Телефон арқылы әдепті қарым-қатынас сабақ жоспары

Ортанғы тобының ұйымдастырылған оқу іс- әрекетінің технологиялық картасы

Мерзімі:

Тақырыбы: «Телефон»

Білім беру саласы: Вариативтік бөлім

Бөлімі: Тілашар

Мақсаты: Телефон арқылы қарым-қатынас жасау барысында әдептілік көрсетуге үйрету. Есте сақтау қабілеттерін дамыту. Сөйлеу мәдениетін тәрбиелеу.

Көрнекі құралдар: Телефон.

Қостілдік компонент (Билингвальный): Телефон.

Іс-әрекет кезеңі

Тәрбиешінің іс-әрекеті

Балалардың іс-әрекеті

Себепті қызығушылығын ояту кезеңі

Жұмбақ.

Шыр – шыр етеді,

Ұстай алсаң сөйлеп кетеді.

Телефон.

Іздену ұйымдастырушылық кезеңі

-Білесіңдер ме, балалар, телефонды өте ертеде ойлап тапқан. Бұл сөз екі бөліктен құралған, «теле» -алыс, «фон» -дыбыс, яғни алыстан естірген дауыс. Қазіргі, біз сөйлесіп жүрген телефонды, америка ғалымы александр Белл ойлап тапқан.

-Қалай ойлайсыңдар, телефон не үшін керек, өмірде оның қандай пайдасы бар?

-Телефонмен сөйлесу әдебін білесіңдер ме?

-Қоңырау үнін естіген соң, не деп жауап беру керек?

-Егер сенен үйдегі адамдардың біреуін шақырып жіберуді өтінсе, «бұл кім?». «оны қайтесіз?» деу орынды ма?

-Телефонмен шақырылған адам үйде болмаған жағдайда, не деп жауап беру керек?

-Егер сенің қолың тимей жатса, не деп жауап бересің?

(Кешірім сұрап, бос емес екендігіңді айтып, кеін өзің хабарласатыныңды айт, бірақ кейін қоңырау шалуды ұмытпа.)

Жағдайды шешу:

Егер терген нөмерің қате болса, онда:

Қай нөмірге түстім?

Бұл қандай нөмір?-деп сұрау.

«Кешіріңіз қателесіппін» деп телефон тұтқасын орнына қою керек.

-Кім қалай ойлайды?

-Бұл пікірмен кім келіседі?

-Телефонмен сөйлесер алдында не деу керек?

-«Қазір сөйлесе аласыз ба, кедергі жасап тұрған жоқпын ба?» -деп сұрап алу орынды ма?

- жұмыс бабында, туысжолдаспен хабарласу үшін көмегі зор. Үйден шықпай- ақ досыңмен, туған туыстарынмен хабарласуға болады.

-сыпайы, әрі мүмкіндігінше қысқа сөйлесу керек.

-тұтқаны көтеріп, амандасу керек.

-амандасып, кім екендігіңді айту.

-Орынды.

Іс-әрекеттің бағалау кезеңі

Балалар естеріңде болсын әдепті адам ешқашан телефонмен ұзақ сөйлеспейді, әрі қажет жағжайда ғана қоңырау шалады.

Күтілетін нәтижелер:

біледі:Телефон арқылы қарым-қатынас жасау барысында әдептілік көрсетуді.

игереді: Сөйлеу мәдениетін.

меңгереді: Сөздік қорын молайтып, байланыстырып сөйлеуді.