Жеңіс бізге оңай жолмен келген жоқ ашық тәрбие сағаты

Ақтөбе облысы, Ойыл ауданы

Саға мектеп-балабақшасы

Әлеуметтік педагог және өзін-өзі тану пәні мұғалімі

Жеңіс бізге оңай жолмен келген жоқ

Мақсаты: оқушыларды Ұлы Отан соғысындағы қазақстандықтардың, соның ішінде Қайыңды ауылынан шыққан аталарымыздың ерен еңбектерімен таныстыру. Ұлттық мәдениетіміздің нәрімен сусындатып, адамгершілік қасиеттерді бойларына сіңіру. Отансүйгіштікке тәрбиелеу.

Көрнекілігі: нақыл сөздер, "Ер есімі - ел есінде" бұрыш, суреттер.

Барысы

І Ұйымдастыру

ІІ. Кіріспе.

Мұғалім: Балалар, биыл Ұлы Жеңіске 73 жыл толады, осыған орай бүгін сынып аралық "Жеңіс бізге оңай жолмен келген жоқ" атты сыныптан тыс жұмыс өткелі отыр. Бүгінгі өткелі отырған шарамызға аға-аталарымыз қонаққа келіп отыр. Олар: Аққожин Сабырғали, Мұханбетов Қойшыбек, Тілегенов Мұрат, Дүйсенғалиев Тұрлан

1941 жылдың жазында,

Ештеңе еліміздің жадында.

Тұтқиылдан соғыс ашты Гитлер,

Жерімізді жаулап алу жолында.

Қара бұлт үйірілгенде аспаныма,

Елін, жерін бермеу үшін жат қолында,

Қан майданға аттанды боздақтарым,

Жиырмадан жаңа асқан жас шағында.

1941 жылдың 22 маусым күні сағат таңғы 4-те фашистік Германия Отанымызға тұтқиылдан шабуыл жасады. Әлемді дүрліктірген алапат дауыл халықтың жүрегін қан жылатты. Тыныш жатқан халықты бір-бірінен ажыратып, анасын баласынан, баласын анасынан, бауырынан айырған сұрапыл соғыс басталды.

Жараланған жүрек Өртенген аспан Отқа оранған орман

Соғыс

Үзілген арман Төгілген жас

Кір жуып, кіндік кескен жері үшін, аялап әлпештеп өсірген елі үшін, жанған отқа түсіп, жалын кешкен ер азаматтарымызды мәңгі естен шығармауымыз қажет. Олар тарихта өшпес із қалдырды. Адамзат тарихында осынау Ұлы Жеңіске жетуде біздің жерлестеріміздің де зор үлесі бар.

Мұғалім: Біріктіріп үміті мен тілегін,

Біріктіріп барлық күшін, жігерін.

Ана үшін, бала үшін, жер үшін,

Жасқанбастан тосты отқа жүрегін

Мәнерлеп оқу. Келесі кезекті оқушыларға береміз.

Т.Молдағалиев "Жеңіс келген" А.Тлектесов, "Әлия" А.Бисұлтанова, "Жеңіс" М.Мадешова, Ә.Абдіқұлова

Мұғалім: Жеңіс үшін шыбын жандарын құрбан еткен бірнеше миллиондаған адамдардың есімдерін есте сақтап, 1418 азапты күн мен түнді болашақ үшін ерен еңбекпен, қайсар ерлікпен өткізгендерін ұмытуға болмайды. Жерлестеріміз ел басына күн туып, "ер етігімен су кешкен" қасіретті шақта Отанымыздың бостандығы мен тәуелсіздігі үшін кеуделерін от…