Жанұя тәрбие мекені тақырыбындағы 4 сынып тәрбие сағаты

Сабақтың тақырыбы: Жанұя - тәрбие мекені

Сабақтың мақсаты: Оқушыларды жанұядағы сыйластыққа, адамгершілікке, инабаттылыққа баулу. Үлкенді үлгі, кішіні мақтан етуге, отбасының бірлігін сақтауға, еліміздің жақсы ұл - қызы болып өсуге тәрбиелеу. Отбасы мүшелері арасындағы бауырмалдық, қайырымдылық, достық қарым - қатынасты қалыптастыру.

Сабақтың көрнекілігі: Отбасылық суреттер, слайд, нақыл сөздер.

Сабақтың барысы:

Мұғалім: Құрметті қонақтар, оқушылар! Біздің бүгінгі «Жанұя - тәрбие мекені» тақырыбындағы ашық сынып сағатымызға қош келдіңіздер!

Жанұя - бұл біздің отбасымыз. Отбасы - адам баласының түп қазығы, алтын ұясы. Адам баласы шыр етіп дүниеге келгеннен бастап, сол ортаның ыстық - суығына бейімделіп, ықпалына көніп осында ер жетеді. Жанұя - тәлім мен тәрбиенің, үлгі мен өнегенің, мейірімділік пен адамгершіліктің ордасы. Яғни, отбасы - шағын мемлекет.Тәрбие - отбасынан басталады, сондықтан болашақ ел ертеңі жас ұрпақтың еліне, Отанына деген сүйіспеншілігі алдымен жанұяда, ата - ананың ықпалымен қалыптасады. Баланы өсіріп тәрбиелеу - ата - ананың міндеті. Бала әкеден ақыл, анадан мейірім алады. Әке - шаңырақ иесі. Отбасы мүшелерінің жауапкершілігі толығымен ер азаматқа жүктеледі. Ана - отбасының ұйтқысы, бақыты.

Олай болса, кезекті оқушыларымыздың ата - аналарға арналған тақпақтарына береміз.

Нұршаттық:

Әкем менің - асқар тауым, тірегім,

Бәрінен де сен қымбатсың білемін.

Қанат қағып кетсем алыс қияға,

Сен деп соғар жұдырықтай жүрегім.

Рысбек:

Бойға қуат береді,

«Әй, жарайсың» дегені.

Мен әкемнен әр кезде,

Соны естігім келеді.

Ақбота:

Әкем шытса қабағын,

«Байқа, балам» - дегені.

Алған көп-ақ сабағым,

Жақсы көрем мен оны.

Еркебұлан:

Ана - біздің күніміз,

Ана - біздің гүліміз.

Ұландарды қуантып,

Ұзақ өмір сүріңіз.

Ақбота:

Анашым, жанашырым, қасиетім,

Анашым, қамқоршымсың, бас иетін.

Анашым ақ сүтіңді беріп маған,

Өмірді қадірлеуді сен үйреттің.

Мейірбек:

Анам менің құндызым,

Жанып тұрған жұлдызым.

Анам менің жүрегім,

Аман болсын анашым –

Осы менің тілегім.

Айда:

О, ата- анам,

Таянышым, тірегім!

Бар бақытты бір басыңа тіледім.

Бізді «Жақсы болса екен» деп қашанда,

Лүпілдейді сенің қамқор жүрегің.

Ән: Гүлдерайым

Кім жылдам? (Оқушыларға арналған сұрақтар)