Теңдесі жоқ тарихи жеңіс туралы тәрбие сағаты, 4 сынып

«Теңдесі жоқ тарихи Жеңіс».

Мақсаты: Оқушыларды Отансүйгіштікке, патриотизмге тәрбиелеу және жеңіс салтанатын көре алмай кеткен боздақтардың, бүгінде саны азайып қалған майдангерлердің рухына бас ие отырып, оқушыларды Отанды қорғауға, ерлік істеріне тағзым етуге, батыл да батыр ержүрек болуға үйрету. Елін, жерін, жаудан қорғай білуге, батырлардың өмірі үлгісінде тәрбиелеу. Көрнекілігі: Ұлы Отан соғысының батырлары, мәңгі алаудың макеті жасалынып, гүл шоқтары қойылады, ерлік туралы нақыл сөздер.

I-жүргізуші: Құрметті ұстаздар, ата-аналар және оқушылар! Ұлы Жеңістің 63 жылдығына байланысты ұйымдастырылып отырған «Теңдесі жоқ тарихи Жеңіс» атты кешімізді бастауға рұқсат етіңіздер.

II-жүргізуші: Ұлы Отан соғысына Қазақстаннан 1 миллион 700 мыңнан астам жауынгер қатысты. Олардың басым көпшілігі ұрыс даласында қаза тауып, хабар-ошарсыз кетті. Қазақстаннан құрылған әскери дивизия ең қауіпті жерлерде соғысты. Генерал Панфилов бастаған 28-дивизия жауынгерлерінің аттары Ұлы Отан соғысының тарихына алтын әріппен жазылған. I-жүргізуші: Мұндай жойқын апаттың көріп түрін,

Адамзат естімеген бұдан бұрын. Талқандап фашисттерді азат болған, Атаймыз жыл сайынғы Жеңіс күнін.

II-жүргізуші: Екі қолмен шоқ көсеп ойнағандар,

Кеудесін оққа төсеп лаулағандар. Бір сәтке сол ерлерді еске алайық, Жеңіс тойын 63 жыл тойлағандар, - деп сонау сұрапыл жылдары Жеңіс күнін жақындатуға атсалысқан жандарды 1 минут үнсіздікпен еске алайық.

I-жүргізуші: Оңайлықпен түскен жоқ жеңіс бізге,

Соғыс елді түсірді –ау ауыр күйге. Жұрт күйзелді төгілді қанша көз жас, Түнерді қайғы бұлт талай үйде.

II-жүргізуші: Біріктіріп үміті мен тілегін,

Біріктіріп барлық күшін жігерін. Ана үшін, бала үшін, жер үшін, Жасқанбастан тосты оққа жүрегін.

Көрініс Осы сәтте магнитафон іске қосылады. Кеңес бюросы: Қымбатты бауырлар, 1941 жылы 22 маусымда фашисттік Германия хабарламастан Отанымызға шабуыл жасады. Ол бізді бостандығымыздан айырып, жерімізді таптамақ. Бірақ олай болмақ емес! Біз жеңеміз, әділет әрқашан жеңбек. Фашисттерге өлім келсін!- деп хабарлады. Ағылған халық, отан үшін жауға қарсы күреске жіберуін сұрауда. Кәрі де, жас та, қыздар да, аналар да әскерге іліккен жастарды шығарып салуда.

I-жүргізуші: Төнгенде отан басына,

Шын сыналар ауыр күн. Қиды ол жас өмірді,

Еркіндігі үшін елімнің.

II-жүргізуші: Ұлы Отан соғысы басталғанда Әлия не бары 17 жаста ғана еді. 1942 жылдың аяқ кезінде ол өзі сұранып, атқыштар мектебінде оқуға түсіп. Оны үздік бітіріп шыққан соң майданға аттанады. Әлия 1924 жылы Қобда ауданы Көкбұлақ деген жерде туған. Екі жасында жетім қалып, Әубәкір деген ағасы өз тәрбиесіне алады. Кейінен ағасы Ленинград қаласына көшіп келеді де, сол қалада оқиды. Отбасының жағдайына байланысты Әлия кейін балалар үйінде тәрбиеленеді.

Көрініс: Командир: Сіз жауынгерлік тапсырманы орындауға нәзіксіз ғой? Майданға қалайша келдіңіз? Жасыңыз нешеде? Әлия: Мен Молдағұловамын, қазақстандықпын. Жасым 17-де. Майданға өз бетіммен келдім. Қандай болсын жауынгерлік тапсырманы орындауға дайынмын.

Көркем сөз : Шығыстың қос шынары.

Әлия, Мәншүк қайсар гүлі қазақтың, Ерлігіне таңданамын ғажап тым, Солар төккен қызыл қанның арқасы, Қазақстан аспанында азап күн.

Желбірейді бейбітшілік жалауы, Орындалып жас ұрпақтың қалауы. Әлия, Мәншүк жүрегі боп жанып тұр, Мәңгілік от ескерткіші алауы.

Көктем келіп гүлденгенде бар аспан, Кең жазира нұрға тұнар ғаламат. Әлия, Мәншүк бүлдіршіндер есімі, Балабақша мектепті жүр аралап.

Әлия, Мәншүк өлмегені сол болар, Қос қарлығаш ардақталар қорғалар. Қазақ өткен ұмытпас тарихын, Болашаққа егемендік жол болар.

Әлия, Мәншүк гүлдей нәзік бірақ та, Гүл боп оттың өсіп жаттың қырақта. О, тәңірім соғыс отын жандыртпа, О, тәңірім балаларды жылатпа.

Мектебіне бақшасына бүлдіршін, Барсын, келсін анасымен бір жүрсін. Бейбітшілік күні жанса төбеде, Әлия, Мәншүк біреу емес мың гүлсің! «Әлия» әні орындалады.

I-жүргізуші: 1945 жылы 30 сәуірдің кешінде 6 сағат 30 минутта Жеңіс туы тігілді. Ту тікке Рақымжан Қошқарбаев. Төрт жылға жуық созылған қан төгіс аяқталды.

II-жүргізуші: Қара бұлтқа оранбасын күн көкте,