Тазалық – денсаулық кепілі ашық сабағы, 1 сынып

Қысқа мерзімді жоспар

Пән: Дүниетану

Ұзақ мерзімді жоспар бөлімі: Мен және қоғам.

Күні:

Сынып: 1

Мектеп: №30 Д.Снегин атындағы мектеп-гимназиясы

Мұғалімнің аты-жөні: Асрандина Нурзира Калиевна

Қатысқандар саны:

Қатыспағандар саны:

Сабақ тақырыбы

Тазалық – денсаулық кепілі

Осы сабақта қол жеткізілетін оқу мақсаттары (оқу бағдарламасына сілтеме)

Жеке бас гигиенасын сақтаудың маңыздылығын түсіндіру.

Сабақ мақсаттары

Барлық оқушылар: Жеке бас гигиенасын сақтаудың маңыздылығын түсіндіреді.

Көптеген оқушылар: Жеке бас гигиенасын сақтаудың маңыздылығына мысалдар келтіріп сипаттайды.

Кейбір оқушылар: Жеке бас гигиенасының ережесін құрастырады.

Бағалау критерийлері

Жеке бас гигиенасын сақтаудың маңыздылығын түсіндіреді.

Тілдік мақсаттар

Оқушылар орындай алады: жеке бас гигиенасын сақтау ережелерін айта алады, жазады.

Пәнге тән лексика мен терминология: гигиена, тазалық.

Диалог пен жазу үшін пайдалы сөздер мен тіркестер:

1. Жеке бас гигиенасының ережелерін білесіңдер ме?

2. Не үшін тазалық сақтау керек деп ойлайсыңдар?

3.Тазалықты қалай сақтауға болады?

Құндылықтарды дарыту

Шығармашылық және сын тұрғысынан ойлау, денсаулық, достық және айналадағыларға қамқорлық көрсету, қарым-қатынас жасау.

Пәнаралық байланыстар

Сауат ашу, дене шынықтыру, музыка.

АКТ қолдану дағдылары

Бейнежазба, слайд

Бастапқы білім

Жеке бас гигиенасы туралы біледі.

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

3 минут

2 минут

8 минут

Ынтымақтастық атмосферасы шаттық шеңберінде «Тазалық» өлеңін қимылмен көрсету арқылы жүзеге асады.

Орнымыздан тұрайық,Қолымызды жуайық.Сабын, суды аямай

Тазалықты ұғайық.

«Серпілген сауал» әдісі арқылы оқу мақсаты жарияланады.

-Неліктен біз таза болуымыз керек?

-Тазалықтың досы ол не деп ойлайсыңдар?

-Тазалықты қалай сақтаймыз?

«Қажетті заттар» әдісі арқылы топқа бөлінеді.

1-топ : «Сабын» тобы

2-топ: «Тіс щеткасы» тобы

3- топ: «Тарақ» тобы

(Д) 1-тапсырма «Сәйкестендіру» әдісі арқылы орындалады.

Берілген суреттен жеке бас гигиенасын сақтауға қажетті заттарды анықта, оларды сәйкестендір.

Дескриптор:

- жеке бас гигиенасын сақтауға қажетті заттарды анықтайды.

- суреттерді сәйкестендіреді.

ҚБ: «Сәнді орамал» әдісі арқылы жүзеге асады.

Оюланған орамал - жеке бас гигиенасын сақтауға қажетті заттарды анықтаса, суреттерді сәйкестендірсе.

Жартылай оюлы орамал - жеке бас гигиенасын сақтауға қажетті заттарды анықтаса, суреттерді сәйкестендіруде қате жіберсе.

Оюсыз орамал - жеке бас гигиенасын сақтауға қажетті заттарды анықтауда, суреттерді сәйкестендіруде көмек қажет етсе.

Саралаудың: «Диалог және қолдау көрсету» тәсілі көрінеді.

Кейбір оқушыларға ашық сұрақтар қойылады.

- Не себепті жеке бас гигиенасын сақтау ережесін құру қажет деп ойлайсың?

Көмек қажет ететін оқушыларға жабық сұрақтар қойылады.

- Жеке бас гигиенасын сақтайсың ба?

- Жеке бас гигиенасын қалай сақтайсың?

Қима қағаздар

Сабақтың ортасы

8 минут

3 минут

(Т) 2-тапсырма «Бірге ойлаймыз» әдісі арқылы жүзеге асады.

Берілген тірек сөздерді пайдаланып:

1-топ. Өлең шығарады.

2-топ. Жұмбақ құрастырады.

3-топ. Мәтін құрастырады.

Дескриптор:

-Тазалық туралы өлең шығарады.

-Тазалық туралы жұмбақ құрастырады.

-Тазалық туралы мәтін құрастырады.

ҚБ: «Тазалық» әдісі бойынша бағаланады.

«Тарақ» - тапсырманы толық және дұрыс орындаса

«Тіс щеткасы» - тапсырманы толық орындағанда қателік жіберсе.

«Сабын» - тапсырманы орындауда көмек қажет етсе

Саралаудың: «Дереккөздер» тәсілі қолданылады.

Кейбір оқушыларға: Жеке бас гигиенасын сақтаудың маңыздылығы туралы баспадан және дереккөздерден қосымша мәліметтер айтады.

Сергіту сәті «Жалқаубек» өлеңін бірге айтып, дене қимылдарын жасау арқылы жүргізіледі.

Гигиена, сабын, тазалық, тарақ, сүлгі сөздері жазылған қима қағаздар

Аудио

Сабақтың соңы

9 минут

5 минут

(Ж) 3 - тапсырма «Постер» әдісімен жүзеге асырылады.

«Жеке бас гигиенасын сақтау маңыздылығы және қажеттілігі?» сұрағына постер құрастыр.

Дескриптор:

- жеке бас гигиенасын сақтау маңыздылығын постерге түсіреді, қорғайды.

ҚБ: «Тіс пастасы» әдісі.

Үлкен құтыдағы тіс пастасы – жеке бас гигиенасын сақтау маңыздылығын постерге түсірсе, қорғаса.

Орта құтыдағы тіс пастасы- жеке бас гигиенасын сақтау маңыздылығын постерге түсірсе, қорғауда қиналса.

Кіші құтыдағы тіс пастасы- жеке бас гигиенасын сақтау маңыздылығын постерге түсіруде, қорғауда көмек қажет етсе.