Тілдер мерекесіне арналған сыныптан тыс жұмыс

Сабақтың тақырыбы: Тіл – ел тірегі

Сабақтың мақсаты:1.Оқушыларға мемлекеттік тілді білудің маңызы жайлы айту және оны құрметтеуге үйрету,өткен тақырыптар бойынша алған білімдерін пысықтап,ой-өрісін,білім деңгейін кеңейту.

2.Қазақ тілі туралы мақал- мәтелдер,өлең,тақпақ,нақыл сөздер айту арқылы оқушының сөздік қорын молайтып,тіл байлығын дамыту.

3.Адамгершілікке,ізденуге,тілді құрметтеуге,тіл байлығын,маңызын түсінуге баулу.

Сабақтың түрі:сыныптан тыс іс- шара,сайыс сабақ

Сабақтың әдіс- тәсілі:сұрақ-жауап,түрлі тапсырмалар,ойын

Сабақтың көрнекілігі:интерактивті тақта,мақал мәтелдер ,нақыл сөздер жазылған плакаттар

Сабақтың барысы:I Ұйымдастыру кезеңі:(Оқушылар екі топқа бөлінеді)

Мұғалімнің кіріспе сөзі:Құрметті ұстаздар,оқушылар! Бәрімізге белгілі 22-қыркүйек тілдер мерекесі.Сондықтан біз де бүгін тілдер мерекесіне арнап «Тіл – ел тірегі» атты сыныптан тыс іс-шарамызды бастайық.

Жүргізуші:

Тіл қай ұлтта, қай елде болса да қастерлі, құрметті. Ол адамға ана сүтімен бірге еніп, қалыптасады.Тіл байлығы-әрбір елдің ұлттық мақтанышы.Өзі ана тілін қадірлеп,қастерлемейтін адам жоқ.

«Халықтың мәңгі ғұмыры-оның тілінде. Әрбір тіл өз халқы үшін ұлы»,-деген Шыңғыс Айтматов, айтқандай! Әр адам өзінің ана тілін қорғай да, құрметтей білуге міндетті.

Қазақ халқы өз тілін ардақтап, кие тұтқан.Тіл құдіретін танып, «Өнер алды- қызыл тіл», «Бас кеспек бар да, тіл кеспек жоқ» деп дәріптеген.Ананың әлдиімен ұрпақ бойына таралып, ананың бал сүтімен сүйегіне сіңетін тілді ана тілі деп аялаған.Қазақстан Республикасының Конституциясына сәйкес қазақ тілі тіл мәртебесіне ие.

Ана тілім- тірлігімнің тірегі,

Тілмен ғана кірер адам реңі.

Тілсіз қоғам-өлі,мынау дүние,

Түсініксіз тылсымменен бірге еді.

Ана тілім- бәрін сөйлер шежірем,

Тілсіз нені білдіре алам,не білем!

Тілім барда ғана мынау ғаламның,

Кілтін табар саналысы сезінем,-деп Т.Әбдірахманова жырлағандай,ана тілімізді әр уақытта құрметтейік,өзге тілмен шұбарламайық.

Құрметті оқушылар бүгінгі біздің сайысымыз бес кезеңнен тұрады:

1-кезең.Әр топ өз топтарының атымен,ұранымен таныстырып өтеді.

Бірінші топ: «Бәйтерек»

Ұраны: «Білекті бірді жығады,білімді мыңды жығады»

Екінші топ: «Сұңқар»

Ұраны: «Пайда ойлама,ар ойла,

Талап қыл артық білуге»

2-кезең.Екі топтың оқушылары тіл туралы өлеңдерін жатқа, мәнерлеп оқиды.

1.Туған тілім-тірлігімнің айғағы,

Тілім барда айтылар сөз ойдағы.

Өлсе тілім мен де бірге өлемін,

Өшсе тілім мен де бірге өшемін.

2.Туған тілде сыры терең жаным бар,

Туған тілде әнім менен сәнім бар.