Тіл халықтың мұрасы тақырыбындағы сыныптан тыс жұмыс

Тіл – халықтың мұрасы

Мақсаты: ана тілінің маңызы мен қоғамдағы орнын, жас ұрпақтың ана тілінің қадір-қасиетін түсіне білуін, балаларды туған тілін сүюге, оны қорғауға және қамқорлық жасауға тәрбиелеу. Қазақстанда тұрып жатқан өзге ұлт өкілдерінің Қазақстан халқына деген сыйластығын, ұлттық қарым-қатынасын нығайту.

Топтар: БМ-12, МД-12

Құрметті студенттер, бүгін біз Тілдер күніне арналған «Тіл – халық мұрасы» атты интеллектуалды ойынға қатысып, «Ғажайып тілдер» еліне сапар шегеміз. Алдымыздан көп бекеттер кездеседі. Ондағы тапсырмаларды орындаған топ мүшелері жеңімпаз атанады. Жақсы, топ мүшелері, ойыншыларымыз анықталды, ендігі кезегіміз – әділқазыларды сайлап алу. Әділқазылар алқасымен таныс болыңыздар: _____________________________________________________________Жақсы, ресми бөлімді аяқтап, ойынымызға көшуге рұқсат етіңіздер.

І. «Танысу» бекеті.

Екі топтың сәлемдесуі. Таныстыру. Топтың атын парақшаларға жазылған әріптерден құрастырады («Ақыл» және «Озат» сөздері шығады).

ІІ. «Сиқырлы шарлар» бекеті. А.Байтұрсынұлы жайлы сұрақтарға жауап беру.

Әр оқушыларға ішіне сұрақтар жасырылған шарлар беріледі. Шарды жарып, ішіндегі сұрақтарға жауап береді. Әрбір дұрыс жауап 6 ұпай.

«Қазақ» газеті қай жылы, қай қалада жарық көрді. 1913 ж Орынборда

«Қырық мысал» аударма жинағы қай жылы қай қалада жарық көрді? 1909 ж Санкт-Петербургте

Байтұрсынұлының қазақ әдебиеттану ғылымы мен әдебиет тарихы жөніндегі тұңғыш көлемді еңбегі? «Әдебиет танытқыш»

А.Байтұрсынұлы жарыққа шығарған қазақтың эпостық жыры? «Ер Сайын»

А.Байтұрсынұлы жасаған әліпби? «Төте жазу»

«Қазақтың бас ақыны» атты көлемді мақаласы кім жайлы? Абай

ІІІ. «Ойлан, тап!» бекеті. (10 секунд). Әрбір дұрыс жауап 1 ұпай. (слайд)

1. Жуан дауыстыларды көрсет:

а, ә, о, е, ұ, ө, ы, ү, і, и (а, о, ұ, ы)

2. Жіңішке дауыстыларды көрсет:

а, ә, о, е, ұ, ө, ы, ү, і, и (ә, е, ө, ү, і, и)

3. Мына сөздерге синоним сөздер жаз:

Күшті, ел, үлкен, лауазым, өң, науқас, халық, тағам, қымбат, ажар.

4. Мына сөздерге антонимдер жаз:

Жылы, үлкен, жаңа, сулы, жақын, дос, жомарт, биік, терең, кең.

ІҮ. «Елдерге саяхат» бекеті. (Бейнесұрақтар) 10 ұпай (слайд)

Ү. «Ойлы болсаң, озып көр» бекеті.