Тіл білгірлері тақырыбындағы тәрбие сағаты, 5-сынып

21.09.2018 жыл

Сыныбы: 9а,ә аралығында өтетін сайыс

Өтілетін орны: АКТ залы

Сайыс сабақтың тақырыбы: Тіл білгірлері

Мақсаты: Оқушыларға ана тіліне деген сүйіспеншілік, тіл туралы білімдерін жетілдіру, тілге деген құрмет барлығымыздың бойымызда болуы керек екенін ұғындыру.

Тіл тазалығын сактау, мәдениетті сөйлеу, шешендік өнерді оқушы бойына сіңіре отырып, шығармашылық қабілеттерін дамыту.

Көрнекілігі: тіл туралы нақыл сөздер, кітаптар көрмесі, кодоскоп,бейнеролик, стикер,әріптер жасырылған плакат.

Барысы: 1. Ұйымдастыру.

Әнұран орындалады

"Сәлем сөздің анасы"

Топтың атын және өздерін таныстырады. Әр топтың ұраны болады.

2. "Өлеңмен өріп ойымды"

Тілге байланысты мемлекеттік тілде өлең оқу.

3. "Өнер алды қызыл тіл"

Мақалдар сайысы.

4."Білімді мыңды жығар"

Конверттегі сұрақтарға жылдам, нақты жауап беру.

5. Сергіту сәті. "Адасқан әріптер"

Төрт оқушының алды мен артында екі әріптен болады. Олар өз орнын табуы керек.

6. "Сөз тапқанға қолқа жоқ" Көрініс

1-топ "Тілден қымбат қазына жоқ".

2-топ "Тілдің аманаты"

7. " Өзге тілдің бәрін біл, өз тіліңді құрметте"

Полиглот , жұмбақтың шешуін тауып, оны үш тілде айту

9. Сайысты қорытындылау.

Жеңімпаз топты анықтау

Пән мұғалімдері: Сағындық Ұлбала

1- жүргізуші : Кайырлы күн, құрметті Ана тіліміздің мерекесіне жиналған қауым, тіл жанашырлары. Тіл мерекесіне орай өткізгелі отырған "Тіл білгірлері "

атты мемлекеттік тілді меңгеру білімдеріне арналған мерекелік сайысқа хош келдіңіздер!

2- жүргізуші: Туған тілім - тірлігімнің айғағы,

Тілім барда айтылар сыр ойдағы.

Өссе тілім, мен де бірге өсемін,

Өшсе тілім, мен де бірге өшемін!

Ия, тіл қай ұлтта, қай елде болса да қастерлі, құдіретті. Ол әрбір адамның бойына ана сүтімен бірге еніп қалыптасады. Тіл байлығы - әрбір елдің ұлттық мақтанышы. Ол - атадан балаға мирас болып қалып отыратын баға жетпес мұра. Демек, әр адам ана тілін көзінің қарашығындай қорғауға тиіс.

Әнұран орындалады.

1- жүргізуші: Тіл - тәуелсіздік тірегі. Халық өмірінің өлшемі де тіл. Тәрбие тілден басталады. Ұлттық өнердің барлығы да тілден басталады. Тілсіз ештеңе де дамымайды. Республикада ана тіліміз - қазақ тіліне "мемлекеттік тіл" деген мәртебе беріліп, Тіл туралы тұңғыш заң 1989 жылы, ал екінші рет 1997 жылы шілденің 11-жұлдызында қабылданды. Елбасымыз Н. Ә. Назарбаевтың жарлығымен "22 қыркүйек - Қазақстан халықтары тілдерінің күні" болып жарияланды.

2 -жүргізуші: Біздің мектебімізде биылғы оқу жылында да жыл сайынғы дәстүр бойынша Қ.Р. халықтарының тілдер мерекесіне орай іс-шаралар өткізілуде. Тәуелсіз еліміздің қоғамдық өмірінде өзгеше орын алған мереке - ұлт тілдеріне құрмет көрсетілетін мейрам. Ендеше, сіздерді елімізде тойланып жатқан осы халықаралық тілдер күнімен құтықтаймыз.

