Технология пәні және еңбек мәдениетін қалыптастыру

Түркістан облысы Мақтаарал ауданы

№14 «Жас алаш» жалпы орта мектебі коммуналдық мемлекеттік мекемесі

Технология пәні мұғалімі

Срымова Гаухар Амангельдиевна

ТЕХНОЛОГИЯ ПӘНІН ОҚЫТУ – ОҚУШЫЛАРДЫ ЕҢБЕК ЕТУ МӘДЕНИЕТІНЕ ТӘРБИЕЛЕУДІҢ НЕГІЗІ

Елбасы Н. Назарбаевтың Қазақстан халқына Жолдауында: «Негізгі мақсатымыз – Қазақстанның әлемнің елу дамыған елдерінің қатарына енуі» –деген болатын. Сол себепті, әр оқушыға оның қабілеттеріне сәйкес келетін білім беру өрісі қажет.

Елбасының халыққа жолдауында айтылғандай, дамыған елдер қатарына талпыну кезеңі барысында оқушылардың танымын ұлғайтып, жан-жақты іскер азамат етіп шығаруда технология пәнінің орны ерекше деуге

болады. Қолөнер ұрпақ үшін бүгін де ертең де керек.

Технология мұғалімінің көздеген басты мақсаты – оқушыларды еңбек ету мәдениетіне тәрбиелей отырып, функционалдық сауаттылығын қалыптастыру

Қазіргі таңда қоғамның жаңа нарықтық жағдайына байланысты халқымыздың салт-дәстүрлері, ұлттық қолөнерінің көркемділігі және салт-дәстүрі мен өнері-адамның рухани, мәдени тұрмысынан бөлінбейтін құндылық. Қай халықтың болмасын ұлттық өзіндік әуені, салт-дәстүрі, қол өнері, сол ұлттың мәртебесін биікке көтереді. Ендеше баланы, әсіресе мектеп жасында, оқушыларды еңбекке баулуды қашанда кезек күттірмейтін міндеттеріміздің бірі болып табылады.

Ұлы Абай атамыз «Отыз үшінші» қара сөзінде былай дейді: «Егер мал керек болса, қолөнер үйренбек керек. Мал жұтайды,өнер жұтамайды. Алдау қоспай, адал өнерін сатқан, қолөнерлі- қазақтың әулиесі сол». «Әулие» деген қазақтың түсінігінде ең құдыретті, қасиетті киелі адам деген мағынаны береді. Мысалы, өнерлі адамдардың қолымен жасалған әдемі заттарын киелі деп қастерлеп, төрге қойып, оны өзінің өсіп келе жатқан балалары мен немелеріне мұра қылып қалдырғаны белгілі.

Соңғы уақытта Елбасының қолдауымен халқымыздың мәдени мұрасына ерекше көңіл бөлінуіде осының бір айғағы деп санауға болады. Көркемдік тәрбие беруде, технология пәнінің тағы бір басты атқаратын міндеті-ол әрбір баланың бойына біткен табиғи қабілетін дамыту, соған қолдау жасау, болашақта қолөнер шеберлерін даярлауға септігін тигізу. Жас ұрпақты еңбек сүйгіштікке тәрбиелей отырып, он саусағынан өнері тамған нақты кәсіп иесі болуын көздеу басты мақсаттардың бірі. Қазіргі көтеріліп отырған білім беруді дамыту тұжырымдамасынан мақсаты-жылдап өзгеріп отырған, дүние жағдайларында алынған терең білімнің, кәсіби дағдылардың негізінде еркін бағдарлай білуге, өзін-өзі іске асыруға, өзін-өзі дамытуға және өз бетінше дұрыс, адамгершілік тұрғысынан жауап шешімдер қабылдауға қабілетті жеке тұлға қалыптастыру. Осы жұмыстың негізі мектеп қабырғасында технология пәні барысында жүзеге асады.

Еңбекке тәрбиелеу, баулу және кәсіптік бағдар беру, оқушылардың қоғамға пайдалы, өнімді еңбекке тікелей қатысуы оқуға деген саналы көзқарасты тәрбиелеудің, азамат болып өсудің, жеке адамды адамгершілік және зиялылық жағынан қалыптастырудың негізгі көзі болып табылады. Ұжымдық еңбекте балалардың қабілеті, дарындылығы толық ашыла бастайды, еңбекте достық, жолдастық, өзара көмек және жауапкершілік нығаяды:

- еңбекке тәрбиелеудің нәтижелі жүруі оқушының еңбекке неғұрлым қатыстыруына байланысты;

- еңбек тапсырмасын орындағаннан кейін оның болымды нәтижесі оқушының өз күшіне сенімділігін арттырады, қуаныш сезімін тудырады;

- еңбек іс-әрекеті барысында,оқушылар тек тапсырманы орындап қоймай өз еңбегін өз бетімен ұйымдастыруды үйренеді.

Еңбек мәдениетінің көрсеткіші: