Тілден терең теңіз жоқ тіл сайысы, 4 сынып тәрбие сағаты

«Тілден терең теңіз жоқ» атты тіл сайысы.

Мақсаты:

Оқушыларды туған халқының тілін қастерлейтін саналы да парасатты азамат етіп тәрбиелеу. Тілге деген сүйіспеншілігін, қызығушылығын дамыту. Тіл мәдениетінде, достық қарым – қатынасқа, ой ұшқырлығы мен тапқырлыққа, өз ұлтын сүюге, құрметтеуге тәрбиелеу.

Сабақтың түрі: сайыс сабақ.

Көрнекілігі: рәміздер, кеспе қағаздар, қанатты сөздер

Сабақтың эпиграфы:

Көп тіл білсең көкжиегің кең болар,

Құрметтейді кісі екен деп төрге озар.

Қай елде жүрсең де бұл дұрысы,

Мемлекеттік тілді үйренгенің жөн болар

Барысы:

1.Ұйымдастыру кезеңі.

2.Байқауға қатысушыларды тіркеу.

3.Қазылар алқасын сайлау.

* Сәлеметсіздер ме, құрметті көрермендер! «Тілден терең теңіз жоқ» атты сайысымызға қош келдіңіздер!

Қазақстан Республикасының Президенті Нұрсұлтан Әбішұлы Назарбаевтың халқына жолдаған жолдауында «Қазақстан Республикасының болашағы қазақ тілінде» деген болатын. Мемлекеттік тілді үйрену, білу, дамыту – баршамыздың міндетіміз және әркімге де парыз саналады.

Қазақстан жерінде тұратын әр адам Отанын сүю, мәдениеті мен тілін білу және оларды қастерлеу қасиетті борышы екенін сезінуі қажет. Осындай мақсатпен біздің колледж ішіндегі топтардың арасына «Тілден терең теңіз жоқ» атты сайысы ұйымдастырылып отыр.

Олай болса бүгінгі біздің сайысымыздың әділ – қазылар алқасымен таныс болыңыздар:

«Тілден терең теңіз жоқ». зияткерлік сайысына қатысушы топтармен таныс болыңыздар:

ІІ.Негізгі бөлім Таныстыру кезеңі

1. «Зымыран сұрақтар»

2. «Жеті жұрттың тілін біл»

3. «Сөз мәйегі мақал»

4. «Көркем сөз» сайысы.

5. «Жүйрік болсаң, шауып көр»

6. «Ойлы болсаң, озып көр»

ІІІ.Қорытынды бөлім

Жеңімпаздарды марапттау

І.Зымыран сұрақтар.

Мықты болсаң - алдағыны басып оз,

Мықты болсаң – арттағыны жеткізбе.

Мықты болсаң – тайғанама көк мұзда,

Мықты болсаң – бөгеттерді бұзып өт, - деп сайысымыздың бірінші кезеңіне өтеміз.Бұл кезеңде әр топқа 10 сұрақ қойылады. Әр дұрыс жауапқа 1 ұпай беріледі.

І топ

1. Батыр сөзінің синонимін ата? (ержүрек, батыл, жаужүрек)

2. «Ақ киізге көтерді» сөз тіркесінің мағынасы қандай? (хан сайлады)

3. Қазақ тілінде қанша әріп бар? (42)

4. Қазақстан рәміздерін ата. (Ту, Елтаңба, Әнұран)

5. Қолданудан шығып, аз айтылатын сөздер (көне сөздер)

6. Фонетика нені зерттейді? (тіл дыбыстарын)

7. Қазақтың алғаш әліппесін жазған кім? (Ыбырай Алтынсарин)

8. «Жаны зәр түбіне жету» сөз тіркесінің мағынасы қандай? (қорқу)

9. Мағыналары бір - біріне қарама - қарсы сөздер (антоним)

10. Айтылуы бірдей, мағынасы басқа сөздер (омоним)

ІІ топ

1. Қазақстан Әнұранының авторлары кімдер? (Жұмекен Нәжімеденов, Нұрсұлтан Назарбаев)

2. Тіліміздегі сөздердің жиынтығы (лексика)

3. Ел басқару саласындағы ең жоғарғы лауазым? (Президент)

4. Белгілі бір аймақта ғана қолданылатын сөздер (диалект)

5. Дөрекі, әдепсіз сөздер (дисфемизм)

6. Белгілі бір кәсіпке айтылатын сөздердің түрі (кәсіби сөздер)

7. 16 желтоқсан қандай мереке? (Тәуелсіздік алған күн)

8. Мақалды жалғастыр: Тіл тас жарады,....

9. Дулыға, сауыт сөздері қандай сөздер?(көнерген сөздер)

10. Ойды әдепті, сыпайы етіп жеткізу (эвфемизм)

Жүргізуші: Жеті жұрттың тілін біл» кезеңі

Жеті жұрттың тілін біл, жеті түрлі білім біл – деп кезекті сайысымыздың шарттарымен таныстырайын.