Театр – жан азығы ма, әлде ұмыт болған өнер ме мақаласы

Театр – жан азығы ма, әлде ұмыт

болған өнер ме? Бүгінгі таңда жастардан «Театрға барып көрдің бе?» деп сұрасаңыз, көбінің жауабы: «Жоқ, бірақ киноға барам» дегенге саяды. Қоғамның мәдени бағыты өзгере бастады ма, әлде біз шынайы өнерді бағалауды ұмыттық па? Мен де кезінде театрды қызықсыз, тек мектеппен баруға міндетті жер деп қабылдайтынмын. Бірақ бәрі өзгерді. Бір күні анам мені Шымкенттегі Жұмат Шанин атындағы қазақ драма театрына алып барды. Қойылымның аты – «Шырмауық». Сол күн – менің рухани әлеміме есік ашқан сәт болды. Кәдімгідей, сахнада болып жатқан оқиғалар мені жұтып жібергендей, әр кейіпкердің қайғысы – менің қайғым, қуанышы – менің қуанышым болды. Содан бері театр мен үшін ерекше орынға айналды. Ол – тыныштық табатын, шаршағанымды ұмыттыратын, жанымды байытатын мекен. Қойылым сайын бір жаңа өмір сүріп қайтқандай боламын. Мұндай әсерді TikTok та, Netflix те бере алмайды. Өйткені театр – тірі өнер. Онда бәрі қазір және осы жерде. Алайда бүгінгі заманда театр екінші, тіпті үшінші қатарға сырғып қалғандай. TikTok, Instagram, YouTube – жастардың күнделікті серігі. Жарқ етіп, тез сөнетін қысқа видеолар эмоция сыйлауы мүмкін, бірақ ол ұзаққа бармайды. Ал театрдан алған әсер жүректің түбінде мәңгі қалады. Жа