Тіл достықтың тірегі туралы мақала

Тіл – достықтың тірегі.

Тіл – әр халықтың ұлттық байлығы. «Тіл – өлшеусіз қазына, өрісі кең әлем», - деп тегін айтылмаса керек. Тіл білген адамның барар жері де баршылық.

Тіл – біздің тұтастығымыз. Тіл қай елде болса да құдіетті, қастерлі. Тіл тағдыры – ел тағдыры. Сол үшін әр адам өз тілін көзінің қарашығындай сақтау керек. Тіл – ұлттың мәдениетімен біте қайнасып жатқан рухани қазына. Әр ұлттың ұлттық мәдениеті, салт-дәстүрі тілінде жатады.

Тіл – таусылмайтын қазына. Қаншалықты көп тіл білсең, соншалықты өзгелерден биік тұрасың. Ең алдымен, туған тіліңе, содан кейін мемлекеттік тілге деген құрмет болу қажет.

Тілсіз қандай да болмасын ұлт өмір сүре алмайды. Осы орайда қазақ халқының «Тілі жоғалған халықтың өзі де жоғалады» деген мақалын айтып өтсем орынды болар.

Тіл туғанымыздан бастап, ана сүтімен беріледі. Тіл – әр ұлттың баға жетпес, таусылмайтын байлығы, мақтанышы.

Елімізде түрлі ұлт пен ұлыс өкілдері тұрады. Яғни, Қазақстан мемлекеті – көп ұлтты мемлекет. Оның басты байлығы – елдің тыныштығы, татулығы, бейбітшілігі. Қаншама ұлттың көк аспанның астында, бейбітшілікте тату-тәтті өмір сүруіне бірден-бір себеп осы тіл болып саналады. Қазіргі таңда «ұлттар достығы – басты байлығымыз» деген мәселе жиі айтылып жүр. Ұлттар достастығының басты құралы тіл болмақ.

Тіл бірлігі – ел бірлігі. Көп ұлтты мемлекет үшін мемлекеттік тіл қажет. Ол тіл – қазақ тілі. Қазақстанда неше ұлт өкілдері өмір сүретін болса, мемлекеттік тілге деген құрмет болуы тиіс.

Қазақстанда мемлекеттік тіл қазақ тілі болса, орыс тілі ресми тіл ретінде қолданылып келеді. Осы ұлт пен ұлыс өкілдерінің басын біріктіріп, достықтың терегіне айналған – қазақ тілі мен орыс тілі. Осы орайда мемелекеттік тіліміздің, қазақ тілінің, атқарар қызметі аса зор. Елбасымыздың «Қазақ елінің болашағы – қазақ тілінде», - деп айтуының өзіндік мәні бар. Себебі мемлекетіміздегі барша халықты біріктіруші осы қазақ тілі болып саналады.