Телекоммуникация болашағы туралы мақала материалы

Сөзі мен ісі бір жерден шығатын, бәзбіреулердей «команда» жимай-ақ уақыт талабына үн қата білген басшы Ержан Сәрсембаев туралы үзік сыр

Осыдан 20 жыл бұрын Қазақстан Республикасының Жоғарғы Кеңесі «Тәуелсіздік пен мемлекеттің егемендігі туралы» заңды қабылдады. Елдігіміздің еңсесін әйгілеген 20 жылда Қазақ елін әлем таныды, ақындарша айтқанда «Сәлеміңді алмайтын елдер, саулығыңды сұрайтын» халге жетті. Азат ел болған алаш жұрты тәуелсіздіктің арқасында тарихын түгендеп, рухани болмысын бүтіндеді. Елбасының салиқалы саясаты арқасында ұлттық рухы берік, саяси жүйесі тұрақты, экономикалық әлеуеті мықты, бәсекеге қабілетті, халықаралық сахнада беделді тәуелсіз Қазақ мемлекеті құрылды.

Еліміздің осындай өркениетті ел болып даму жолында бірден-бір маңызды рөл атқаратын саланың бірі – бұл жаңаша дамыған, қазіргі заманғы озық үлгідегі байланыс құралдарымен жабдықталған, жұртшылыққа жоғары сапалы қызмет көрсетіп отырған телекоммуникация жүйесі. Бүгінде қазыналы түбектің жұртшылығы, тіпті сонау шалғай елдімекендер тұрғындардың өзі «Қазақтелекомның» Маңғыстау облыстық бөлімшесінің қарапайым халыққа көрсетіп отырған қызметін жете түсінеді. Дәлірек айтқанда айшылық алыс жерлерден жедел хат-хабар алғызған қызметінің игілігін көріп отыр.

Бүгінгі әңгімемізге арқау болып отырған кейіпкеріміз Маңғыстау облыстық телекоммуникациялар дирекциясының бас директоры Ержан Әбенұлы Сәрсембаев Қарағанды қаласында орта мектепті бітірген 1974 жылы қызмет жолын туған қаласында электромонтер болып бастайды. 1981 жылы Ташкент электротехникалық байланыс институтын тәмамдап, жоғары білім алған соң Алматы электротехникалық байланыс техникумында дәріс оқыды. Осы оқу ордасының Қарағандыдағы бөлімшесінің меңгерушісі болды. 1988 жылы Қарағандыдағы №2 одақтық магистралді байланыс пен телевидения техникалық торабының инженері, 1989-1998 жылдары «Гарант» құрал-жабдықтар жөндеу зауыты» акционерлік қоғамының директоры лауазымын мінсіз атқарып, кейінде кәсіпкерлікпен айналысқан ол соңғы жылдары өзінің сүйікті саласына қайта оралады.

Сөйтіп, бәрін басынан бастауына тура келді. Қызметін қалалық байланыс желісінде қатардағы электромеханиктен бастаған ол он жыл ішінде Қарағанды облыстық телекоммуникациялар дирекциясы бас директорының орынбасары аралығындағы лауазымдық баспалдақтарды басып өтті. Оның байланыс саласындағы қолтаңбасы Қаражал, Қарағанды, Балқаш, Жезқазған қалаларында қалды. 2008 жылдың наурызында Маңғыстау облыстық телекоммуникациялар дирекциясының бас директоры болып тағайындалды.

Білікті басшы жұмысқа кіріскен сегіз айдың ішінде 50 млн шығынмен көштің соңында қалған облыстық филиалды табыстылығы және даму бағыты жөнінен республикада екінші орынға шығарды. Бүгінгі таңда ақпараттық және коммуникациялық технологиялар қоғам қалыптасуына әсер ететін, экономикалық дамудың маңызды демеушісі, әлеуметтік даму мәселелерін барынша тиімді шешуге мүмкіндік беретін маңызды факторлардың бірі екені белгілі.

Е. Сәрсембаевтың пайымдауынша, негізгі міндеттердің бірі – ауыл халқының уақыт талабына сай лайықты өмір сүруіне жағдай жасау, яғни көз көрген телефон байланысынан бөлек, Интернетке…