Тәуелсіздіктің тірегі Астана тәрбие сағаты

Ашық тәрбие сағатының тақырыбы:

«Тәуелсіздігіміздің тірегі, еліміздің жүрегі-Астана»Мақсаты: Астана туралы мағлұмат беру, елордамыз Астананың көрікті орындарымен таныстыру; отансүйгіштікке, Отанын қадірлеуге үйрету; ұлттық патриотизм рухында тәрбиелеу. Көрнекіліктер: Астана суреттері,слайдтар, шар, оқушылардың шығармашылық жұмыстары.

Сабақтың әдісі: ой қозғау,топтастыру,сұрақ-жауап,әңгімелеу.Барысы:

(Әжесі қоржын тігіп отырады.Немересі далада ойнап жүреді.)

Әжесі: Е е е – тәуба! Бергеніңе шүкір....

Немересі: Әже, әжетай! Далада керемет болып жатыр, аспанға жарқылдаған салют атып, адамдар қуанышқа бөленіп жатыр. Жүріңіз, көрейік!

Әжесі: Е е е е , жарығым бұл қуаныш.Тәуелсіздіктің мейрамына арналған керемет, қой.Жақсылығымыз ұзағынан болсын!

Немересі: Әжетай, Тәуелсіз деген не?

Әжесі: Тәуелсіздік деген еркіндігің, бостандығың, бақытың, балам. Біздің кезімізде мұндай еркіндік болған жоқ.

Немересі: Сол өміріңіз туралы айтып беріңізші?

Әжесі: Әй, балам-ай, өткен өмірді көз алдыма елестетсем шуылдап, басым айналады. Аздап тынықпасам болмас.(Әжесі немересімен қисайып жата кетеді)

Немересі: (көзін уқалап тұрады) – Әже, жап-жарық күнді көрдім. Көп түс көрдім.

Әжесі: Е е е , ол сенің бақытың, балам.Тәуелсіздігіміздің мәңгі жарық күні.

Немересі: Ендеше мен ұстаздарымнан, жолдастарымнан сүйінші сұраймын. Алақай, сүйінші! Тәуелсіздіктің ақ таңы атып келеді!

- ҚР гимні орындалады.

І. Кіріспе1- жүргізуші (Аида) Құрметті ұстаздар, қонақтар, оқушылар «Тәуелсіздігіміздің тірегі, еліміздің жүрегі-Астана» атты ашық тәрбие сағатымызды ашық деп жариялаймыз. Астана қаласы Қазақстанның жаһандық брендіне айналып, дүниежүзіндегі әсем де жас қала ретінде танылуда. Астана – Тәуелсіздік перзенті, Астана- жаңа әлемдегі Қазақстанның жарқын бейнесі. 2 – жүргізуші (Айнагүл)Тәуелсіздік алған жылдар ішінде Елбасымыз Қазақстанды бүкіл әлемге танытты. Басқа мемлекет сияқты біздің де Астанамыздың бар екенін, керемет екенін таныта білді. Әнұранымыз бүкіл әлемде шырқалды. І. Әдеби монтаж «Қазақстан тарихы»

(Амина) Желтоқсан оқиғасы- біздің тәуелсіздігімізді дүние жүзіне мойындатқан күн.

(Ерасыл)1991 жылы 16 желтоқсан- ел тарихында ұрпақ мәңгі қастерлеп, ардақтап өтетін күн.

(Аружан)1 991 жыл 29 тамыз- Семей полигоны жабылған күн.

(Мұхамбетжан) 1992 жыл 2 наурызда- ҚР дүниежүзіндегі ықпалды және беделді БҰҰ- мүше болған күн.

(Руслан) 1992 жыл 8 наурызда- кең байтақ елімізді қорғайтын Республика Ұланы құрылған күн.

(Серікбол Диана)1992 жылы 4 маусымда- ҚР-ның Жоғарғы Кеңесінің сессиясында еліміздің мемлекеттік рәміздері қабылданған күн.

(Дархан)1993 жылы 15 қарашада- мемлекетіміздің ұлттық валютасы теңгеге айналған күн.

(Ажар)1998 жылы еліміздің Астанасы Астана қаласына көшірілді.

Барлығы бірге: Армандаған күнге жеттік. Мемлекеттік егемендігімізді алып тәуелсіз ел болдық!!!!

1- жүргізуші (Аида)

-Ал, қазір мына жерде ғимараттар берілген қағаздарды алып, адасқан сөздерден мақал- мәтел құрай отырып, топқа бөлінеміз.

II. Топқа бөлу.(мақалдар бойынша) .Оқушылар топпен бірге мақалдарды айтады.1 топ: Туған жердей, жер болмас,

Туған елдей ел болмас.

2 топ: Отан үшін отқа түс күймейсің.

3 топ: Өзге тілдің бәрін біл,

Өз тіліңді құрметте.

4 топ: Батыр туса - ел ырысы,

Жаңбыр жауса- жер ырысы.

2 – жүргізуші (Айнагүл)

1 топ: Бәйтерек тобы .Тілшісі: Кенжебекова Айкөркем

2 топ: Пирамида тобы. Тілшісі: Мақсұт Назгүл

3 топ: Тұңғыш президент мұражайы тобы. Тілшісі: Ергалиева Балқаным

4 топ: Атамекен этно- мемориалдық кешен тобы: Тілшісі: Қабдыл Нұрайлым

Әр топтан бір тілші шығып, өздері саяхат жасаған Астананың көрікті жерлерімен біздерді таныстырады.

(Видеоролик арқылы саяхаттарын көрсетеді)

Біздің топтағы тілшілеріміз Астананың керемет жерлеріне жақсы саяхат жасаған екен.Сендерге саяхат ұнады ма? Бізге көптеген мәліметтер айтып бергендерің үшін көп- көп рахмет!

1- жүргізуші (Аида)