Тіл менің мәңгі тақырыбым тілтанымдық сайыс, 6 сынып

«Тіл – менің мәңгі тақырыбым»

тіл білгірі сайысы

Мақсаты:1) оқушылардың қазақ тілі мен әдебиеті пәнінен білімдік деңгейлерін байқау, саралау;2)оқушыларды еңбексүйгіштік, адалдық борыш, ар-ұят секілді адами қасиеттерге тәрбиелеу;3) ана тілі арқылы оқушылардың рухани дүниесін, шығармашылық қабілетін арттыру;(бұл сыныптан тыс іс-шара 6 «А» , 6 «Г» сыныптары арасында ұйымдастырылады. Әр сыныптан 4 оқушыдан, топ болып қатыстырылады.)-Ерлік, елдік, бірлік, қайрат, бақ, ардыңЖауыз тағдыр жойды бәрін не бардың…Алтын күннен бағасыз бір белгі боп,Нұрлы жұлдыз, бабам тілі, сен қалдың!- деп, Мағжан ақын жырлағандай, құрметті ұстаздар мен оқушылар бүгінгі Тіл мерекесі күні 6 «А» , 6 «Г» сынып оқушыларымен өткізілетін «Тіл – менің мәңгі тақырыбым» атты арналған тіл сайысымызға қош келдіңіздер!— Сайысқа төрелік айту үшін қазылар алқасымен таныстырып өтейін. Қазақ тілі мен әдебиеті пәндерінің мұғалімдері:

Әр бөлімнен кейін қазылар алқасы бағалап, түсінік беріп отырады. Сайысымыз 1-ден 5 ұпай шкаласымен бағаланады. — Ана тілі - қазағымның қаймағы, Тілің сенің - өміріңнің айғағы. Бүгін міне, тіл туралы сайысқа, Әр сыныптың білгірлері шығады.

-Бүгінгі біздің сайысымыз 5 бөлімнен тұрады:

1. «Өзге емес, өзім айтам өз жайымда...» таныстыру

2. «Сен білесің бе?» сұрақ-жауап

3. «Мықты болсаң тауып көр» мақал-мәтелдердің жалғасын табу:

4. «Айтарым бар...» ойтолғау

5. «Қызықты грамматика» көрермендерге сұрақтар қою

1. «Өзге емес, өзім айтам өз жайымда...»

– Әр сынып тобының атын, эмблемасын, ұранын әсерлі, ерекше етіп, топтың мағынасын түсіндіріп, кестелі сөз өрнектерімен таныстыру қажет. Таныстырудың мазмұнды, тиянақты болуы және жатқа айтылуы ескеріледі.

2. «Сен білесің бе?»

— Тақтада «ҚАЗАҚ ТІЛІ» деген жазу бар. Әр оқушы кезектесіп, бір – бірден әріп таңдайды. Әр әріптің ар жағында тақырыптар белгіленген. Әр тақырыпқа үш сұрақ немесе тапсырма беріледі. Әр дұрыс жауапқа 1 ұпай беріледі. Жауап нақты, толық болуы керек.Дайындалып алуға 2 минут уақыт беріледі, бірден дұрыс жауап берсе ұпай саны көбейеді.

Қ . Қазақ тілі1. Сөзжасам нені зерттейді? (жаңа сөздердің жасалуын)2. Дауысты дыбыстар тіл, жақ, ерін мен езудің қатысына қарай қалай бөлінеді? (жуан, жіңішке, ашық, қысаң, еріндік, езулік)3. Сөз таптарын атап бер (Зат есім, Сын есім, Сан есім, Есімдік, Етістік, Үстеу, Шылау, Одағай, Еліктеу сөздер.)

А. Қазақ әдебиеті1. А.Құнанбаевтың «Ғылым таппай мақтанба» өлеңін жатқа айт.2. Абай атамыз айтқан 5 дос пен 5 дұшпанды ата(5 дос-ақыл, білім, терең ой, қанағат, рахым;5 дұшпан-өсек, өтірік, мақтаншақ, еріншек, бекер мал шашпақ)3. Өлең түрінде жазылатын шығарма қалай аталады? (поэзия)

З. Қазақстан тарихы1. Тіл туралы Заң қашан қабылданды? (1997 жыл,11 шілде,VІ тарау, 27 баптан )2. Тәуелсіздік күні қашан тойланады? (16 желтоқсанда)3. «Мәңгілік ел» идеясының тарихи негіздері қашан, қалай қалыптаса бастады?

2014 жылдың 17 қаңтарында Қзақстан Республикасының Президенті Нұрсұлтан Әбішұлы Назарбаевтың кезекті халыққа жолдауын «Бір жыл бұрын мен еліміздің 2050 жылға дейінгі дамуының жаңа саяси бағдарын жария еттім.Басты мақсат - Қазақстанның ең дамыған 30 мемлекеттің қатарына қосылуы.Ол – «Мәңгілік Қазақстан» жобасы,ел тарихындағы біз аяқ басатын жаңа дәуірдің кемел келбеті», - деп бастады.

А. География1. Қазақстанның ең биік тауы (Хан тәңірі)2. Қазақстан неше мемлекетпен шектеседі (5 — Ресей, Қытай, Өзбек, Қырғызстан, Түрікменстан)3. Қазақстанда қанша облыс бар (14)

Қ. Халық ауыз әдебиеті1. Мақал мен мәтелдің айырмашылығы неде?(мақал 2-3 сөйлемнен тұрады, мәтел қысқа болады)2. Тіл туралы 5 мақал – мәтел айт.3. Жаңылтпаш айт.