Теңдеулерді шешудің оңтайлы әдісі, 10 сынып

Ауған асуында от кешкендер

Осындай тақырыппен С.Н.Имашев атындағы жалпы орта мектебінде кездесу кеші өтті. Кездесуге Ауған соғысының ардагері Сәлім Махмудов келді. Кездесуді жүргізген директордың тәрбиесі жөніндегі орынбасары Н.Жұмалиева ардагерге қош келдіңіз айтып, Ауған соғысының қасіретін тілге тиек ете келе, ауылдасымыз,аталмыш майданның ардагері В.Григорьев жайлы да айта өтті. В.Григорьевтің ғұмырнамасын 10 «б» сынып Ә.Сейілханова слайд арқылы көпшілікке таныстырды. Алғаш болып мінберге көтерілген ақсақалдар кеңесінің төрағасы Р.Қабиев жиылғандарға тарих қойнауынан сыр шертіп, есті құлаққа есерлі сөз айтты. Ардагер ұстаз, «Аға мұғалім» атағының иегері Н.Шолтыров С.Махмудовқа қош келдіңізін айтып, ойын былайша сабақтады.

-1989 жылы, Ақпан айының 15 - де талай аналарды перзенттерден айырған, мыңдаған жерлес бауырларымыз қаза тапқан қасіретті де, қайғылы да «Ауған соғысы» аяқталды. Жылдар өткенімен жауынгерлеріміздің өшпес ерлігі ел есінде сақталуда. Бүгінде «Ауған соғысы» қажет пе еді? деген сұрақтар көп қойылған кезде, біз жастар, еліміздің сол соғысқа қатысқан ұлдарын Отан алдындағы борыштарын адал атқарған азаматтар деп құрмет тұтамыз.

Келесі кезекте оқушылар кеш қонағына сұрақтарын жолдап,тұшымды жауаптар ала алды. АӘД пәнінің мұғалімі А.Масалимов оқушыларға қанды соғыстың азабын мысалдар арқылы жеткізіп, С.Махмудовқа алғысын білдірді. Кездесу соңында мектеп оқушылары Ауған соғысы жайында өлеңдер оқып, М.Хайырбеков әнмен шашу шашты. Ұлдар ұйымының төрағасы Ұ.Иманғалиев оқушылар атынан ардагерге жылы лебізін білдіріп, «Ұрпаққа манат» атты өлеңін оқыды. Шара соңында Н.Жұмалиева кеш қонағына мектеп атынан ризашылық білдіріп, естелік сыйлық табыс етті.

Ұлан Өтешқалиұлы,С.Н.Имашев атындағы жалпы орта мектебінің мұғалімі.

Сурет автордікі.

Жылулық жанның жұмағы

С.Н.Имашев атындағы жалпы орта мектебі бойынша 15.01-15.02 аралығында ұйымдастырылатын «Қамқорлық акциясы» болып өтті.

Мектеп бойынша 1-4 сыныптардан 150 оқушы, 5-11 сыныптардан аз қамтылған 25, тұл жетім 1 оқушы, барлығы 176 оқушы ыстық тамақпен қамтылды. Сафон, Амангелді елді мекендерінен келіп оқитын 21 оқушыға көлік тасымалы ұйымдастырылды.

Әлеуметтік жағдайы төмен оқушыға, даму мүмкіндігі шектеулі 1 оқушыға, тұл жетім 1 оқушыға, жалпы саны 7 оқушыға 30000 теңге көлемінде мектеп мұғалімдерінің, Бірлік ауылынан Елемесов Өтешқали отбасы және жеке кәсіпкер Кубашев…