Тектілік тақырыбындағы тәрбие сағаты, 4-сынып

Тақырыбы: «Менің ата — тегім» Мақсаты: Оқушылардың ата тектері туралы мағлұматтарды бойына сіңіруіне, жеті атасы туралы ойларын ортаға салуға, олардың өз ата тектерін білуге тәрбиелеу.

Көрнекілігі: Нақыл сөздер «Әке көрген оқ жанар, Ана көрген тон пішер», «Аталы сөз — баталы сөз», «Тегін білген текті адам», «Жеті атасын білген ер, жеті елдің қамын жер». «Ата қарап ұл өсер, анаға қарап қыз өсер», «Әке асқар тау, ана ағып жатқан бұлақ, бала жағасындағы құрақ», «Ана тәрбиесі қызға үлгі, әке тәрбиесі ұлға үлгі».

Тәрбие сағатының түрі: Дөңгелек үстел Типі: Сұрақ – жауап

І бөлім «Сен қай рудансың?» / руларын сұрау/ ІІ бөлім « Жеті атасын кім біледі?» /жеті ата туралы сыр шерту/

ІІІ бөлім «Сен білесің бе?» /сенің бойыңдағы қандай қасиеттің қай атаңа ұқсаған?/ нағашы атаң, өз атаң

Барысы: Бүгінгі дөңгелек үстелдің мақсаты мен міндеттерін таныстыру. Дөңгелек үстел 3 бөлімнен тұрады: Мұғалімнің сөзі: Құрметті , оқушылар! Бүгін сіздер мен біздер болып тәрбие бағыттарының бірі болып саналатын гендерлік тәрбиеге байланысты «Менің ата тегім» атты тәрбиелік мәні бар үлкен іс – шараға келіп, қатысып отырсыздар!

І бөлім «Сен қай рудансың?» бөлімінде оқушылардың руы туралы әңгіме етпекпіз. 1. Тегімізге не жатады? 2. Сенің руың кім?

ІІ бөлім «Жеті атасын кім біледі?» 1. Жеті атаңды білесіз бе? 2. Сенің неше атаң бар? 3. Сен қай атаңа ұқсағансың? Осы сұрақтардың жауабын тыңдап болсақ кезекті көрініске берсек

Көрініс «Ата мен бала»

«Сен білесің бе?» бөлімінде барлықтарыңызға ортақ сұрақ 1. Бабалар, аталар айтқан асыл сөздерді өнеге тұтасыз ба? 2. Қандай баталы сөздер білесіз? Көрініс «Нағашыңа ұқсаған екенсің?» Кейбір бала тегінде атасы ұстахана ұстаған болса, соның кейбір қасиеттері немересінің немесе баласының бойынан табылады. Кейбір бала әнші болса, ол тегінде атасы немесе әжесі әнші болған деп жатамыз, баланың ақындық қабілеті болса, тегінде атасы сияқты ақын болар деп жатамыз. Міне осылардың бәрі тегінен шығып жатқандығынан болар. Біздің ата бабамыздан бізге жеткен көптеген ұлағатты, ғибрат аларлықтай тамаша тәлім — тәрбие берерліктей өсиет сөздер бар.

«Тегін білген, текті адам», «Жеті атасын білген ер, жеті жұрттың қамын жер», «Әке асқар тау, ана ағып жатқан бұлақ, бала жағасындағы құрақ», «Ана тәрбиесі қызға үлгі, әке тәрбиесі ұлға үлгі», «Әке көрген оқ жанар, ана көрген тон пішер», «Аталы сөз — баталы сөз», «Аталар сөзі – тәрбие көзі» деген сөздер бекер айтпаған болар. Осы сөздері тәрбиелік мәні өтке зор. «Мына бала жақсы екен кімнің баласы, тегі жақсы ау деймін бала негізінде тегіне тартады» деп жатады үлкен қария аталар. Сондықтан тегін айтылған сөз емес. Тегін кім, кімнің баласысың деп те жатады. Міне осы сөздердің барлығыда аса зор мағына бар.

Қорытынды сөз: Сонымен , оқушылар! Тәрбие сағатынан алған әсерлерінің мол болды деп айтуға болады. Өйткені ертелі айтылып жатқан сөздер, барлықтарыңызға үлкен әсер еткен болар. Жеті атамызды, өз тегімізді біліп жатсақ ол бізді тектілігіміздің белгісі деп білемін. Сондықтан бүгін дөңгелек үстеліміз өз мәресіне өз мақсатына жетті деп ойлаймын.

Ешқашанда шыққан тегімізді ұмытпай есте сақтап жүрейік деп бүгінгі тәрбие сағатымызды аяқтаймыз!