Ұжымдағы өзара қарым-қатынас 7 сыныпқа сабақ жоспары

Өзін – өзі тану сабағының жоспары

Мектеп: БҚО, Тасқала ауданы, ЖОББ Қ.Сәтбаев атындағы мектебі

Мерзімі:

Сыныбы: 7 сынып

Тақырып: Ұжымдағы өзара қарым-қатынас №22 сабақ

Құндылық: дұрыс әрекет

Қасиеттер: сыйластық, достық, татулық.

Мұғалімі: Джусупкалиева Асия Уалиевна

Сабақтың мақсаты:

Ұжымның адам өміріндегі маңыздылығы, ондағы сыйластық, достық, татулық қасиеттерін ұғындыру арқылы дұрыс әрекет құндылығының мәнін ашу.

Сабақтың міндеттері:

Білімділік: оқушыларды айналасындағы адамдарға сыйластықпен қарау арқылы дұрыс қарым-қатынас жасауға үйрету;

Дамытушылық: достаса білу, достықты қадірлеу қасиеттерін дамыту;

Тәрбиелік: Оқушыларды сыйлдастыққа, татулыққа тәрбиелеу.

Сабақтың барысы:

Ресурстар:

Тәртіп, талап, тыныштық, татулық, тазалық.

Ұйымдастыру кезеңі

Сәлемдесу, оқушылардың назарын сабаққа аудару, 5 жұмыс құралын түгендеу: күнделік, оқулық, жұмыс дәптері, қаламсап, қарындаш.

Сыныпты алдын ала суреттер арқылы үш топқа бөліп алып, отырғызу.

Тыныштық сәті.

Ыңғайланып отырыңыздар, денелеріңізді түзу ұстаңыздар. Аяғыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызға болады. Көзіңізді жұмыңыз және бірнеше рет тыңыстаңыз. Денеңізді босатыңыз. Өзіңіздің сынып есігіне қарай беттеп, есікті ашқаңызды, дәлізбен өтіп, далаға шыққаңызды елестетіңіз. Таза ауаны жұтып, шашыңызды желбіреткен желдің лебін және бетңізді сәл-пәл қыздырған күн сәулесін сезініңіз. Орманға қарай жүре бастаңыз. Келе жатқанда абай болыңыз, жәндіктерді басып кетпеңіз. Бір минут тоқтап айналаға көз салыңыз. Оны иіскеңіз және хош иісін жұтыңыз. Айналадағы бар нәрсені бақылап, ары қарай жүре беріңіз. Гүлдер, гүлдер мен ағаштардың иісі, құстардың дауысы және жәндіктердің ызыңы. Орманға ендей түсіңіз, қараңызшы, ағаштар биіктей әрі қалыңдай түсті. Жарық пен көлеңкенің ойынын қызықтаңыз, жапырақтардың сыбдырын тыңдаңыз. Біз өзімізді орманда бақытты әрі қауіпсіз сезінеміз. Алаңқайға шығып, осында бірнеше минут демалыңыз. Түбіне барып отырғыңыз келетін ағашты таңдаңыз. Ағашқа жақындаңыз да оның діңінен құшақтаңыз. Оның қуаттылығын сезіңіңіз, ондағы өмір қуатын сезінуге және ұғынуға тырысыңыз. Көзіңізді жұмыңыз, терең тыныс алығыз және

Бізге қалайша жеңіл әрі тыныш және бақытты сезіну қандай керемет. Табиғат неткен ғажап, оны қалайша сүйетінімізді және қадірлейтінімізді, бірде бір тірі жәндікке зиян тигізбес үшін қамқорлық жасауды түсінеміз. Сіздің өз ағашыңыз бар екенін және кез келген уақытта оған келе алатыныңызды есте ұстаңыз. Ал қазір мектепке қайтуға дайындалыңыз. Орныңыздан тұрып, айналаға тағы бір көз қырын салыңыз. Келген жолыңызбен кері қайтыңыз, жолыңыздағы жәндіктерді басып кетпеңіз. Міне мектептің алдына да келдік. Айналаңызға тағы бір қараңыз, таза ауаны терең жұтыңыз,…