Теңге тақырыбындағы бастауыш сынып тәрбие сағаты

Ұлттық валюта – теңге күні

Мақсаты:Қазақстанның ұлттық ақшасына көшу тарихы, оның маңызын түсіндіру.Білімділік: ақшаның пайда болу тарихы, өз ұлттық теңгеміздің айналымға кіруі, қалай, кімдер жасағаны туралы мағлұмат беру. Басқа ел валюталарымен таныстыру. Жаңадан айналымға енген ұлттық валюта, оны енгізудің қажеттілігі, безендірілуі туралы кеңірек таныстыру.Дамытушылық:оқушылардың ақша туралы түсініктерін кеңейту, белсенділіктерін дамыту.Тәрбиелік: оқушылардың Қазақстанның тәуелсіз мемлекет ретінде қол жеткізген жетістіктерін мақтан еткізіп, патриоттық сезім ұялату.

Көрнекілігі:ақшаның түрлері, суреттер.

Психологиялық ахуал:

Көтеріңкі көңіл күймен,

Батайық біздер сабақты.

Пайдаменнен өткізейік,

Бөлінген бізге сағатты.

Мұғалім алдын ала оқушыларды үш топқа бөліп қояды.Олар:

І- топ: Теңге

ІІ- топ: Евро

ІІІ- топ: Доллар

І Құпия тапсырма (Тақырыпты ашу үшін мұғалім алдын ала басқа оқушыларға білдірмей, өлең шумақтарын жаттауға беріп қояды. Сабақ басталғанда оқушылар жасырын берілген өлең жолдарын бірінен соң бірі айтып шығады, соны тыңдай отырып оқушылар тақырып пен сабақ мақсатын өздері шамалап айқындайды.) (Өлең шумағын айтқан оқушыларға, мұғалім тарапынан мадақтау мақсатында, -5 теңгелік ұпай фишкасы беріледі)

Міне, бүгін теңге күнім – мерекем,Қандай дұшпан олай - бұлай дер екен.Осы теңге арқасында келешек,Елге келер тойымшылық, берекем.

Түні нұрлы, ақ таңы,Жері гүлдей бақтағы.Ел ырысы – тайқазан,Төл теңгеміз қақпағы.

Қазынамыз толығып,Болсын дәйім жолы құт!«Төл теңге – ел тірегі!»Деп құрметтер оны жұрт.

Мен«Теңгемін, теңгемін!» Қазақ деген елденмін. Тәуелсіздік – тұғырым, Жарқын менің ғұмырым!

Теңге, теңге, теңгелер, Теңге адамға дем берер. Тіршіліктің арбасы, Теңгеменен дөңгелер.

(Тақырып пен сабақ мақсаты айқындалады)

ІІ.Мұғалім түсіндірмесі: Қазақстан 1991 жылдың желтоқсанында тәуелсіздігін жариялағаннан кейін өзінің нағыз дербес мемлекет екендігін паш еткен оқиғалардың бірі — төл валюта — теңгені айналымға енгізуі болды. Осы кезден бастап мемлекеттің экономикалық құрылымы түбегейлі өзгеріп, жаңадан жасақтала бастады. 1992 жылы елде төрт адамнан құралған дизайнерлер тобы жасақталды. Теңгенің авторы болу бақыты дизайнерші Тимур Сүлейменов, қылқалам шеберлері Қайролла Ғабжалилов, Мендібай Әлин мен Ағымсалы Дүзелхановтың үлесіне тиді.

Халқымыз теңгені бұрын да пайдаланған. Теңге атауы орта ғасырлардан бастау алады.VIII-IX ғасырларда әр билеушінің өз руының рәміздері бейнеленген теңгелері айналымда жүрді. XIV ғасырдың аяғында Қазақстан аумағында Әмір Темірдің мәнеті айналыста болды.

XVI- XVIІІ ғасырларда мыс тиындар қолданыста жүріп, Қазақстанның Орта Азия мемлекеттерімен және Ресеймен сауда-саттық байланыста болғанын айғақтайды. Қазақтың «тәнге» деген ақша атауынын орыстың «деньги» деген сөзі шыққан. Ерте замандарда теңгелерді Түркістан, Тараз қалаларындағы арнаулы шеберханаларда жасаған.

1992 жылы тамыздың 27-сі күні Ұлттық банк басқармасы теңге купюрасының үлгілерін бекітті. Бірінші бетінде қазақ халқының әйгілі ұлы тұлғаларының әл-Фараби, Сүйінбай, Құрманғазы, Шоқан, Абайдың бейнелері басылды. Екінші бетінде ою-өрнектер, табиғат көріністері бейнеленіп, елтаңбамыз салынған. Ертесіне қазақ валютасын өмірге келтірген суретшілер Тимур Сүлейменов, Меңдібай Алин, Ағымсалы Дүзелханов, Қайролла Ғабжәлеловтер Англияға аттанды.

1993 жылдың күзінде Қазақстан ТМД елдерінің ең соңында рубль аймағынан шықты. Теңге Ұлыбританияның әлемге әйгілі әрі ең көне «Харрисон және оның ұлдары»…