Тілім менің баға жетпес байлығым сынып сағаты 5 сынып

Өтегенова Нұргүл Өмірбайқызы Сынып жетекшісі «№17 гимназия» ҚММ Ақтөбе қаласы

Тақырыбы:«Тілім менің, баға жетпес байлығым»

Мақсаты: Тіл – өткеннің ұрпаққа қалдырған аманаты, бүгінгі күннің абыройы, ертеңгі күннің кепілі. Бүгінгі басты мақсатымыз, оқушыларды туған тілін қастерлейтін саналы да парасатты ұрпақ етіп тәрбиелеу. Оқушылардың өз ана тіліне деген құрмет сезімін арттыру, тіл мәртебесін көтеру, таза сөйлетуге үйрету, өз ұлтына, еліне деген сүйіспеншілігін ояту. Жас ұрпақты өз ана тілінің қадірін біліп, өз тілінде дұрыс сөйлесе білу – әр қазақ баласының бірден-бір міндеті екенін ұғындыру.

Көрнекіліктер: Тіл туралы мақал-мәтелдер, ақын-жазушылар суреттері, презентация, түрлі түсті бояулар.

Барысы: Қазақстан Республикасының Мемлекеттік әнұраны орындалады.

Мұғалім: Құрметті оқушылар, бүгінгі сабағымыздың мақсаты: ана тілімізді қадірлеп, өз ұлтына деген құрмет көрсетуден басталады. Бауыржан Момышұлының «Анамыздың ақ сүтімен бойымызға дарыған тілімізді ұмыту – бүкіл ата-бабамызды, тарихымызды ұмыту» деген болатын. Сондықтан да оқушылар өткен тарихымызды ұмытпау үшін, ананың ақ сүтімен берілген тілімізді көзіміздің қарашығындай сақтап, мәртебесін көтеру әр адамның басты міндеті болып табылмақ. Тіл байлығы – әрбір ұлттың мақтанышы деп біліңіздер.

1-Жүргізуші: Ана тілі- ең басты байлығымыз. Ана тілі- ең ұлы тіл. Ең құдіретті де қастерлі өз ана тілім. Туған тіліміздің абыройын асқақтату – әрбір азаматтың борышы. Сондықтан да туған еліміздің мемлекеттік тілін білуге міндеттіміз. Өйткені, тіл – бізге ата-бабамыздан қалған мирас. Ата-баба мұрасын жалғастыру, оның мәртебесін көтеру баршамыздың міндетіміз.

2-жүргізуші: Тіл – құрал! Тіл халықпен бірге жасайды, дамиды, өркендейді. Ендігі кезекте өлең жолдарына кезек берейік.

Бауыржан: Сүйемін туған тілді - анам тілін,Бесікте жатқанымда-ақ берген білімШыр етіп жерге түскен минутімненҚұлағыма сіңірген таныс үнім.

Сол тілмен шешем мені әлдилеген,Еркелеткен, "құлыным", "жаным" дегенСол тілменен бірінші білгізілген:"Ана" деген сүйгендік сөз әм мененҚылжықтап, алып қашып құрбы бөркінСол тілменен ойнадым далада еркінСол тілменен бірінші сыртқа шығыпӨмірде ен далада ұққан көркім.

Адилет: Ана тілің біліп қой,Еркіндігің, теңдігің.Ана тілің біліп қой,Мақтанышың, елдігің.Ана тілің – арың бұл,Ұятың боп тұр бетте.Өзге тілдің бәрін біл,Өз тіліңді құрметте!