1-жүргізуші: Әрбір тілде сөйле әлемді таң қылып,

Ана тілін білмеу қандай заңдылық.

Өсер балаң, байтақ далаң тұрғанда,

Қазақ тілі жасау керек мәңгілік.

2-жүргізуші: Қазақ тілім өз тілім , ана тілім

Абай, Мұхтар сөйлеген дана тілім.

Қастерлейді ұл-қызың мәңгі сені,

Болашағым, бақытым дара тілім.

1-жүргізуші: Олай болса, біздің бірінші сайысымыз 2-топ арасында өтеді.Біздің мақсатымыз - оқушының білімге деген құштарлығын, ізденімпаздығын, оқу деңгейін және ойын нақты дұрыс жеткізуге, тапқыр сөйлеуге, салмақты ой айтуға үйрету.

2-жүргізуші: Сайысты бастамас бұрын сіздерді осы сайысқа әділ бага беретін, әр айналымның есебін шығарып, қортындысын айтатын әділ қазылармен таныстырып өтейік.

1-жүргізуші: Сайыс шарттары:

1. " Сәлем - сөздің анасы" Өзін -өзі таныстыру.

2." Өлеңмен өріп ойымды" Тілге байланысты өлең оқу.

3. " Өнер алды- қызыл тіл " Мақалдар сайысы

4. " Білімді мыңды жығар" Сұрақтарға жылдам, нақты жауап беру.

5. "Сөз тапқанға қолқа жоқ " Көрініс.

6." Өзге тілдің бәрін біл, өз тіліңді құрметте"

Полиглот, жұмбақтың шешуін тауып, оны үш тілде айту.

2-жүргізуші: Кім білімді, өнерпаз,білейікші,

Окушылар алғыр деп жүрейкші.

Қазылар алқасына тек әділдікті,

Сайыскерлерге сәттілік тілейікші.

Сайыскерлерімізді қошеметпен ортаға шақырамыз.

1-жүргізуші: " Әдепті елдің баласы

Алыстан сәлем береді" - дейді данышпан халқымыз.

" Өзге емес өзім айтам өз жайымды"

Әр топ тобын таныстырып өтуі тиіс.

2-жүргізуші: Сәлем берем халқыма

Сәлем берем жалпыңа.

Сәлемдесу кіреді,

Ата -дәстүр салтыма- деп сайыскерлер өздерін таныстырып өтеді.

1-топ Топтың аты: Тағылым

Ұранымыз: "Тіл бар жерде- өмір бар"

Өлеңіміз: Ана тілің арың бұл,

Ұятың боп тұр бетте

Өзге тілдің бәрін біл,

Өз тіліңді кұрметте!

Топ басшы: Армысыздар, ардақты халкым менің,

Бөлісейік бұл күннің алтын кенін.

Тілді сүйер қауымға басымды иіп,

Сәлемдесіп, жүздесу - салтым менің.

Ұшырмай көкіректен жыр кептерін,

Өлеңсіз аша алам ба сыр беттерін?

Жаңа күш, жаңа қуат тілеуменен

Өзіңе басымды ием көрерменім.

2-топ Топтың аты: "Асыл мұра"

Ұранымыз: "Сүйемін туған тілді-қазақ тілін"

Өлеңіміз: "Тіліміздің бұлағы, тіршіліктің ел жүрегі

Ана тілін сүйемін, Отан үшін күйемін"

Топ басшы: Сәлем бердік қауымға,

Үлкен- кіші ауылға

" Асыл мұра "тобымызды,

Таныстырайық баршаға.

Қош келіпсіз,ақ жанарлы құрбылар,

Жүздерінен мейірім мен нұр тамар

Алдарыңызда жауқазындай құлпырған,

Біз алаңсыз балғын шақты балалар.

Бар өнерді енді ортаға салайық,

Бұл кештен үлкен сабақ алайық,

"Асыл мұра" тобынан қабыл алғай салемді,

Мерекесі тіліміздің кұтты болсын, халайық!

2-кезең