Тіл табыса білейік сабақ жоспары мектепке дейінгі топқа

Өзін-өзі тану

1-сынып

Сабақтың тақырыбы: «Тіл табыса білейік»

Сабақтың мақсаты:

Өзара түсіністік ұғымының адамгершілік құндылығы ретіндегі маңыздылығын ашу.

Сабақтың міндеттері:

1. Өзара түсіністік, өзара сыйластық тіл табысу туралы түсінік беру.

2. Балалардың өзін және басқа адамдардың түсіне білу қабілеттерін дамыту.

3. Балаларды өзара жағымды қарым-қатынас жасай білуге тәрбиелеу.

Көрнекі құралдар:

Слайдтар, дәптер, оқулық, түрлі қарындаш, құстар, күзгі табиғат бұрышы.

Сабақтың барысы:

1. Шаттық шеңбері.

2. Ұйымдастыру кезеңі.

Оқушылардың назарын сабаққа аудару.

1 слайд. Әнұран айтылады.

Мұғалім:

Өзін-өзі тану сабағымызды бастаймыз.

Оқушылар:

2 слайд. (Күн, аспан суреттері)

-Армысың, сұлу күн! (күнге қарап бас иеді)

-Армысың, ашық аспан!(аспанға қарап бас иеді)

-Қайырлы күн, баршаға! (құшақтарын жаяды)

Мұғалім:

-Сендер білесіңдер ме? Жылдың қанша мезгілі бар?

-Күздің қандай ерекшеліктерін білесіңдер?

-Осы күз мезгіліндегі ауа-райы қандай болады?

-Күз мезгілінде жаңбыр жауып, күн суытады, жапырақтар сарғайып жерге түседі, бау-бақшадағы өнімдерді түгел жинап аламыз.

-Міне, қараңдаршы, мынау сол бақшадағы өнім-көкөністер. (суреттер көрсету)

-Мен қазір сендерге жұмбақтар жасырамын. Шешуін дұрыс тапсаңдар көкөністерді сыйлыққа беремін.

1.Бойын жерге жасырған,

Бұрымы бар жасылдан.

(сәбіз)

2.Қырық қабат орамалға,

Оранады ол бала.

(орамжапырақ)

3.Сыртым қызыл өзім-ақ денем доптай,

Шешіндірсең жылатам ұрмай- соқпай.

(пияз)

4.Әр желінің асты толған көк қоян,

Жау болғанда көк қоянды жеп қоям.

(қияр)

-Жұмбақты өте жақсы шештіңдер. Енді, мына сынып бөлмемізге қараңдаршы? Жылдың қай мезгілін суреттеп тұр.

-Күз мезгілін.

-Оны қалай білдіңдер?

-Шашылған жапырақтардан

-Олай болса бәрің бері келіңдер. Шашылған жапырақтарды жинаймыз. (оқушылар тақтаға шығып шашылған жапырақтарды жинайды).

-Қолдарыңдағы жапырақтарға қараңдаршы. Бұл даладағы жапырақтардан өзгеше сияқты. Солай ма?

-Бұл жапырақтарды әріп пен сан жазылыпты.

-Олай болса сол жапырақтарды сандардың ретімен орналастырайықшы. 1-ші қандай сан тұрады?

-1 саны кімнің қолында? Енді сендер қолдарыңдағы жапырақтарды сан ретіне қарай маған беріп тұрыңдар. Мен ретімен ілім тұрамын. (оқушылар 1-ден 16-ға дейінгі сандарды ретімен береді)

-Балалар, сендер сандарды ретімен дұрыс қойдыңдар. Енді жапырақтардың әріп жағын ашайық не шығады екен?

-Қане, бәріміз бірге дауыстап оқиықшы, қандай сөйлем шықты?

-Бүгінгі сабақтың тақырыбы «Тіл табыса білейік» деп аталады екен. Мен сендерге тіл табысу туралы бір әңгіме айтып берейін. Сендер мына тақтадан суретін көріп тыңдап отырыңдар.

Алпамыс пен Махаббат ел аралап жүріп бір көңілсіз ауылға кезігіпті. Балалар көптен бері бір-бірімен ойнамақ тұрмақ, сөйлеспей де қойған екен. Балалардың қуанышы мен күлкісін естімегеніне көп уақыт өтіпті. Мұндай елде өмір сүру өте қиын ғой......

Алпамыс пен Махаббат осы жағдайға қатты ойланып, оларға көмек бермек болыпты. Олар әрі ойлап, бері ойлап, осы халыққа ақыл кеңес беруге Данышпан атаны алып келеді. Данышпан ата сол елдің жұртын жинап: Адамдар бірін-бірі тыңдаса, кешіре білсе, бір-біріне шыдамдылық танытса, бірін-бірі жымиып, күлімдеп қарсы алса, өзара сыйласа білсе, тату-тәтті достықта өмір сүреді, балалар қуанышқа бөленеді, бақытты болады, - деп айтыпты.

Данышпан атаның ақыл кеңесін түсінген балалар бір-бірінен кешірім сұрап, тіл табысып, тату-тәтті дос болады.

- Міне көрдіңдер ме? Сендер осындай жағдайда кімдермен татуластыңдар? Осындай жағдайлар сендерде болды ма?

(Оқушылар өздерінің басынан өткен жағдайларды айтады)

-Досыңмен ренжісіп қалсаң бір-бірлеріңе шыдамдылық танытып, татуласу керек екен. Әрқашан өзара сыйластық пен тіл табысу адам баласына өте қажет. Ендеше, осыған байланысты дайындаған көрінісімізді көрсетейік.

3 слайд. (Әтеш, лақ және күшік суреттері)

«Әтеш,лақ және күшік» әңгімесі. (Көрініс көрсетіледі.)

- Қане, балалар, осы көрген көріністі талдап жіберейікші.

- Әңгімеде әтеш, лақ және күшік қалай достасты?

- Бір-бірімен ренжісіп қалғанда қалай тіл табысуға болады?

-Адамдар бір-бірімен ренжісіп қалғанда, бірінен-бірі кешірім сұрайды. Кешірімді міндет етпей, шын көңілден сұрайды. Түсіністік болмай қалған жағдайда болған істі немесе айтар ойын жымиып тұрып, асықпай түсіндіріп айтады.

Сергіту сәті

Енді, бәріміз бір сәт демалайық.Апайлар сіздер де дем алыңыздар. (Музыка естіледі.)

-Балалар, денелеріңді түзу ұстап, бастарыңды жоғары көтеріп ыңғайланып отырыңдар, көздеріңді жұмыңдар. Ауаны терең жұтып, еркін тыныс алыңдар. Өздеріңнің тыныс алуларыңды бақылап, бақытқа, махаббат пен тыныштыққа толы таза, шипалы ауаның тұла бойларыңа толғанын сезініңдер.....................

Ал, енді, көздеріңді ашыңдар. Рахмет!

-Енді өз орнымызға отырамыз. Ойымызды жинақтап. Оқулықтың 47-ші бетін ашайық. Ол жерде суреттер көрсетілген. Осы суреттердің үлкейтілген түрін мына тақтадан көріп, осындай жағдайларда қалай тіл табысуға болатындығымызды талдайық?

4 слайд. (1 жағдаят)

Жағдаяттарды талдау.

-Балалар, суретте жылдың қай мезгілі бейнеленген?

-Суреттен кімдерді көріп отырсыңдар?

-Осы балаларға ат қояйық?

-Жарайды. Сендерге түсінікті болу үшін мен әңгімелеп берейін.