Тіл – татулық тірегі туралы мақала

Тіл – татулық тірегі

Ел болып егемендік алып, еңсемізді тіктеп, Ұлы Тәуелсіздігімізге қол жеткізген соң, мемлекеттік нышандарымызды, таңбаларымызды қайта түлетіп, жаңғыртумен келеміз. Сондай елдігіміздің айғағы, ертеңіміздің айнасы болып саналатын тағы бір байлығымыз – ол тіліміз, яғни қазақ тілі. Елбасымыз Н.Назарбаевтың «Болашаққа бағдар: рухани жаңғыру» мақаласында көтерілген мәселелерді жүзеге асыру, ұлттық құндылықтарымызды дәріптеу мақсатын көздеген және Қазақстан Халықтарының Тілдер күні мерекесіне орай бірқатар игі шаралар легін қалалық тілдерді оқыту орталығы да ерекше ұйымдастыра білді. Бекітілген жоспар бойынша 4-29 қыркүйек аралығында тілдер айлығы өтті. Байқаудың қорытындысы Ә.Боранбаев атындағы кинотеатрдағы салтанатты жиында жария болды. Игі шараның шымылдығын қазақ тілін оқитын тыңдаушылар «Үш тұғырлы тіл» саясаты шеңберінде қазақ, орыс, ағылшын тілдерінде ашты.

Тілі басқа, - жүрегі бір, түрі басқа, - тілегі бір өзге ұлт өкілдері де барлық іс-шараларға белсене қатысатынын атап өткен жөн. Ісшара барысында қаламыздың мерейін үстем еткен облыстық «Тіл-парасат» байқауының 1 орын иегері С.Ручкина «Туған жер» әнін әуелете шырқаса, тек өз ұлтының ғана емес, өзге де ұлттың биін халықаралық байқауларда асқақтатып жүрген «Натараджа» үнді би ансамблінің бишілері мың бұрала биледі.

Айтулы күні ҚР-ның білім беру ісінің үздігі, ұстаздардың ұстазы, қалалық ардагерлер кеңесінің төрағасы Жәнібек Ғапбасұлы тілдің өміршеңдігі мен қажеттілігі және латын қарпі жөнінде айта келіп, барша қала халқын мерекемен құттықтады. Сонан соң, өңірімізде қазақ тілінің өркендеуі үшін қалалық тілдерді оқыту орталығымен бірлесе жұмыс жасап, ел ертеңі жайында маңызды тақырыптарда қалам тартып, халықтың көкейтесті мәселелерін жырына арқау етіп жүрген тіл майталмандары,тіл жанашырлары қала және ауылдың бірқатар мекеме қызметкерлері зор алғысқа ие болды. Атап айтсақ; Айбек Қалиев, Арыстан Айтмағанбетов, Сәуле Бадаева, Базар Рахметова, Наталья Кулакевич, Балкүміс Досанова және Ғалымбек Нұрлыбеков.

Сондай - ақ, құқық қорғау органдарының қызметкерлері арасында қалалық байқау өткізілген болатын. Байқаудың ережесі бойынша 1- кезең «Туған жер» туралы. Ансамбльдің сүйемелдеуімен жұмыс стилінде киініп қазақ, орыс немесе ағылшын тілінде бір ән орындау. 2 - кезеңде «Мамандығым - мақтанышым» тақырыбында мекемедегі жеткен жетістіктер мен…