Ұстаз болу бақыты туралы мақала қазақ тілі пәніне

Солтүстік Қазақстан облысы

Есіл ауданы

Волошинка селосы

Волошинка орта мектебінің қазақ тілі мен әдебиеті пәні мұғалімі

Кусаинова Асия Ибрагимовна

Ұстаз болу бір бақыт

Қандай рақат, шын бақытын тапса адам-деп ақын жырлап өткендей, шынымен де, мен үшін «бақыт» деген тармағы кең ұғымның бір шеті осы ұстаздық мамандықпен ұштасып жатыр. Анығында «ұстаз» деген кім? Ұстаз –шәкіртін адалдыққа баулушы, өмірлік азық боларлық пайдалы білім мен жанына ізгіліктің нәрін себуші, жақсы мен жаманды үйретіп,адамгершілік қасиеттерді сіңіруші,ең жақын жаңашыры әрі ақылшысы.Бір сөзбен айтқанда,бүгінгі қоғамды ертең алға сүйрейтін озық ойлы адам тәрбиелеуші, өз уақытын аямай,өзгенін бақытын аялаушы.

Алайда,өзімді,бүгінгі таңда «керемет ұстазбын» деп айту астамшылық болар деп ойлаймын. «Ұстаз» деген ұлы атаққа ие болу үшін әлі талай маңдай тер төгіп,үздіксіз еңбектеніп, талай-талай белестерді бағындыру керектігін мойындаймын.

Ал, мен –заман ағысына сай біліммен қаруланған,ой-өрісім жоғары, үздіксіз ізденісте жүрген, жан-жақты дамып,қалыптасып келе жатқан қатардағы ұстазбын.

Жаңа дүниені жатсынбай қабылдадым. «Ескіден қол үзбей,жаңаға қол жеткізгендер ғана мұғалім бола алады», -деген екен Қытайдың дана ойшылы Конфуций. Мұғалімнің білімі мықты болса,білім беру жолдарын қолданса,мұғалім өзі әр қашанда ізденісте болса оның оқушылары биік жетістіктерге жетеді.Білім алатын орта қалыптастыру.оқушының ішкі уәжін ояту,оған өзінің біліміне өзі жауапты екенін көрсету,өзін-өзі бағалау,сыни тұрғыдан ойлауға үйрету,алған білімнің күнделікті өмірде қажеттілігін дәлелдеу-осындай мақсат қойған мұғалім оқушының қызығушылығы арттады,білім алуға жетелейді.Өзіне сенімді,алған білімін өмірде қолдана алатын,өзіндік көзқарасы бар,дамыған тұлға шебер мұғалімнің алдынан шығады. «Ұстаздық еткен жалықпас- үйретуден балаға» -деген Ұлы Абай Құнанбаевтың сөзімен айтағым келеді.