Төрт түлік аталарын ата?

5. 1желтоқсан қандай мереке?

6.Еліміздің астанасы қай қалалар болды?

7. Валюта күні(теңге) қай күн?

8. Еңбекте ерінбесең қалай болады?(мақал)

3. Мықты болсаң ,тауып көр.(мақалға құралған ребусты қарсы топтарға ұсынып,шешуін табу

Топтардың жауабы дайын болғанша,кезекті әнге берейік

Құлақтан кіріп,бойды алар,

Жақсы ән мен тәтті күй

Көңілге түрлі ой салар,

Әнді сүйсең,менше сүй.

4. Жүйрік болсаң,шалып көр.(әдебиеттен өтілген шығармалардан көрініс көрсетіп,қай шығармадан екенін табу

Топтардың жауабы дайын болғанша, мен сіздерге ертеде өз жерін қорғап қалған хан туралы аңыз айтып берейін.